بعض أولياء الأمور عندهم قلة أحساس والشكوى للة

بسم الله الرحمن الرحيم
أنا بقولكم سالفتي يالله بسم الله
تذكرون الأسبوع مو اللي طف اللي قبلة يوم تصير أسبوع كلة غبرة
أنا شفت الجو من الساعة 6 مغبر قلت الله يستر وأرسلت رسالة لاختي لاتخليني عيالج يداومون أهم كبار
رحت للروضة الدنيا مغبرة نظام روضتنا قديم الصفوف مطلة على الساحة مو نظام الجديد كل مجموعة بكورن
المهم الا بعض الأهالي شادين حيلهم مراكض يوصلون عيالهم للصف أنا أطالع أهم يشوفون الجو ولا موشايفين >>على الأقل لبسوهم كمام ولا أحد
أوكية فرضا ماعندهم خدم ودية لاهلج ودية لاهل رجلج فرضنا مثلا أهلكم بعيد أوكية يداومون 3 أو 4 بس حضور 22 طفل للصف والجو خايس أهي موعنا أني ماسكتهم ولا لا أكيد بمسكهم لو شوية أهي هذول الاهالي بفهم شلون يفكرون ؟؟
المهم فراشات صفنا حاطتها داخل الصف مسكرة الصف علشان غبرة بس داشة داشة هالغبرة غبرت الصف
اللي يكح واللي مايتنفس عدل واللي مادري شنو اللي تروح وتمسح الطاولات بيدينها جهال وأنت تصرخين ولاماتصرخين مايسمعون
لما رحنا للمطعم طلعنا من الصف للمطعم الجهال خذوا أكسجين من هالغبرة علما المطعم أخر الدنيا

المهم جان بعدها بيوم داوم والجو مغبر على حالة بس الحمدالله قلو وصل تقريبا 17 طفل
وفراشة مالتنا تجيها أزمة ربو تغيب
والجهال نبي ماي والماي برى
والصف وووووووووووووووووووسخ كلة غبار يقومج عاد الصبيان تمسح بالطاولات أنا بغيت اموت تفهمين ولا ماتفهمين ماكو أستجابة
وأقومج أنادي فراشة الصف الثاني طبعع ا أنا بروحي واللي وياي ماخذة أجازة فوق القانون 3 شهور تفرغ رياضي ومعاشها كامل طبعا ولما سألتها ليش قالت رجلي يدور الراحة لي ماحبيت أردة
المهم صفي من كل صوب يدشة غبار والجهال أنحكروا بالصف لاأقدر أوزعهم أركان كلها غبار ولا يقدرون يطلعون يشربون ماي الكلاسات غبار وهم المشرب غبار فرصة ماكو وطول الوقت قاعدين والله بدون مبالغة قعدت على الزل حقت الحلقة كلها غبار ووسختني والله حتى كراسي الأركان غبار والقصص من داخل غبار وفراشة موعندي على الاقل تساعدني مثل تجيب ماي حق الجهال قلت أبلغ الأهالي يحسون على دمهم
قلت للأمهات أذا باجر فية غبار لابداومون بناء أمهات فاهمات عندهن أحساس
صج قلوا جنهم ينطرون الابلة تتحجى ويحسون ويفهمون
المهم الا واصلتنا شكوى ولي أمر ماحاجي الناظرة الابلة قايلة غيبوهم
انا موهامتني الشكوى لاني كلمت الناظرة قلت لها عن الوضع
بس الولي الأمر ياترى أهي رجولة داق على الناظرة ولو أني الناظرة أنسانة متفهمة
وين رجولتك تروح تشتري ولدك كمام ولا تشتري لة علبة ماي صغيرة
وين رجولتك تدش صف وتشوف الصف والغبرة ورجاء خل قوتك تمسح طاولة تشوف الوضع ولاخل قوة الرجولة تجيب فوطة فيها ماي وتمسخ الصف وتخم الغبار
وين رجولتك تعرف موقع صفنا مفتوح على الساحة مشكلة الجو برتقالي ودنيا غبار أدري فيك عزيزي ولي الأمر ولدك مضايقك ومثقل عليك انت وزوجتك وتبون ترتاحون كسرت خاطري أكثر من ولدك المسكين
بعض الجهال يكحون وتنفسهم صعب >>والله ثم والله نفسيا أني أتضايق
بس كيفهم درس لي مافتح فمي
واترك المايك لكم …………………………
بالأخير شكرا لك عزيزتي الوزيرة بخصوص العطلة طلعتي خوش أم والله

عساج على القوة

الله يعين

بعض هالبشر مو كفو عيال

وبعض هالابلات مو كفو شهاده وتتوظف وتصير ابله نفس رفيجتج جان خلت الوظيفه لغيرهاا
الله يلعن الواسطه الظالمه

اي والله الله يعين من قلب

عاااااااااااااااااااااااااااااااااادي

احنا اليوم في بنات مداوميييييييييييييييييييييييييييييييييين

ورديناهم

عادي شنو العادي ؟؟
أنتي تتحجين عن اليوم وأنا أتحجى عن عن قبل أسبوعين ووضع اللي صاير !!!
بس حياج الله حبوبة
ترى أحمدي ربج فية قرار رسمي عطلة ولا جان موبكيفكم تردونهم

والله يالحبيبة نفس معاناتى مع ام مصيبه من وين القلب جايبته
خلاص فهمنا تبون الفكة من عيالكم بس مو على حساب صحتهم والله لو ما عندهم ظنى جان حسوا بالنعمه اللى اهما فيها
شكوا لله
ليت الوزارة تلغى رياض الاطفال بشوف شيصير بالامهات الخايسات بعض وليس كل
فى امهات ذهب بمعنى الكلمة
اسفة على الاطالة

اليوم واقفين يم الباب من قبل الساعه 7 ينطرون المناوبات علشان يستلمون عيالهم!!!

يعني انا ابي افهم مايخافون على عيالهم؟ مايخافون تزيد عاصفة الغبار ويصير صعب يوصلون حق عيالهم؟؟

الحمدالله والشكر بس

صاجة والله بيتي جدام الروضة قاعده اطل عليهم من قبل ال 7ناطرين عند الباب بيقطون عيالهم

وانا المدرسة امي مو راضية اداوم

عفية قلب هالاوادم ما شاء الله عليهم

ولا الي الخدامه يايبته مشي للروضة !!! عادي تمشي بهالجوو يعني

الله يحفظ اولادنا يا رب
ما اخليهم يطلعون بهالجو ابدا

هههههههههههههههههههههههه ليت الوزارة والله خوش أقتراح يطلع الخياس عند بعض الأمهات اللي ماتعرف السنع

لا عيالهم ضد الأمراض وضد الطياحات >>ماقول الا الله يعين هالعيال ولا مايدرون شالسالفة يالله ويالله