|
|
السلام عليكم ………….
بنات انا حامل 15 اسبوع وعندي انفصال بالمشيمه ونزيف بس ما وقف الا علي تحاميل مثبته وابر والحين انا قاعده بالبيت ونايمه علي ظهري وهذا اللي وصوني عليه الدكاتتره اللي شافو حالتي
المهم انا الحين مقزرتها مرضيات لاني محوله مجلس طبي انا كنت وايد متفائله ان راح يعطوني علي الاقل شهرين لكن بنت خالي حبطتني قبل شوي وقالت رفيجتها نفس حالتي وعطوها بس اسبوع 
بنات شالحل اذا ماعطوني ابييييييييييه شبسوي انا بيتي بعيد عن دوامي والشوارع زحمه بالروحه والرده ودوامي طويل من ال8 لي 3 وكراف اليهد
وانا اساسا تعبانه وايد واحس بتقلصات خفيفه لوما المثبتات تهقون يعطون علي الاقل شهرين منو مثل حالتي وعطوها يارب حيرانه وقاعد افكر مايصير جذي لالامرضيات ولا لجنه ياربي ليش ماكو رحمه يعني الا واسطه ……..
هاذي ديرتنا بعد شنسوي كل شي بالواسطه
واذا كلش اخذي اجازه من رصيدج انا حاليا ماخذه 3 اسابيع عشان نساة وتعب
وساعات افكر بس ما اظن بسويها اني اخذ اجازه اسريه سنه بدون راتب بس بتحمل حرام اقعد بدون راتب عارفين الغلاء
يعطون حق لي عندها مضاعفات حمل؟؟
اول مرة 8 اسابيع
بعدين 12 اسبوع
والحين الاسبوع الياي عندي لجنة
بس هذي راح تكون لي الولادة اذا وافقو
وانا لا واسطة ولا شي
بس اخذي تقاريرج وياج
انا عندي 3 اجهاضات وولادة مبكرة ببنتي
فعطوني
شوفي انا ماكلمت ولا وصيت احد
توكلت على الله وعطوني 12 اسبوع
حنووون اللي صج تعبانه يعطونها
ولاتخافين يمكن يعطونج شهر تقريبا وتراجع
عشان يشوفون حالتج صارت احسن ولا لأ
وحتى الطبيات اخذيلهم موعد مجلس طبي عشان يصدقونها
انا خذيت حق طبياتي بس انطر موعدي
وماتشووووووووووفين شر ياأحلى حنووووووووووووون
انا من الشهر الاول لي السادس ماداومت لانه حالتي الصحيه كانت كلش موشي
تعبانه ومشيمتي نازله غير الهبوط 24ساعه ورجفه صارت فيني ونازل وزني 10 كيلوات راجعتهم وعندي تقارير طبيه ابحالتي غير المرضيات قالولي نعطيج اجازه بس شهر وراجعينا عشان انشوفج تخيلي من اول شهر لي السادس وانا كل شهر عندهم
ابصراحه يبيلهم واسطه
ما احبهم
.gif "Eh S(14)")
انا بجرب لي موعد اللجنه وانا وحظي والله كريم …….
انا مرمطوني تمرمط ومن دكتور لي دكتور
ولا عطوني اجازة ولا شي
و عندي موعد بالصباح مستشفى الولاده حق المجلس بعد اسبوعين و الله يستر
شوفي اذا عندج واسطه ممتاز اذا ماعندج لازم يكون تقريرج قوي
الله يعين كل حامل انا بعد مقدمه مجلس طبي