بعد هالسنين بنفجر خلاااااص

شلونكم خواتي
اليوم مدري احس مخنوقه بنفجر اول مرة اندم احس بفشل كبير بحياتي
مثقفة جميله من بيت ملتزم متربية وكلها طوعتها لزوجي
حبيته مو لانه طيب لاني ودي اكون بيت حب وسعاده اعوض اللي ماعشته بطفولتي
تحملت التناقض الكبير بحياته الفرق بيني وبين حريم اخوانه حشمت اهله كل شي سويته لكن يابنات مالقيت شي ماحصلت نتيجه قريت كتب وتعلمت كله غلط الواقع غيررررر
زوجي يابنات مهمل كله ذالني على الناس يا اهلي يا اهله
ماجله البيت حسرة علي مششوار الجمعيه مانجتمع ع طاوله وحدة بس بالليل يبيني اكون له ………. وبس يرد ينام
5 سنين ع هالحاله مليييييييييت خلاص احس حياتي ذبلت بس اشوفه بالليل لا ومتى عال3 الفجر بعد ويزعل ان جا ولقاني نايمه

وان طلبته اي شي يخصني يخص بنتي جنه متمنن علي والا يقولي بكل ثقه دقي ع سايق اهلج
شهالحياة
الحين انا مستخدمه معاه نفس الاسلوب ارد من الدوام انام اقعد اجابل بنتي بالليل اسوي روحي نايمة بس نفس النتيجه
تكفون في احد مثلي شنوهذا اسميه زوج بالاسم يعني بس وجهي انقص ان خرب شي رحت لعمي يصلحه وان بغيت مشوار بعيد دقيت ع سايق امي
احس طلع هالرجال من جبدي
لو انا عوبه شيفه كريهه
كل شي موفرته له لابو السنع واهله صج مليت
وان كلمته صارلي دلال مو ريال
وان ناقشته بشي بهداوة قالي وبكل ثقه ماقصرت شسوي بعمري والله حاولت وحاولت الكل يقولي فاشله حمواني 5 عيال بطن واحد حريمهم ممشينهم ع السراط المستقيم والله مازادوني الا وين انا وين هم
الكل يقولي شمعنى انت اللي جذيه من بين حريم حموانج مذلوله ذل يابنات احس صج زوجي كسر مجاديفي

وينكم
محد مثلي

الله يعينج ياقلبي دايمن ادعي انه الله يسخره لج ولبنتج ،،

حبيبتي انتج لج اييد بالمشكله
اذا بيتج ناقص شي ريلج ايبلج اياه مو سايقكم
واذا اخترب شي اهوه يصلحه
واذا ما رضى خلييه مثل ما اهوه
واذا ما ياب اغراض الجمعيه يعني ماكو اكل لا تطبخين
لاازم يكون الريال مسؤول مو كل شي على المره حشى قراندايزر مو حرمه
علميه يتحمل مسؤوليه بيته
الرياييل اكثرهم جذي خصوصا اذا كثره المسؤوليات
والله يسخره لج انشالله

اهدي احسك منفعله واجد بسم الله عليج

والله انتى مثل بنت خالتي بلضبط بس هى زوجها واجد تغير

تقول انها صارت تدعي كل يوم انه يتغير

بس مدري وش سوت

عموما لا تتضايقين الله يهديه لج انشالله

وكل اثنين عندهم مشاكل وفي الى ازيد منج اننتى عادي عندهم تعتبرين

انا مع Judy . abbot
والله يسخره لج

الجئي لربج بالدعاء

واقري البقره بنية ان يصلح الحال بينج وبين زوجج

والله يصبرج

الله يسخره لج

حبيبتي في مقوله
زوجج على ماعودتيه وولدج على ماربيتيه
أنتي إلي خليتيه يتمادى مفروض إذا قالج سايق أهلج قولي له والله أنا طلعت من بيت أهلي وجيت عندك أنت ملزوم فيني
وسايق أهلي مو كل مابغيته فاضي أهلي عندهم مشاوير أكيد أول اﻷيام بتتعبين معاه لين يتعود
والله يوفقج

وع شنو هذا فلاش عرب روووح مكان ثاني بيع بضاعتك الوسخه فيه قطع الله يقطعكم

حبيبتي انتي الي عودتيه بالبدايه
اللحين يبيلج وقت عشان تغيرينه
حاولي وحاولي
والله يكون بعونج

رجاء المراقبات وينهم شيلو هالاعلان الزفت هذا حسبي الله عليج شنو هذا

ادري والله بس هذي هي 5 سنين وانا سامته وهذي النتيجة والله ماتحرك فيه شي

لاوالله يالغاليه ماني منفعله بس مليت
وصدقيني هذي بحر المشاكل واجد يالله الصبر انا اللي خلاني اكتب الانقجار من وين الاقيها

الله يهديه ويسخره لج ياارب