بـــنات تكفـــــون قولولـي شسوي بموووووت من القهر والله

السلام عليكم حبايب قلبي
ارتحت لكم وايد وقلت راح افتح لكم قلبي وهالسالفة محد يعرفها وقلت باقولكم عشان تفيدوني
سالفتي مع أم ريلي
يااااااناس مااقدر اوصفلكم تكرهني بس جدام ريلي تعاملني مثل الملاك
اول ماانخطبنا كانت مااتحب يطلع وياي وله اوديني مكان وله حتى يسهر معاي
ولما ابي اتغدى معاه كانت تتصل حق زوجي وتقوله تعال لي البيت باطبخ لك ذيج الطبخة الي تموت عليها
وانا زوجي قايل لي لاطبخين الحين اذا انفتحت نفسيتج للطباخ بعدين طبخي واهيه يازعم ميودتني من يدي الي تعورني
مومهم ذي كله
مرينا ايام الخطوبة كله مشاكل والسبب هالام بس اهيه وله تدري خبيثة كانت على طول تتصل حق ريلي في ليل تقوله تعال البيت انا انتظرك
المهم يابنات تزوجنا والحمدالله وحتى شهر العسل كانت ماتبي تخلينه انروح بس كانت ذكية يعني اتغط نغزات ماهمين علي
وحتى ليله العرس انقهرت لان كنا بنام برع البيت عصبت على زوجي من غير أي سبب بس زوجي ماشالله عليه بار بوالديه
المهم يابنات اول كاتزوجنا كانت تتصل لي تقولي تحملي تحملين انتوا ماتعرفون حق اليهال وانا وزوجي انموت على اليهال كنت اقول لها ليس احنا صغار ليش مانيب الله يرزقنا تقول تحملي تفكرين بالموضوع
كنت اسكت وانقهر اقولها اصير خير وكانت تقول عيالج تحملي اتيبينهم عندي انا ابي استانس اعيش حياتي كانت على طول تقول هالحجي بس لان جدام ريلي تسوي روحها تتغشمر بس طول السنة وقت الخطوبة كانت تقول هالحجي ويوم تزوجنا اتصلت لي بروحي كنت في الدوام وقالت لي انسي فكرة لانجاب
المهم الله رزقني بالحمال والحمدالله والشكر لك يارب
واول ماحملت رحنا انا وزوجي من كثر ماكنا مستانسين قلنا لها والله يابنات ماقص عليكم
انقهرت قهرر موطبيعي اضحكت ضحكة قهر وقالت لنا زين زين بس حتى بالبركة ماقالت لي
مر علي من حمالي شهرين وكنا قاعدين مع بعض اله تقول حق ريلي اذا امك حملت وولدت حق من بتروحي لي وله حق فلانه الي اهيه انا جدام الكل قال لها والله الزوجة والام مايتعوضون اله تقول من قال لك مرتك اتعوض انا امك الي مااتعوض قالها لا زوجتي بعد ماتعوض اله انقهرت اقعدت تقول كل الريايل جذابين لاتصدقين في روحج
يابنات انغثيت ليش جذي
والصدمة الي راح تنصدمونها نفسي ام زوجي عمرها 45 سنه تخيلو بعد شهر من حمالي راحت احملت واهيه وزوجها على فكرة من دهر اهيه بغرفة تنام وعمي ابو زوجي بغرفة ويوم احملت وصار لها شهرين ونصف ماقالت لي وليومكم ذي ماقالت لي اله بنت اختها قالت لي ان ام زوجي حامل تخيلو من يصدق ان هاذي الي مااتحب اليهال من يصدق شنو اتفسرون برايكم هالشي ارجوكم جاوبوني ؟؟
على فكرة ترا ولدها الي اهوه زوجي هاذي بجرها يعني اول مرة بتصير جده وهاذي أول ياهل ادش بيتهم
ولما افتح الموضوع مع زوجي اقوله ليش امك ماتحط لي اعتبار ليش ماتحبني اله اقولي انتي ليش تكرهين امي ليش الزوجة دايما تكون عدوة الأم دايما اقولي ان انا مااحبها واهيه تحبني
ويازعم على نياتها يابنات والله ماعمرها اتصلت فيني اسألت عني ويوم حملت حتى ماتشتهي اجوفني بس كل ذي من غير مايحس زوجي فيه
وحتى يوم عرسي والله يابنات مايات ساعدت امي وله في شي وله حتى اتصلت حق امي وقالت لها محتاجين شي كل شي سويته مع امي وابوي وزوجي الله يخليهم لي يارب
واكتشفت الحين ان زوجي مايقدر على فراقي كلش ف من جذي اظاهر راحت احملت عشان تاخذ زوجي يمها لان زوجي اموت على اليهال وابشركم ترا انا بأولد بالسلامة انشالله قبلها
امس من القهر موعارفة انام حتى ميته تعب
ايام الخطوبة كنا بننفصل والسبب امه بس اهوه مايدري السبب اهيه الان يوم عيد الفطر هو اول يوم عيد لنا واحنا متزوجين اتصلت حق زوجي وقالت له تعال نام عندي في البيت وزوجي راح تخيلو يابنات ماتركت زوجي اله لما كان باقي على دوامه ربع ساعة حتى سلام مايه اسلم علي واهيه مستانسة على عمرها
بنات ساشوي اذا اولدت تتوقعون شتسوي ؟
اودي ولدي او بنتي عندهم في البيت وله شاسوي
اذا عرفت فيني ابنية وله ولد اقولهم وله لا
الحين قاعدة اتحن علي اذا ولدت مايب ياهل عقبه اله عقب دهر
بنات اكتب لكم هالشي وانا مقهورة ونفسيتي تعيانه وانا حامل ووايد افكر
ساعدوني حبايبي تكفووون
وراح ادعي حق كل وحدة ترد علي

و الله يسخرلج زوجج و يجعله ابطوعج وأمرج ياااارب

حبوبة شيليها من راسج عشان هي تشيلج من بالها
هذي امه لازم يبرها
ليش كل حركة تسويها تفكرين انها بتقهرج
يمكن تبي ولدها عندها وهذا حقها
يعني لما تدق عليه وتقول له تعال
بتحرج
ولا لما يزورها يعايدها ويقعد عندها
عناد فيج
حياتي
بترتاحين طنشي ولا تقولين له امك سوت وامك قالت
كل اللي تقوله وتسويه
انسيه
وعيشي حياتج

المشاركة الأصلية كتبت بواسطة كوين74 حبيبتي كثرما تقدرين خلي زوجج يكون صوبج وقربي زوجج من أهلج كثرما تقدرين خلي أمج غدلعهواداريه لي صار وقت لزواره و اتمدح فيه و مو تقول لا تحملين إلا بعد دهر على قولتج نصيحه من إخت بعد البيب الأول 3 سنوات و حملي منها إنتي تكونين إرتحتي و منها البيبي خذا نصيبه من الدلع منج ومن أبوه و من أهلج لأن إهيا ما أظن بدلع ولا بدلل بيبيكم و إنتي سوي نفسج على طول تعبانه و إذا قدرتي بينج وبين دكتورج قوليله إوصي زوجج إنج ما تسوقين السياره عشان يكون مرتبط فيج وابمشاويرج على طول و الله يسخرلج زوجج و يجعله ابطوعج وأمرج ياااارب

حبوبة اللي مافيه خير باهله مافيه خير للناس
هذي امه
وبرها واجب عليه
شنو اللي تسحبه صوبها وصوب اهلها