بــابــا جابـــــــــــ الملاك الطاهر ـــــــــــــر

]

((بسم الله الرحمن الرحيم))

<<ياايتها النفس المطمئنة ارجعي الى ربك راضية مرضية فادخلي في عبادي وادخلي جنتي ))) صدق الله العظيم >>

يبا شلونك ؟
عساك مرتاح بمكانك ؟
لو تزور القلب بتعرف غلاتك
يبا شلونك ؟
تدري ان القلب ماينسى مكانك ؟
تدري ان الروح مشتاقة لحنانك ؟
بابا جابر
من رحت وانا ايامي حزينه
كنت اظن ان الموت ايام
نعيش من عقبه وننسى
بس ماتخيلت بيوم ..
انك تفارقنا وتترك عيالك
من وعيت بهالدنيا وانت بابا جابر
مو كل من تعلى العرش صار امير
الامير اهو القلب اهو جابر
ليتك تشوف الكويت اليوم بالويه الحزين
ليتك تشوف سواد الشمس من عقب غروبك
احبك احبك احبك
ومو عشان اليوم اكتب عنك ..
ربي فوقي ماغبت عن بالي
ومن طيب خاتمتك الكل ذاكرك
ماعرفنا غيرك !
ماعرفنا غيرك!
شلون ننساك !
..
يا يبا مشتاقتلك ..
ودي بس اشوف عيونك
ودي بس اقولك اني ماوعيت الا عليك وقلبي للحين ينبض باسمك

ج ا ب ر

انت الغالي
وانت الابو
وانت الحبيب
انت الاخو
انت الامير
حتى موتك ماحرمني منك ..

يايبا ..

انا سمعت ان الميت بالحلم حق

اااه يايبا

للحين مو ناسيه لما حلمت فيك

حلمت ان الدنيا مطر ..

وانا واقفه مع الناس …

واغنيلك …

جابر ابووونا من عمر عرفناااه

من عمر عرفناااه

جان تطلع بويهي

وتبتسم ..

وطق المطر وادعيلك ..

اااه لو بس احلم فيك ..

والله مشتاقتلك ..

سيرتك الطيبه وريحتك مافارقتنا ..

لو في سبب واحد يخلينا ننساك جان نسينا ..

بس اذا الزين كله فيك ؟؟

اذا الحنان كله فيك ؟؟

اذا الطيبه والعاطفه تنبع من عيونك؟؟

شلوون اشيلك من بالي واخليك ؟؟

تدري يبا ؟؟

يمكن الناس يحسبوني ابالغ ..

بس ربي عارف وانت عارف … انت تحس فيني لما كل يوم ادعيلك ..

انت تحس فيني لما ييتلي بالحلم ..

ودي بس اشوفك دقايق ..

تمسح دموعي بادينك

لو تمر سنين بتظل اميري

ولساني ماينطق الا باسمك

مابي اودعك وداع الميت للابد

بابا جابر ماتصير ايامك ذكريات

احبك

احبك

احبك

الله يجمعنا معاك في جنات الخلد ..

الله يرحمك

الله يرحمك

الله يرحمك

بنتك ..
عواشه

]

الله يرحمه ويغفرله انشاءالله ويدخله فسيح جناته يا رب

الله يرحمه بتم ذكراه الطيبه بقلوبنا

اكيد بالقلوب
مشكوره حبيبتي على مرورج ولاتنسينه بالدعاء

الله يرحمك يا بابا جابر
وربي دموعي تنزل من كثر حزني عليك
ابوي الغالي

الله يرحمك برحمته
وابد مايعوضنا غيابك اي شي بالدنيا

احس ليلحين ماني مصدقا

انك رحلت من الدنيا
بتم بالقلب والروح
الله يرحمك برحمته
ويصبر كل من يحبك

آميـــــــــــــــــــــن

وانا مصدقتج وادري ماتبالغين
لاني مثلج احبه
ويمكن اكثر
ربي يرحمك بواسع رحمته

MISS GUCCI

ومنو فينا مايحبه ؟
الله يرحمه ماخلانا بيوم نتظايق منه ..
شفنا العز منه
وتربينا على اسمه
الله يرحمه ..
مالنا غير الدعاء له بكل صلاة
واللي يحبه صج ..
يدعيله ويتصدقله ..

