بعد ما قريت مواضيع خيانة الازواج ؟؟

كثيرا ما نقرى هنى خيانة الازواج وحتى اللى يصلى وملتزم فى اداء فرائضه طايح بشغله يديده (( الخز )) مع ان اغلب الزوجات مو مقصرين على ازواجهم بشئ لبس دلع عنايه بالنفس من الداخل والخارج يعنى ما شاء الله مو محتاج اتكلم بصراحه عن بنات الكويت معروفين بالذوق العالي واللبس السنع و000و 0000و 00000 الله يحفظنا اجمعين 0

ابي رايكم شنو اللى يخلي الرجل يخز مع انه متوقع باى لحظه ان زوجته تلف عليه وتشوفه ؟؟

وشنو اللى يخليه يجابل التلفزيون عشان يتفرج على اجسام الممثلات وغيرهم مع انه يدرى ما راح يحصلون له ؟؟

وشنو اللى يخليه يتجهه للتعارف سواء عن طرق التلفون او النت او شات التلفزيون ؟؟

نبي حل حلو للمشكله هذي

والله يستر على الجميع

خوش موضوع و منا للمتزوجات
نبي تفاعلكم

رياييل ما يترس عينهم حتى التراب
حتى جيس اللزباله الاسود ما سلم منهم
وهم للبنات دور في خراب الرياييل
بعض البنات الله يهديهم متبريين من جسمهم
وبعض الرياييل ما يقدرون ايغضون النظر اذا صارت
الوحده بويهم يقعدون ايخزون فيها غضبن عن نفسم
انا مو متزوجه بس هذا إلي اشوفه واسمعه والله
الله يهدي الرياييل والبنات إلي لبسهم مش ولا بد منه

والله الصراحه من لبس البنات كل وحده تقول حق الثانية الفصاعه والتفصخ عندي
والحيين البنات اللي هابيين فيه انه اهما اللي يتحرشوون بالشباب واهم اللي يرقمونهم
وهالشي صااار جداام عييني ورب الكعبه..
هذي علامات الساعه والله .. قربت
الله يهدييهم

موضووووووووووووووووووع شييييق وحلوووو اي والله نبي حل حق هالتخزخز

لاحول ولا قوة الا بالله بس والله مالومهم من لبس هالبنات اللي مايستحون انا وزوجي اذا رحنا المجمعات والله يابنات اشكره تخزززززززه وعادي تطالعني ولا عليها

وانا معاهاااااااااااااا .. احييييين معظم البنات بلاحياااااااااااا

وانا الحمدلله ريلي كل شي يصير يقولي حتى مره كان راد البيت وحده كانت تلاحقه ومعليه ع المسجل بالسيارره

هو قال انا طفتهااا وطقعت لهاا ……. وحتى كانت وحده معاه بالدوام

كانت ادقله واطرش له مسجات الوقحه تبط الجبد وعقب ريلي غير رقمه وافتك منها معنه كان يقولي

انا ماعطيهم ويه انا ريال متزوج شيختهم شلي بهالاشكال عاد انا ارتااااااح من كلامه واسلوبه

فديته والله وسييييييم حيل حتى قبل لايطلع احاول قد ماقدر اقرى عليه المعوذاااااات .. عسى الله يحفظه ويخلي ليه
يااارب ..والله من حقي اخاف عليه الله يحفظه من كل شررر

ياكرهي فييييييييي هالنوعيه من البناااااااات ماطيقهم .. اما اذا ريال مغازلجي مالوووووم البنات لاطاحو عليه

تلومين الريال اذا خزززززز؟؟ انا انا يالمرا غصبن علي التفت واطالع هالبنات واخزهم من اللبس اللي يلبسونه .. احنا الحريم نطالع شلون الرياييل؟؟؟؟؟؟؟؟؟؟؟؟؟؟؟؟؟؟؟؟
يعني كله من هالبنات اللي مادري شلون يطلعون من بيوتهم بهالطريقة؟؟ وين اهلهم؟؟ ماشافوهم؟؟غريبه والله

