بلاستر اللعاب

السلام عليكم

أمس كان عندى موعد في الطب التطوري لبنتي

وصرف لها بلاستر تحطه ورا اذنها علشان يخخف اللعاب

خاصة ان بنتي عنها مشكلة في البلع علشان جذيه دائما تتبلل ملابسها وأضطر أحط لها صدرية

سؤالي منو جربتها ؟

هل كان لها نتيجة ايجابية ؟؟؟

ناطرتكم!!!

ماجربت بس ماحبيت أطلع من غير ماأرد على الغالية

والله يا الغاليه ما عندي فكره

كافي مرورك ياست الناظرة

يعطيك العافية ان شاء الله ماتحتاجينه

أول مره أسمع عنها وإنشالله يفيدونج البنات والله يشفيها

انا جربتها وبصراحة ما استفادت بنتي حييييل يعني كنت احط الصدرية بعد وبعدين الدكتورة لما شافت جذي ما صرفت لها مرة ثانية وللحين ما لقيت حل بس انشاءالله تفيد بنتج لانه الدكتورة قالت وايد ناس استفادوا والله كريم

انا ولدي كان وايد يسعبل حتى كان حنجه دايما يلتهب
بس الحين الحمدلله احسن خف وايد بس اول مرة اسمع عن اللبلاستر

الله يشافي عيالكم امين

ممكن سؤال شنو الطب التطوري؟وشنو الحلات الحالات اللي يستقبله

هذا البلاستر موجود من زمان بس أنا أول مرة أستخدمه لبنتي

شكرا لمرورك

بنت الكويت قالوا الدكتور ممكن ينفع وممكن ماينفع بس قال جربيها وشوفي

عسى الله يشافي بنتي

شكرا لمرورك يالغالية
وعسى الله يشافي ولدك

آمين

الطب التطوري يتابع حالات الشلل الدماغي وتأخر النمو العقلي ويسوون بعد عندهم اختبارذكاء

لا والله يا الرهييفه ما سمعت فيه أول مرة أسمع منج بعد
أنتي تسوين لها على بالبلع ؟؟ ترى ضروري ..
أنا عزوز كان جذي بس الحمد لله راح مع المعالجه .. الحين بس إذا استمرض يكثر عنده اللعاب وقليل السيلان

الطب التطوري يعالج او بالاحرى يتابع جميع الحالات اللي منها
الشلل الدماغي -التوحد- بطئ التعلم
جميع الاعاقات التطوريه للنمو
وما ياخذون الحاله الا بعد اجراء اختبار-وما ادراك ما الاختبار