بـنـات بشكيلـكم بعـد الـ الامتيازات ,, صرت بالسبعينات ولا حده حده وصلت 70 بالضبط

السلام عليكم

شلونكم حبيباتي

بنات هذي مو انا .. ادري 70 زينه بس موووو انا كلش كلش

يعني لو كنت نازله نص درجه جان صرت بالستينات

امبييييييييييييييييييه

تعالو بقولكم قصتي

انـا بالمتوسط كله امتيازات .. رابعه نسبتي 92

اوكي رحت تاسع

فجـأه نزلت نسبتي لـ 85

قلت يمكن من النت
لاني كنت 24 سـاعه .. دايم دايم نت نت نت

اوكي رحت عاشر الله لا يوريكم بناااااااااااااات

نسبتي بأول شهاده 74 شنوووووووووووووووو انا مو جذي ؟

و الرياضيات ناااااااازله والعربي 37 من 50 و الرياضيات 35 من 50
من بعد الدرجات الكاملة

والاجتماعيات مادتي اللي احل وانا مغمضة اخذت فيها 39 من 50

و اهم شي القران انا مشتركه بتلاوة و الحفظ و درجاتي كاملة اخذت 40 من 50

لا لا مووو انا كلش

قلت بشد حيلي

و لما اخذت شهاده الكورس الاول اخذت 70 بالضبط لا اكثر ولا اقل

بالقران جم يا ضعيفه ؟

57 من 100

لا لا لا لا مووو انا

انصدمت وبجيت بجي تقولون احد ميت
وامي مصدوووووووووووووووومه

ياا قلبي يا يماااا

وين اللي بتييب امتيازات و ترفع راسج

بدا الكورس الثاني و شديت حيلي حيل حيل حيل

الرياضيات خذيت 42 ونص من 50 و القران 46 من 50 و الدين 47 و العربي 37 نفسها و الاجتماعيات 46 ونص و الاحياااء 45 و الفيزيا بقدرة قادر و الانجليزي خذيت فيهم 40 سبحاااااااااان الله

و المواد الباجي كلهم جذي تقريبا

و صارت نسبتي 85.2

و بالفاينل شديت حيلي و صارت نسبتي 82

بس جمعو النسب مع بعض و قسموهم و ما شسوا

و صارت نسبتي 74.7

مصدووومـه و قررت ادخل ادبي وشجعوني واايد قالو اللي يدخلون ادبي يحاتون الرياضيات وانتي شاطرة بالرياضيات بتييبين درجات

بس يا بنات ما ادري شلون معدلي 3.7 من 5

خاااااااااااااااااااايفه وما ادري شسوي نصحوني شسوي و شلون ادرس

و النت ؟ شسالفته امي تقولي من النت و انا اقول ماله شغل

بيني وبينكم بالفاينل كنت ادخل النت ساعه كاملة

ابيكم تفيدوني يا روحي

وينكم بنات

شوفي حبيبتي أنا أقولج ضغطي على عمرج شوي السنه الجايه لأن خلاص راح يثبت المعدل وما يتغير إلا اعشار تقريبا

يعني بس شوية تركيز منج و كل شي تمام إن شاء الله

الله يوفقج

ان شا الله بإذن الله
يسلمووو

انتي مالج شغل بالبنات انتي شوفي درجاتج بالمواد العلمية والمواد الادبية وشوفي شنو انتي ماشيه فيه وانا بعد كنت نفسج من دشيت الموحد درجاتي نازلة بس ترى تقدرين ترفعين معدلج انتي من السنة الياية درسي اول باول وكل ما حسيتي انج موفاهمة يبيلج مدرس و بالفاينل لا تقولين مثلا قران ماراح ادرسه لان سهل درسي كل المواد عدل و اهتمي اكثر شي بالعربي لان على اكبر نسبة اما بالنسبة حق معدلج نزل لان بس درستي اخر السنة بالموحد اهم شي اول شي وامتحانات نص السنة هم يحسبونهم مع المعدل وحتى الامتحانات القصيرة اذا تبين اقولج شلون يحسبون المعدل قوليلي وانا احطلج الطريقة ولا تحاتين

