|
|
مساكم الله بالخير او صبحكم الله بالخير حسب توقيتكم ومبارك عليكم باجي الشهر و عيدكم مبارك مقدما 
معاكم أختكم مدرسة لغه انجليزيه للمرحله الابتدائيه و صارلي بس سنه وحده من توظفت و حابه اعرف رايكم هل تنصحوني انتقل من المرحله الابتدائيه لي المتوسطه او الثانوي و لا اظل بالابتدائي
تكفون حدددددي محتاره 
و ودي بأراء الخبره بليييز
وشكرا
اختي مدرسة انجلش وحولت من الابتدائي للمتوسط وتقول فرق شاسع جدا جدا وراحه فضيعه
من جد فرق
وعيدج مبارك مقدمااا
كراف موطبيعي ولايبين في وجه التوجيه
الابتدائي اصعب شيء لانه تاسيس
انا ابلة ابتدائي انجليزي وكاتبة اوراق انقل للمتوسط او الثانوي
صراحة أنا ماشووف فرق اذا بتقارنون بين المرحلتين بالشغل!!!
الشغل شغل ….اذا انت شغيله رااح تشتغلين بنفس المستوى …لا تقولون كراف ومدري شنو. عاد انت وضميرج
الفرق الوحيد بين المرحلتين اهو الفئة العمرية للطلبة …يعني معرفتك بأصول التعامل مع الطلبة والي أهي المفتاح. للتدريس الفعال
اذا انت حاسه انج مو مرتاحة حاولي تكتشفين السبب الرئيسي الي مضايقج مو عالطول اي ضيقة او مشكلة
تقولين بتنتقلين … أنا اعتبر هالشي هروب من المشكلة مو حل
وشغلة ثانية سنة مو شي علشان تعرف وتتعود وتنظم شغلها …….
و شكرا للجميع
|
المشاركة الأصلية كتبت بواسطة catee 80
 سلام بنات
صراحة أنا ماشووف فرق اذا بتقارنون بين المرحلتين بالشغل!!! الشغل شغل ….اذا انت شغيله رااح تشتغلين بنفس المستوى …لا تقولون كراف ومدري شنو. عاد انت وضميرج اذا انت حاسه انج مو مرتاحة حاولي تكتشفين السبب الرئيسي الي مضايقج مو عالطول اي ضيقة او مشكلة وشغلة ثانية سنة مو شي علشان تعرف وتتعود وتنظم شغلها ……. |
اي نعم كراف موطبيعي ولايبين في وجه التوجيه
المسالة مو مسالة ضمير وبس 00 كان انا ماخذة امتياز من زمان
الكلام ان على كثر ماتتعبين ويكون صفج توب 00 يجيج الموجه ويخفس في تقريرج لانج ماعلمتيهم شيء من خارج المنهج
او تجيج رئيسة القسم اطلع من تحت القاع خطا صغير واحيانا مو موجود وتخلي تقرير زيارتج منصب على هالشيء
وكلما ناقشتيهم انج اتبعتي اسلوب معين عشان اتقربين المعلومة للبنات الصغار 00 قالوا لج لأ تكلمي معاهم ستريت بدون تلميحات 00 خلي بنات اولى ابتدائي ينطقون جملة طويلة عريضة بدون مساعده حتى لو بالاشارة
ترى بحصتي ما اتكلم كلمة عربية وحدة وبنات اولى فاهميني ويسوون اللي ابيه
ترى على فكرة قبل كنت انطم واسكت ويعطوني صفوف تاسيس لقوة تدريسي
هالسنة اجبرتهم يغيرون تقارير الزيارات مرتين ووقفت شوكة ابلعوم الموجه
لان ماعاد اتحمل 000 اتعب واخرتها خفس
يكفيني شرف ان الامهات يدعون لي ويعتبرون نفسهم محظوظات اذا صاروا بناتهم عندي وللحين مايبوني انتقل من الابتدائي
بس خلاص تعبت بزيادة لان مهما كان لاعت جبدي من الموجه ورئيسة القسم اللي كل ماناقشتهم بشي قالوا لي احنا نصير دقيقين لاننا انمسكج صفوف تاسيس اولى وثانية
اوووف تعبت وانا اتكلم
عسى يطلع نقلي وارتاح
الابتدائي تاسيس .. و لوية يهال ..
المتوسط .. ضعف تراكمي من الابتدائي !!
الشغل اهوو اهوو و بالمتوسط صار اصعب مع المناهج اليديده !
و اللي طبقوه بالاتدائي .. راح يصعد للمتوسط ..
والتوجيه واحد ..
خل تشوف اهي شنوو تحب .. تتعامل مع الصغار ولا الكبار ؟؟
و الله يوفقها