بكرية وخايفة ارجو المساعدة

السلام عليكم

ابي اسئلكم

انا اليوم صار معاي شي اول مرة يصير معاي من حملت

انا كنت نايمة على جنبي اليمين واول ما قعدت من النوم لفيت ابي اعدل نفسي

وانسدحت على ظهري وسبحان الله

ولا اشوف بطني صار انتفاخ البطن كله على جهة اليمين والجهه اليسار صارت فاضية

يعني الجنين صار كله جهة اليمين

انا حامل بنص السادس

انا بجريه وخايفة وصارت معاي هالسالفة اليوم ثلاث مرات كل ما انام واسوي نفس هالحركة يصير نفس الشي

هل هالشي عادي ولا غريب

اعتقد عادي لاني سمعت في ناس حركه البيبي ماشاء الله تكون واضحه لدرجه بطن الام يلف معاها والاغلب الحركه بسيطه او خفيفه

ان شاء الله مافيج شي

اهم شي حسيتي بحركه البيبي عقب؟

ما فيج شي ان شاءلله
مرات البيبي يصير علي جنب ^^
ما عليج الا العافيه دام حركته طبيعه

ان شاء الله يكون الوضع عادي بس لو تروح لدكتورتج تتطمنين احسن ..

عادي ان شاءالله
البيبي قاعد يتحرك ماشاءالله
وعشان تتطمنين اكثر وقت مراجعتج سالي الدكتور

الله يسهل عليك ولادتك

عاديه حبوبه اتلاقينه كل مره نايم بمكانو يصير شكل بطنج يضحك

بس لمه تبين اتغيرين وضعيه قعدي ولفي الصوب الثاني واذا على ظهرج حطي مخاد بحيث تكونين مرتفعه

لان نومه الظهر واللف من غير قعده ممكن يلف الحبل السري على رقبه الياهل اسمالله عليه

ان شاء الله يكون الوضع عادي بس لازم تروحين لدكتورتج تتطمنين احسن ..

يمكن الجاهل يتحرك .. وإن شاءالله ما فيج الا العافيه

وإن شاءالله تفرحين بشوفة ضناج

من اللي اسمعه انه البيبي لما يكبر اذا لفيتي يتحرك معاج مع انه ماصارت معاي

بس روحي جيكي اذا خايفه وان شاء الله مافي شي

عادي حبوبه البيبي كبر الحين ويحرك البطن كله معاه

عادي حبيبتي هالشي لا تحاتين
ان شالله تولدين بالسلامه

لاتخافين ولاتوسوسيين ماكو الا العافيه هذه حركه البيبي انا تصير وايد معاي الحمدلله وعشان تتطمنين اكثر سالي طبيبتج

مشكورين على الرد

طمنتوووووني

وجزاكم الله خير

ايي عادي ماكو الا العافيه

يتحرك معاج اسمالله عليه