|
|
بعترف لكم ابأشياء صارت معاي
واقول الحمدالله اني بديت اتدارك الموضوع
واتمنى لو البعض يستفيد من اللي بقوله
الفترة اللي طافت
كنت بمشاكل مع زوجي
يتلي حالة برود
كله ابيه يطلع من البيت
كله ابي اقعد بروحي
وما عندي شي اسولف فيه معاه
وان قعدت معاه كله مستعيلة
اوكي
شالسبب ؟؟
السبب كان اني طول اليوم لاهية بالنت بشكل عام
والمنتدى بشكل خاص
وهالقسم بشكل أكبر
ابيه يطلع عشان لا يشوش علي قعدتي على اللاب توب ويمي قهوتي وككاوي
وكتابتي للمواضيع والردود والسوالف واللوية اللي انا كنت مندمجة فيها
!!
طول اليوم اما موضوع على بالي ايي بكتبه ،، ولا موضوع بتابع ردوده
دايما بالي مشغول
قعدت وايد قارنت بين وضعي قبل لا تييلي حالة الأدمان هذي وشلون كنت مجابلة زوجي
وبين وضعي معاه الحين
لقيت الفرق كبير
والنجرة زادت
والملل زاد من الطرفين
وكل هوشة يقولي
انتي شايفة شلون مجابلة النت ؟؟؟؟؟؟؟؟
انا نوعي ما عندي وسط باستعمال النت من قبل زواجي
ان لزقت فيه ،، لزقت لزقة قشرة
ما اعرف للحلول الوسط
قام يطفر مني ينام وانا مجابلة اللاب توب
يطلع وانا مجابلته
يرجع وانا مجابلته
طول اليوم متى ما خلصت شغلي مع اليهال وزوجي اجابله ،، قمت اكنسل طلعاتي احيانا
وأأخر طلعاتي الثانية
باختصار
يتلي حالة هوس
واعترفت لزوجي ان حالة الأدمان اللي يايتلي اعفستني
شلت اللاب توب وخليت زوجي يخشه لمده يومين او 3
وماشالله لا حظت الفرق
مثل ما الزوجة تسمي الدوانية وربع الزوج والقهوة شرايج او زوجات للزوج
هم مجابل اللاب توب معظم الوقت اعتبرته زوج ثاني لي من كثر ما خرب علي بوايد امور
غير الضغط النفسي اللي احيانا يسببه لي ،، ليش ؟؟
لاني مو قادرة اهده بنفس الوقت حاسة شكثر ماخذني عن بعض الأمور
عشان جذي قررت التالي
اللاب توب ينشال اكثر فترة اقدر عليها ( طبعا لازم ينشال مو بس اطفيه ،، لاني ما اقدر اشوفه جدامي ما اشغله 
)
وبشبك اقل فترة ممكنة يوم او يومين بالاسبوع
واتمنى اضل على هالشي
نصيحة
كل وحده عندها مشاكل ،، خل تشوف هل فعلا السبب زوجها ،، هل زوجها طرف كامل بالمشكلة لحالات البرود والملل والروتين ؟؟
ولا في امور ثانية منشغلة فيها عن زوجها
مثل ما انا كنت منشغله عنه !!