شوفي مع اني احب اطلع مع ريلي وودي كل خطوووووووه معاي بس الصراحة الا السوق ماااااا اتمنى يروح معاي الا اذا شي مهم بنشتريه للبيت او لنا.. اكتفي معاه بطلعات المطاعم والسينمات… ليش اخذه معاي اسوق؟؟ ليش اخلي النااااااار يم الحطب؟؟؟؟؟

انا نفس راي اختي ضي احس الريال ماله داعي يرووح مع مرته السووق افضل المره تروح بروحها وياكره الحريم الي ادخل ريلها محل ملابس الداخليه مالت البنات !! عسى ماشر شافها متهاونه اشكرا بيسهل عليها الخراب..بس حبيبتي الريايييل يحبوون يشوفون كل شي ترا ساعات تلاقينه شق البنت خز بس مو اعجاب لالا بالعكس يمكن لايعه جبده من البنت شكلها غلط..عسى لله يهديهم انشالله

والله انا بنات بدش عرض شوي انا من كثر ما قريت هذا ريلها سوا جذي ريلها سوا جذاك يخونها يطقها صراحه قمت مادش القسم قام ياثر علي سلبيا قمت اخترع من الزواج وانا مو متزوجه اصلا

الحين بدش بموضوعكم انا اشوف الريال ممكن يغلط اهو بشر بالاول والتالي انا اقول المره تهتم بنفسها وتحترم ريلها ولاتصير نسره عشان ريلها لا يشوف غيرها وبعد البنات مو مساله تفصخ حتى المتحجه تلبس ضيج وتطلع جسمها حال حال السفور بس اهو مساله الريال لما يشوف مرته على طول كاشخه بالبيت وبره مستحيل يشوف غيرها وان شاف يتادب ويتوب بس لا طلاق ولا بطيخ

الغريزه ياحبيبتي غريزة الريال والبنات اللي يتمشون بملابس شبيهه بقمصان النوم اللي بعض الزوجات تستحي تلبسهم لزوجها الضيج والشفاف

وتتعمد اطلع الاندر وير وتوريهم اناقتها اشلون نفس لون اهدومها البنات ماعاد فيهم ذرة حيا استغرب اشلون اهلهم هادينهم على كيفهم لارقيب

ولاحسيب تقولين ماكلين حشاكم لحم خنزير

مشكوره يم يم اسعدنى مرورك

فجر الغلا يعنى وصلنا الى نقطه حلوه من كلامك ياااااااا حبذا لو كل بنت تستر على نفسنا بارتداء العباءه المحتشمه وتتقى الله وتذكر مثل ما تدين تدان وبدور الزمن مهما طال وبتذوق اللى ذوقت غيرها

الله سبحانه وتعالى خلق الرجل انه يحب النظر
يعني خاززوووووز
بس الله قاله طالع بالحلال ولا تشوف الحرام
ولذلك قال له الرسول صلى الله عليه وسلم قض البصر
ولكن من يسمع لا حياة لمن تنادي الله يهديهم ويصلحهم ويصدهم عن كل حرام

واوقات كثيره ما الووم الرجل على الخز من الهوايل اللي يشوووفها بره من مكياج غريب عجيب حواجب طايره الحمدلله والشكر تقولين يني مو بنت
من اللبس الشنيع الفاضح
الحمدلله والشكر ما اقول الا الله يهديهم ويصلحهم
الله يسلمكم
والله احنا بنات ساعات تطير عيونا على سوالف البنات اللي بالشارع والمجمعات من الشي اللي يسووونه ياهويله تهولي شلون الريال نبي مايشووف لا والله يشوف ويشووووف ويشووووووف وتطيح عيونه بعد

بنتوته 86 هذى اللى حاصل من غير ما تحلفين الله يهديهم ونتمنى انا نغير لو وحده فيهم تكون داخله الموضوع وحاسة بمعاناة الزوجه لما تكون فارشه الارض ذهب لزوجها ويخونها اتمنى ان البنت تعرف ان اللى رضى يخون زوجته عشان وحده ثانيه سهل والله يذلها باى لحظه ويطردها من حياته وكلنا ندرى مرده لام عياله