|
|
صباح الخير على كل اخواتي في المنتدى
حبيت من خلال هالموضوع انا نفيد ونستفيد ونعلم خواتنا في الله المقبلات على الزواج واللي في سنواتهم الاولى من الزواج
شنو تعلمنا بعد هالعشره
وشنو الاخطاء اللي ارتكبناهاااا وصلحناهاااا
وشنو الاخطاء اللي مازلنا نرتكبهاااا
اتمنى اشوف مشاركه حلوه لاني قاعده احضر بحث بهذا الموضوع
وما حبيت اسوي سيرج في النت
حبيت اخذ ردودكم الطيبه من خلال هالموضوع
ببدي معاكم انا اول شي
تعلمت من الحياه الزوجيه
اني مااااا اغضب ربي في سبيل ارضاء زوجي
تعلمت من حياتي الزوجيه
اني ما افتح قلبي الى اي حد كان الى لربي
تعلمت من حياتي الزوجيه
اني ما اجذب على زوجي لان حبل الجذب قصير وحتى لو كنت غلطانه واعترفت بغلطتي اكبر بعينه
تعلمت من حياتي الزوجيه
اني مااطالع الناس واقارن نفسي فيهم وارضى بما قسم الله لي
تعلمت من حياتي الزوجيه
اني احل مشاكلي بيني وبين زوجي ومهما اشتد النقاش ما ابين لاولادي وبناتي اي شي يصير بيني وبين زوجي
حتى لو كنا متخاصميين نسولف قدام عيالنا علشان ما يتاثرون بمشاكلنااا
تعلمت من حياتي الزوجيه
اني ما اخلي زوجي ينام غضبان علي مهما يكون حتى لو غلط علي اجي عنده واحب راسه واقوله انت غلطت علي والله يسامحك بس مابيك تنام زعلان علي
واشوف ردت فعله انه يتندم على كل كلمه قالهاا لي او ضايقني فيهااا
تعلمت من حياتي الزوجيه
اني ما ادخل احد بمشاكلي مع زوجي مهما كان ومشكلتي معاه ما تتعدى باب غرفة نومناااا
تعلمت من حياتي الزوجيه
اني ابر اهل زوجي ولكن بحدود صلة الرحم والمناسبات تفادي للمشاكل
تعلمت من حياتي الزوجيه
اني ما اجرح زوجي ولا هو يجرحني ويكون الاحترام موجود بينا مهما كان
لان اذا الكلافه طاحت مع الزوج بيكون شي عادي رفع اليد على الزوجه فا حبيت انبهكم
الحين اللي وراي
شنو تعلمتي من الزواج ومن بعد عشرة سنيين
لي رجعه باذن الله
تعلمت من حياتي الزوجيه ان هذا زوجي راح اقبله في عيوبه ومميزاته
تعلمت من حياتي الزوجيه ان الاحترام التفاهم في المعامله هي سر النجاح
تعلمت من حياتي الزوجيه ان الناس الغيرانين مني هم يسببولي المشاكل وللحفاض على زوجي وحياتي اعاملهم بسلوب التطنيش
واذا تذكرت شي بردلج
تعلمت انه الريال مايدش بعينه اي شي تسويله ياه
تعلمت انه امشي وحل مشاكلي بهدوء علشان لا اخرب حياتي
تعلمت اني ما اقارن تصرفات وفعال ريلي باي شخص ثاني لانه كل ريال يختلف عن الثاني
تعلمت اني ارضا بحياتي بحلوهاا ومرها
لي رجعه ياقلبي
ومشكورة على الموضوع الحلو
تعلمت اساس نجاح الحياة الزوجية الاحترام مو الحب
تعلمت ان الطيبة و القلب الابيض بهالزمن ما يفيد صاحبة
تعلمت ان بالحقران و التطنيش اشترى راحة بالي و استرد كرامتى
تعلمت ان الزوج مو كل شي بالدنيا و ان الزوج مو محور حياة المرأة
تعلمت ان اعيش حياتى و اشوف نفسي مو اقعد احاتى هالريل و مشاكله
تعلمت ان احط حدود بينى و بين اهل زوجي و كل ما كنت بعيدة صرت عزيزة و غالية
تعلمت ان كرامتى فوق كل اعتبار و ما اسمح لاي احد يمسها اولهم زوجي
تعلمت ان ما اعطى زوجي فوق قدره و ان ما تعب نفسي و اخب روحى اخر شي ما احصل اي مردود منه اقوم بواجباتى الزوجية وبس بدون بذل اي مجهود مضاعف
تعلمت ان اغلب الرياييل خونه و جحودين و ما يملى عينهم الا التراب
تعلمت ان ما ازعل ربي في سبيل ارضاء زوجي
تعلمت ان الزوجة لازم يكون لها كيان و شخصية ورأي خاص فيه
تعلمت مسؤلية الزواج و ان اكون ام
تعلمت ان راحة البال وااااايد مهمة بالزواج لان بدونها راح اتعب حييييل
والله يصبرنا علي هالمسؤلية و يقدرنا نكمل هالمشوار الصعب
ان مهما كنتي شاريه ريلج ومدللته ,في اول مشكله تصير بينج وبينه ينسى كل الزين ويتذكر الشين!
