بعد عمري لقيناه بالشارع ما ندري وين نوديه

قوه بنات شلونكم؟؟

شوفو هالقطيييو شكله يعور القلب اخوي و اهو راد من المدرسة لقاه بالشارع يقول بغت سيارة تدعمه جان اييبه البيت

و يا ليته ما يابه عاد انا بسرعة اتعلق بالقطاوة

احنا بنتصرف فيه لأن ممنوع القطاوة عندنا للأسف

هذي صورته

شكله يعور القلب

وااااي يهبل
بس شكله ولد شوارع
لأن وايد نتفة وضعيف
أبيييه

لووول اي وعلياا ولد شوارع

حراااام يكسررر الخااااطررر

وديه عند جزار ووصيه عليه يقطله شحوم وشوية لحم كل يوم والله يجعلها في ميزانن حسناتج يارب

لا لا ام دعيج شنو جزار ولحوم ما يصلح

شوفي خليه بالحوش حطي له صندوق وحطي له حليب قليل الدسم او خالي الدسم .. وخليه يشرب بس تأكدي اذا ما يعرف يشرب بروحه معناها ملزومه تشربينه بنفسج.. واذا صار يعرف يشرب عطيه حليب كل ساعتين تقريبا لما يكبر ويقدر يمشي وتطلع اسنانه تبدين تعطينه اكل لين عليه

ترى يبيله اهتمام ولا يموت .. عشان جذي حاولي تقنعين اهلج بس تهتمين فيه هالفتره لأن فعلا ما ينفع يصير بروحه يبيله اهتمام

لا تقطينه وتاخذين ذنبه ترى انتو مسؤولين عنه حاليا

انا علشان جذي زفيت اخوي لأنه يابه عندنا و ما نقدر نقطه لأنه ياهل و اكيد راح يموت بسرعة
يبنا له حليب بس ما شرب
ما ادري ليش حاسة ان راح يموت عندنا
و خصوصا ان أمي ما تدري انه عندنا لو درت زفتنا و قالت لنا قطووه برة
ادعوو بنات ان نلقاله حل و الله قلبي متقطع عليه

ياقلبي عليه يقطع القلب

حاولي تشربينه حليب وشكل عمره شهر ونص او شهرين لان لون عيونه مااكتمل لونها باقي اسود

قولي لامك ناخذ فيه اجر لحد مايكبر ويقوى عظمه بعدها نطلعه برا واذا عندكم شجر برا البيت حطوه عندها اذا اهلك لزموا يطلعونه برا
انتم حطو له حليب ومويه كل يوم

والله لايضيعكم من الاجر

كيييييييييييوت يهبل

مادري جنه يودونه للبيطري هناك يهتمون فيه اكثر وعندهم مكان مخصص للحيوانات اللي نفس حالته !

ها بشرينا شصار عليه ؟؟؟

ووي هذا كلش ماكو لحمه فيه ,,
اهتمي فيه وشربيه حليب احنا مو واحد كان عندنا ثلاث الله وكيلج اولدتهم امهم عند البيت وهجت هاللي ما عندها قلب
اهتمينا فيهم خليناهم بالحوش والخدامه كل شوي تشربهم حليب مني لما كبرو وصارو يطلعون بره ويردون بعدين ووداهم اخوي بعيد عشان ما يردون بس الحمدلله اعتمدو على نفسهم <<قلت قصه حيااتي كلها ههههههههههههههههههه
وبشيرنا عليه ,,

وي شكله يكسر الخاطر

حبيبتي شربي حليب بابره مالت اليهال بالطيب بالغصب المهم يشرب حليب وتكفين لاتقطينه بالشارع توه ياهل

@@

@@