لكل حصان كبوة

وانتي مبين عليج شاطرة واكبر من عمرج وكافي انج حسيتي على نفسج وشديتي عليها وعرفتي شنو السبب

بعدين تغيرت المناهج تاسع وعاشر مو مثل المتوسط يعني الدراسة ماراح تكون نفسهم

حتى المدرسات اذا كانوا بالمتوسط يتساهلون معاكم بالثنوي لأ

شوفي كل مادة انتي شنو اللي منقصج فيها الامتحان ؟ المشاركة؟ الواجبات والدفتر؟ التسميع؟ وشدي حيلج فيه

اذا ما فهمتي شي لا تستحين روحي حق الابلة خل تفهمج

والامتحانات مو بس فهم ولا بس حفظ لازم تفهمين الشي بعدين تحفظينه

بالنسبة حق العلمي والادبي شوفي انتي شنو تبين حق مستقبلج اي كلية تبين تدشين شنو تبين تشتغلين

وعلى فكرة قبل فترة حطوا نسب القبول حق الجامعة حق السنة هذي انا عن نفسي انصدمت الادبي ادنى نسبة 78% والعلمي 70% على ايامنا كلش ماكان جذي

وطبعا تشعيب العلمي يقدر يدش اي كلية سواء علمية او ادبية عكس الادبي حطي هالشي ببالج

اتمنى اني ساعدتج والله يوفقج .. شدي حيلج بس ديري بالج لا ينقطع (املق :ٍs )

هلا اختي حراااام والله درجاتج حيل نازله في عاشر ..

شدي حيلج السنه الجايه وماعليج من ريجاتج انتي شوفي شنو ميولج

hi 39goola
2ana rayii mn rayha

اختي ضعيفه .. أمج صاجه كله من النت

شوفي انا ورفيجتي .. كنا من الفائقات .. معدلاتنا بالعالي

ونزلنا .. بسبت النت .. بس الحمدلله عرفنا النت من آخر سنتين

واحنا مقرارت .. واخر سنتين صج تأثر وتنزل المعدل بس مو وايد

بس امج صااااااااااااجه النت يفقد التركييييييييييييييييييييييييييييييييييييييييييييز

لاتدشين كلش .. اشغلي وقتج .. افتكي منه .. وربي اقوووولها من قلبي

وجربي الكورس الياي .. وقولي انا قلت ^_^

يارب يوفقج

اي صج من ناحية التشعيب

ماعليج من الناس

انتي فكري .. شنو بتشتغلين بعدين .. تبين طب / هندسه / تربية / علوم اداريه / حقوق

وموفقه ان شالله

و انا من رايي ان الأدبي اسهل بواايد و ما اظن النت ياثر وايد على حسب اذا كنتي شاطره ولا لا و انا اقول شدي حيلج بالمتحانات اهم شي المتحانااات اهم شي كل حيلج حطيه بالأمتحانات و خططي لدراستج قبل الأمتحانات باسبوع من اول ماينزلون الجدول

ااول استخيري..

العلمي يبيله مجابل ..

واذا تبين نت ودراسه مايبيلها الا تنظيم وقت يعني ردي من المدرسه حلي واجباتج وريحي شوي وقومي راجعي وحضري لباجر قبل لاتنامين شبكي ساعه عن خاطرج..

يعني لي رديت 2 حلي واجباتج لي 4صلي العصر عقب نامي قعدي ع 6 صلي المغرب وحضري دروسج وراجعي لي ال8 ونص او 9 عقب شبكي ع 10 فصلي ونامي..

بجذي تكونين درستي وشبكتي..

وموفقه يارب..

يا قلبي يا كويتيات
فديتكم تسلمون لعمري عالنصايح

مشكورين

النت ايــام العطــله وبــس ..

يعني حاولي تهتمين بدراســتج وتوخــريــن عن النت ايام المدرسه..