الله يرحمه ويغمد روحه الجنه

الله يرحمه ان شاءالله
يااااارب اغفرله كل ذنوبه
انا اشك ان كان له ذنوب
استغفر الله العلي العظيم
ملاك ورااااح
بس بيبقى بالقلب

رحمة الله عليه

" وكل الكلام والله لايفي جاير الخيــر "

تسلمين على الكلام الطيب والجميل

وبارك الله فيج

عورتي قلبي وبجيتيني والله
الله يرحمك يا بابا جابر ويغفرلك
ويسكنك الجنه اللهم آمييييييين
جزاج الله كل خير حبيبتي نمولة

الله يرحمه ويغفرله انشاءالله ويدخله فسيح جناته يا رب

الله يرحمه بتم ذكراه الطيبه بقلوبنا

الله يرحمه برحمته الواسعه

شاكره لكم مروركم وكلماتكم الطيبه

الله يرحمك يااااااااااااااااا بابا جابر

كلمات الصراحه تقطع القلب ودمعتي عيني الله يرحمك يالغالي مثواك الجنه يارب

اللهم يا سامع الصوت .. و يا سابق الفوت .. و يا كاسي العظام لحما بعد الموت ..

يا من علت له الوجوه .. و خشعت له الأصوات . و وجلت له القلوب ..

اغفر اللهم لإمامنا و أمير دولتنا جابر ..

اللهم اغفر له و ارحمه .. و عافه و اعفو عنه .. و اكرم نزله .. و وسع مدخله .. و اغسله بالماء و الثلج و البرد .. و نقه من الذنوب و الخطايا كما ينقى الثوب الأبيض من الدنس ..

اللهم و جازه بالحسنات احسانا .. و بالسيئات عفوا و غفرانا .. يا رب العالمين ..

اللهم و اجعل قبره روضة من رياض الجنة .. يا ذا الجلال و الاكرام ..

اللهم أبدله دارا خيرا من داره .. و اهلا خيرا من اهله .. و زوجا خيرا من زوجه ..

اللهم ادخله الجنة .. اللهم ادخله الجنة .. اللهم ادخله الجنة ..

و اعذه من عذاب القبر .. اللهم اعذه من عذاب القبر .. اللهم اعذه من عذاب القبر ..

و اعذه من النار .. اللهم اعذه من عذاب النار .. اللهم اعذه من عذاب النار ..

اللهم ارفع درجته في المهديين .. و اخلفه في عقبه في الغابرين .. و اغفر لنا و له يا رب العالمين ..

و افتح له في قبره و نور له فيه .. افتح له في قبره و نور له فيه ..

اللهم ان جابرا في ذمتك و حبل جوارك فقِهِ من فتنة القبر و عذاب النار .. اللهم قِهِ من فتنة القبر و عذاب النار ..

انت اهل الوفاء .. انت اهل الوفاء .. انت اهل الوفاء .. انت اهل الوفاء و الحق .. فاغفر له و ارحمه .. انك انت الغفور الرحيم ..

اللهم ان جابر عبدك و ابن امتك .. إحتاج الى رحمتك .. و انت الغني عن عذابه .. و انت الغني عن عذابه .. انت الغني عن عذابه ..

اللهم ان كان محسنا فزده في حسناته .. اللهم ان كان محسنا فزده في حسناته ..

و ان كان مسيئا فتجاوز عنه ياذا الجلال و الاكرام .. يا حي يا قيوم .. يا واحد يا احد .. يا فرد يا صمد ..

نسألك باسمك الأعظم الذي اذا دعيت به اجبت و اذا سالت به اعطيت .. نسألك يا مولانا ان تغفر لجابر .. يا ارحم الراحمين .. يا رب العالمين ..

آمين ..

حبيب قلبي يا اميري
يعطيج العافيه عالكلام اللي من القلب

الله يرحمه ويسكنه فسيح جناته

ليما الحين مو مستوعبه انه رحل