بليز ساعدوني شربت ولدي حليب التموين بالغلط

السلام ..
ولدي عمره شهرين ونص واختي الصغيره لاعبه بحليبه مفضيته وحاطه في حليب تموين مال الكبار وصارلي يوم اشربه وحبيبي بس يرجع
بعد يوم قالتلي انها لاعبه بالحليب
ابي اسالكم شسوي هل هالحليب يضره ؟؟؟؟
بليز ساعدوني

حبيبتي الجواب الشافي،، عند دكتور مختص، مثلا . د. عفاف الرومي

وانشالله ماكو الا كل عافية

ان شاء الله ماكو الا العافيه دام رجعه
بس روحي لدكتور ضروريوسلامته مايشوف شر

مايشوف شر ان شاءالله بس ودي عند الطبيب لاتخلينه حبيبي
وعاقبي الشريره الي ماكله حليبه وحاطه بداله حليب التموين شريره تسوي تمويه

باذن الله مافيه الا العافية

بس هالحليب سوا له تلبك معوي

ورجعي على حليبه

رديه علي حليبته بالتدريج

يعني موووو تحولينه علي حليبته بسرعه

مثلا اذاا تعطينه حليبته 4 قفاش
خلي الخلطه كالآتي <<<<<<< موهينه بالعربي هههههه

ثلاث قفاش من حليبه ووحده من التموين وشوي شوي ليما تسنعين معدته وماعليه الا العافيه يمه

انا اعطي بنت ولدي هههههههههههه بقصم انقعه بحليب التموين واوكلها اسم الله عليها واهلها مايدرون والحين البنت تبي حليب التموين وماتشرب النيدووو هههههههههههههههه

ما عليه الا العافية باذن الله هو يرجعة لأنه ثقيل لى معدتة بس مو لأنه فيه مضرة حبيبتي
بس الله يهديج شلون حاطه حليبتة بمكان يطولونه اليهال و شلون ما انتبهتى يوم تسويله حليبة انها غير يا ربي حليب التموين يبين ريحتةو قوامة ثقيل مو مثل مالت البيبي اصلا حتى لغسلتي الممية يبين انه دسم مو مثل غسال حليب البيبي تحرصي يا الغالية و خليها عادة عندج قبل لا تحطين شيء بحلج الياهل ضوقية حتى لو حليب توج فاتحته و لا اكل بيبي لأنه مرات التخزين يكون غلط لا تحاتين ما عليه الا العافية شكلج بجر يا عمري عليج اخترعتي

ان شاء الله ما فيه الا العافيه بس ديرى بالج يقلبى حتى لا يتكرر الموةضوع مرة ثانيه وةاذا لقيتيه يراجع اعرضيه على الطبيب افضل

مشكورين وماتقصرون واختي مسكينه اخترعت ماتدري تقولي لقيت العلبه فاضيه عبيتها عشان انا اكل منها بس نسيتها بالمطبخ فالخدم يابوها مع حليب ولدي