وبس
وصار ضروري في البيت بس مو طول الوقت مقابلته اذا زوجي طلع فتحته
|
المشاركة الأصلية كتبت بواسطة ( مي )
 طول اليوم لاهية بالنت بشكل عام
|
هذي الحاله انا عايشتها الحين
شكلي بشيل اللابتوب مثلج
حتى رفيجاتي قامو يشوفونوني بالمسنجر يقولون صايره وايد تشبكين هالايام
ثاني شي انا عن نفسي الحمدلله مسوية مثل جدول منظمه حياتي
يعني اذا زوجي موجود مستحيل اشبك الا اذا شبك بعض المرات اشبك ………….بس اكثر شي اشبك يكون هو مو موجود واذا يرد البيت قبل لا يوصل اصكه عشان استقبله ………….فنظمي يومج احسن لج وله ……….وشكرا حياتي على الموضوع
وفعلا نفس ما احنا متشايقين منهم في بعض الامور هم اهم بعد في لهم بعد الملاحظات الي مسويه مشاكل
انا امس قعدت مع زوجي وفهمت منه شنو الملاحظات الي ما يحبها فيني ومسويه له ازمه وانا هم بعد تكلمت وياها وقلت له كل الي في نفسي وفكرت بيني وبين نفسي اني اتغير واتبه للأمور الي اهو قالها علشان ما يحصل مشاكل وفتور نفس المره الي طافت
حبيبتي الله يوفقتش يارب انتي وجميع البنات
والإنترنت المفروض نستخدمة وقت الفراغ أو إذا ودنا نستخرج معلومة
آنا الحمدلله عودت نفسي ما أستخدم اللاب توب إذا ريلي موجود لأن طفارته يشوفني حاطته بحضني وكاشته فيه
ومعاه حق
آنا معاج بقرارج يا مي خاصة إذا شفتي نفسج مدمنة
انا نوعي أدمن على النت
يعني ما عندي مانع اضل اليوم كله عليه ،، ما امل
من موقع لموقع
مواقع مكياج
ماركات
طلبات
منتديات
أغاني
يوتيوب
من شي لشي
قبل الزواج ما كان عندي مانع اضل من ال7 المغرب لي ثاني يوم 9 الصبح على اللاب توب
وكانوا اهلي يهاوشوني
ضروري احاول ارد اقطع نفسي ،، الوضع قاعد يعفس لي وايد امور بالبيت
اللي مثلي
حبيت الفت انتباهها ،، لا تخرب على روحها مع زوجها وعيالها
النت وبالاخص المنتدى واايد يلهي الزوجه عند واجباتها
واللي سويتيه عين العقل
وان شاءالله احنا انطبقه بعد
|
المشاركة الأصلية كتبت بواسطة نانوة
اول شي شلونج ميونة حبيبتي؟
ثاني شي انا عن نفسي الحمدلله مسوية مثل جدول منظمه حياتي يعني اذا زوجي موجود مستحيل اشبك الا اذا شبك بعض المرات اشبك ………….بس اكثر شي اشبك يكون هو مو موجود واذا يرد البيت قبل لا يوصل اصكه عشان استقبله ………….فنظمي يومج احسن لج وله ……….وشكرا حياتي على الموضوع |
مو انا مسويه جذي لمن اهو مو موجود اشبك
بس همن قاعده احس اني صرت مدمنه عالنت والمنتدى .. بعد ماكنت بهالوقت الي اهو موموجود اسوي اشياء مفيده
حتى لو تسوون جدول
ما تلاحظون ان لما ايي زوجج مثلا
تقولين كاني بسكره ،، بس لحظة خل اشوف هالموضوع
لا لا بس خل ارد مرة وحده
اووه !! جنه ردوا على موضوعي
دقيقة اشوف شنو ردو
وتصير هال 5 دقايق ،، ساعة
وانت كل شوي بتسكرينه
للاسف حاولت اطبق هالطريقة
وما قدرت كلش
لان صج استفدت كثيررررررر من منتدانا الغالى يونس بصراحه
لا انتي ما ادمنتي انتي كنتي مكتفيه انج تدشين بالدوام التجمع وتلاقين البنات وتسولفين معاهم
الحين بالدوام ماكو مسن
فقاعده تنتهزين الفرصه انج تكونين بروحج تدشين المسنجر تدورين
رفيجاتج
مي انااشبك لما يكون ريلي بالدوام او نايم وبس
هههههههههههههههههههههههههههههه
اي صح حياتي ولا شي من غير النت
لا الحاله مستعصيه ههههههههههههههههههههههه
يعني في ناس نفسي خخخخخخخخخ
اشواا عبالي شاذه عن الناس
اخاف هبة 2024 الnew
ياااالااااهويي لازم نتدارك الامر
درجه اني وقتي يضيع والسبب من موقع لي موقع
هههههههههههههههههههههههههههههههههههههههههه
اذا هو موجوووووود استوعبه بكل جوارحي<<<ركزي ترى متعوب عليها
خخخخخخخخخخخخخخخخخخخخخخخ
الله يسعدك مع زوجك ويخليكم لبعض
موبايلاتي سايلنت واللاب توب مسكر
حتى ساعات اضحك على روحي جني بنيه خايفه من ابوها لما ايي 
بس الحمدلله .. مع اني اعشق النت و ماعندي مانع اظل 24 ساعه عليه
لكن ليما زوجي و stop والحمدلله ماخليت النت يأثر على علاقتي مع زوجي