بعد صبر وطول انتظار وغربه الله رزقني بفهود اللهم لك الحمد

بعد الحمدالله انه يمكن تجمعنا يدري بقصتي,,,,
انه صار لي 15 سنه متزوجه وحاولت اشكثر بس ماالله كاتب الابامريكا بعد 3محاولات انجحت المحاوله
بس كان حمالي متعب شوي وكنت كله بالفراش الحمدالله رب العالمين
المهم نصحني الدكتور ماارد الا اولد بامرريكا وقلت راح اتحمل واظل
المهم كان اخر موعد لي 268وما ولدت عطوني موعد يوم 27 8وكنت مستويه كلش جان الدكتور يقيس ضغطي الا وايد عالي جان يقولي دخول
المهم لما دخلت المستشفى كنت مفتوحه 3س وحطولي الطلق الصناعي من الساعه8 بالليل الى الساعه 10 الصبح 12 ساعه مافتح الا 4س وراس الياهل صعد فوق (بس طقوني ابرة الظهر صراحه عجيبه)
جان الدكتور يقرر لي عمليه وحولوني غرفه العمليات وجان يزيدزن جرعه البنج اللي بالظهر ودخلت وانه خايفه بس ريلي كان يهديني
وانه ماكنت اشوف شي بيني وبين الدكتور ستاره بس احس بضغط ودكتوره التخدير على راسي وتمسح على وطول العمليه اقول حق الدكتور اهتم فيني واهو يرد على انه مهتم فيج مثل زوجتي

,,,,وعقب ربع ساعه طلع فهود بس ماشفته بس ريلي شافه قبلي وصار مثل معلق رياضي كل ساع يقولي شي اهو ابيض,,واهو وايد حلو,,وقام يفتر بغرفة العمليات مثل الملعب ويصور الياهل وكل ساع يقولي شي وانه شفقانه على شوفته جان اقوله وريني الصور على الاقل مارضا لانه دكتور الاطفال كان قاعد يفحصه وانه على ناروبعدين يت احلى لحظه حطو فهود على صدري
انه مااقدر اوصف هالشعور لاني وايد كنت مستانسه الله لايحرم كل واحد من هاللحظه
وبعدين رحت الافاقه وكانو حاطين حق ريلي مساج وكانت مريحتني وساعه رحت الجناح
الف الحمدالله والشكر على النعمه اللي من الله على بعد هالعمر
ويارب يرزق كل محروم
وانه مانسيت عيش ومرق بالدعاء بالولد الصالح وكل محروم بالذريه الصالحه بالدعاء اللهم يتقبل

بنات ادعولي ارد بالسلامه انه وولدي باقرب وقت

الف الف الف الف مبروك ويتربي فى عزكم انتي وابوه والله العظيم فرحت لج وغصتني العبرة الله يهنيكم
والله يرزقكم باخوان واخوات حق فهودي يارب ويرزق كل محروم ومحرومة

وترجعين بالسلامة وتنور الكويت بفهودي

الف مبرووك
والحمدلله ع سلامتكم
وان شاءالله تردون مع فهودي بالسلامه

الف الف الف مبرووووووووووك عساه من مواليد السعاده وحفظة القران

مبرووووووووك ما ياج حبيبتي
وانشالله تردووون بسلامه

بعمد عمري والله الف الحمدالله على سلامتج وسلامة البيبي وقرت عينكم بشوفته والله اني فرحتلج من قلب وماكو شي بعيد عن رب العالمين وماكو مستحيل الله يردكم سالمين يارب

ألف الف الف مبرووك ايفااا و يتربى بعزكم فهودي دهن العودي

و ياارب ياارب يسهل عليج النفاس و ترجعين الكويت ..رحتوا اثنين و تردون ثلاثه مشاء الله

الحمدلله على سلامتج ويتربى بعزكم يارب
والله يرزق المحرومين ويصير عندهم امل ومايفقدونه ويتمسكون بالدعاء والله مايخيب مؤمن يارب

عسى ربي يقر عينكم بشوفته معرس ياكريم
وان شاءالله اول ماتطلعين من لنفاس اتحملين مره ثانيه

ما شاءالله تبارك الرحمن الله يحفظه و تردون سالمين و يتربى بعزكم انشاءالله

لف الف الف

مبروووووووووووك

الله يردج بسلااااااااااااااااامه

الف مبرووووك يا ام فهووودي

عساج تشوفينه معرس ياا رب

الحمدلله على سلامتج و يتربى بعزكم 

الف مبروووووووووووووووووووووووك ايف ويتربى بعزكم يااارب