ان لازم تصبرين وما تشتكين لان الشكوى لغير الله مذله
ان الريال مهما كبر يظل طفل ولازم تعاملينه على هالاساس
ان الحياة الزوجيه يوم مر ويوم حلو ولا تتوقعين الكمال ولا تجاهدين علشان تغيرين طبع ريلج مقتنع فيه ومايبي يغيره بالاساس!
وفي النهايه تعلمت ان الريال ما يبين بعينه شي!
تعلمت أن** أنسى من ينسانى ويجرحنى وأحب من يحبنى ويهتم بى…
تعلمت ان ساس الحياه الاحترام والتفاهم والحب ماله قيمه اذا زاد عن حده
تعلمت ان لازم اضحي واصبر واسكت عشان اعيالي
تعلمت ان من ادش الحياه الزوجيه انسى العصبيه والعناد
تعلمت مشاكلي لازم اعالجها بروحي
ولا اشتكي لاحد
تعلمت ان خيانه الزوج لاتعني ان المره مقصره لا بل يكون ضعف ايمان منه يخلق الاعذار عشان يروح للبره
تعلمت ان لازم اعطي بس بحدود
تعلمت ماخلي الدنيا بس زوج وخلاص لا الدنيا للحين بخير
تعلمت ان الزوج اذا تزوج ولا راح لدربه هذي مو نهاية العالم
تعلمت ان كثر مااقدر لازم اسايره عشان ارضى بس بحدود كلام الله مو اكثر
تعلمت ان قبل لا اشوف راي الناس وراي زوجي باي تصرف بسوي
اشوف اشلون ارضى ربي وبس
وتعلمت الناس مهما تكلمت ما ابالي لها لانه الناس ماتسكت وتشوف الزين ولا الشين وتظل بتكلم
تعلمت ان الريال بدوووووووووووووووووووون مبالغه وعن تجربه حقيقيه لو اعطي ماي عيني مايشبع ولا يي بعينه شي
بس هم تعلمت ان اصابع ايدج مو سوا مو كل الريايل جذي
تعلمت ان كل شي له حد العطاء والحب والعيشه الا الصبر والتضحيه مالهم حد بحياتي واعيش على امل عليهم
وتعلمت وايد شغلت وعتني ع العيشه
تعلمت ان اكبر غلط المره تاخذ للريال قرض وتوقف معاه بكل شي لانه بالنهايه كلمته شنو سويتي
تعلمت لازم افيد نفسي واجمع للمستقبل……الي يقول صج في وقت اقدر ايمع وانا صرت المره والريال بنفس الوقت للانه
الزوج اي لحظه يبيع من يشوف مصلحته يروح لها …… قلب ماكو
تعلمت مابجي ولا اكون ضعيفه جدام ريلي ولا اي احد بالدنيا
تعلمت ان ما ربط مشاكلي بزوجي باهلي واهله كلن على حده
وتعلمت ان كلن يعمل باصله
تعلمت دايم الدوووووووووووووم اشكر الله واقول الف الحمدالله وارضى بنصيبي طول العمر
وبكل وقت استغفر ربي واجعل القران افضل صديق لي بكل شي
ولو شنوووووووووووو ماسوي الغلط بحياتي باي طريقه اتفادى
ولكن بنهايه تعلمت الدنيا دين وكما تعاملنا وعاملنا يدور الزمن وبنشوف نفس الحال
احس مهما بكتب ماخلص لانه صج تعلمت الكثير والكثير
تقبلي مروري
جزاكم الله كل خير
ناطرخ باجي الردود
شي شي
وماشاء الله البنات ما خلو شي