|
|
مرحباا بناات اناا عروس وعرسي شهر عشره وشريت قمصان وبجايم وجم كعب وجم عطر بس يعني مو واجد
ابي اسامي عطور كشششخه وريحتهم حلوووه وابي مكاان حق الجناط فخم وسعره معقول بليز وجذي هسوالف فيدوني بليززز احس مخي مقفل والاكسسوارات الحلوه وين بليز بنات تفاعلوا وياي .gif "Eh S(11)")
بنسبه لي احب عطر فلورا من قوتشي وشوبارد
واذا عالجناط فري الافنيوز و٣٦٠ والصالحيه
شوفي الجناط والساعات عندج اقنر وجفنشي وكالورينا هوريرا ومايكل كورس وبربري ودكني
وفي محل بالمرينا يم كليرز مااعرف اسمه وسامبا بالفنار عندهم جناط رخيصه وحلوه ماركات روكوبروكو وبايلس وشروتي
وان شاءالله البنات يفيدونج اكثر
|
المشاركة الأصلية كتبت بواسطة بـآربيـآ
 اي صح ابي اسامي مجاميع لوشن وشور جل وبدي سبريه فواحين وحلووين وهسوالف
|
حلوين ملوت فكتوريا سيكرت وباث اند بدي ووركس وبدي شوب
هذيل الي جربتهم بس
جيفنشي الذهبي وجيفشني الي شكله جنه برج
مع البورده او اللوشن المعطر مالها
خليها تجربهم عليج الاثنين وشوفي ايهو الي ترتاحين له اكثر
عن نفسي، حبيت الاول و راح اشتريه رسمي للبدله البيضا
اما الجناط الماركة انصحج بالتالي :
– توخرين عن الماركات المعروفه مثل ال في، قوتشي وهالطقه . لان هذول تقليدهم ترس السوووق
وعادي جدا تطقين وحده ب300 ، وتشوفين بنية نفسج لابستها وماخذتها من الهنود ب15 دينار
– اخذي من الماركات الي مستحيل تتقلد مثل جست كافالي ، سي كي ، مايكل كورس، ارماني
هذول بتقطين على الوحده دم قلبج لكن وانتي مرتاحه جدا … لي شافوها الناس عليج يدرون ان مستحيل تقليد درجة اولى والا ثانيه والا سبعتش خخخخ
وهالماركات موجودين بالافينيو و 360
– الاسعار المتوسطه ، روحي حق مجمع الزهرة بالسالمية ، شارع سالم المبارك ، على نفس خط سنتربوينت السالميه واتش اند ام
هالمجمع كله نفانيف جاهزه للاعراس وكله محلات جناط وجواتي ماركة بس من الاسعار المقبولة .. تبلش من 20 الى 70
وموديلاتها غريبة وماتشوفين منها وايد على البنات بالسوق ..
وهم من الاسعار المتوسطه.. تلقين عند ميلانو و ريفر ايلاند ، وجناطهم خصوصا ريفر ايلاند ( تبجيييييييي )
————-
بالنسبه لمجموعات الشاور :
– روحي الكوت فوق ، تلقين محل لوكيتين.. كلمة روعه اشوي عليه
– باث اند بودي ووركس ..
– و كوشك طحت عليه بجميعه كيفان (فوق) .. عليهم سوالف و فناتق ! ارخص من السوق كله
يعني يبيعلج مجموعه شاور كامله مع طقم الروب ، ب24 دينار!! انا الي بالسوق لقيته ، ارخص شي 40 دينار
وعليهم حركات وسوالف تبجييييييي .. من عطورات فواحه من لوشنات !! باختصار شديد .. ( مو صج ) !!
وفيرونا مرات يسوي تنزلات على بعض الموديلات تحصلين 30 و35
وكارولينا هريرا حلو واييد ذربه جناطه
مايكل كورس مليان السوق تقليد منها صج مبين انه تقليد بس كرهتها من كثر ماشفت تقليدها بالسوق
والعطورات انا عن نفسي احب لانكوم وايد وعجبني غوتشي باي قلتي بس انتي روحي دبنهامز او بيضون وشوفي شنو عندهم لان الناس اذواق
والحين بيضون مسوين تنزيلات حلوه
اما مجموعات الشور احب بدي شوب وايد وخصوصا مجموعه الفراوله والمسك الابيض وعندج فكتوريا سيكرت هم شغلاتها حلوه بالافينيو
الدوا تنزيلات بعد جيكي عليه يمكن يعجبج شي لان الصنادل والجواتي مالها موضه معينه
حبيبتي روحي حق مارك اند سبنسر في 360 لوشناتهم فضيييعه وبارده وفواحه
الافنيوز فيه كل الي تبينه
و العطور ماكو على شانيل افضل ماركة مهما شريت ارد عليها
و باث اند بدي وركس حلوين تاخذين شور الصبح تحسين نفسج فريش
up
في عطر يديد من غيرلان حلو تلقينه بسيفورا
وشوبارد اليديد
جادور طبعا غني عن التعريف
بالنسبه للوشنات عندج بودي شوب مجموعة المسك الابيض وباث اند بدي تدشينه تحتارين شنو تاخذين عندهم مجموعه الباريسيه ع شكل برج ايفل حلوة ويديده توها نازله
وفيكتورا سيكرت بعد حلوووين
الجناط لازم لازم جنطه معروفه ترا ع فكرة يبين اذا اهي اصليه او تقليد ( قوتشي / ديور / ال في / جفنشي / فندي / فرزاتشي / فالنتينو )
الاكسسورات بكل مكان شوفي اللي يعجبج
عذرا عالقرقه