|
|
بنات بعد الاربعين فترة واااايد مهمه وتبدي الوحده تفكر فيها وتخطط لها من قبل طلوعها منه
ياريت تفيدوني وتفيدون البنوتات من خلال تجاربكم وخبراتكم أو حتى أفكاركم
مثلا اذا ناوية تروحين فندق اي فندق ترشحين
وبالنسبة للشعر شنو افكارج
البدلات وقمصان النوم
التغييرات اللي ناويه تسوينها بشكل عام سواء كان تغيير في شكلج جسمج ستايلج او بالبيت او اي شيء يخطر على بالج
واذا كان عندج فناتق لا تتعطلين وكاهو الكيبورد يدامج وانطلقي وعبري عن خيالج وابدعي ويانا 
يالله ناطرينكم ………. وخلونا نعلم الرياييل انه احنا مو أي شيء ………
_03ba:
عاد انا الحين صارلي والدة بس اسبوعين وقاعدة افكر واخطط حق طلعتي من الاربعين
ودي اجهز كل شي من يديد واحس اني عرووس
واول شي ناوة اسويه اروح الصالون اسوي تنظيف بشرة ومساج .. واقص شعري بس ماني صابغته لأني شعري ناعم وخفيف ولونه حلو فماله داعي اصبغه بعد اخاف يطيح..خصوصا عقب الولادة يصير الشعر ظعيف
وبالنسبة للهدوم بشتريلي بس جم قطعة لأن الجسم يتغير وعقب فترة لما انزل وزني ارد اشتري مرة ثانية
وبشكل من قمصان النوم وبخلي ستايلي غير احم
وانشالله مخططين نقعدلنا يومين بالفندق .. بس مادري اي فندق
يمكن يمكن مارينا مادري
وثاني شي بسوي حمام مغربي وملكي باللي بالمهلب بشوف عندهم شغلات حلوة يمدحونها ..
وانا ودي اسافر اغير جو لان حدي زهقانه وقعد افكر بين شرم الشيخ او بيروت … ويمكن تايلند ..
طبعا البيت مادري لان انا على طول اغير بالبيت واما احس اني بهتم في كثر ما بهتم بروحي .
وفترة النفاس بشتغل على روحي عدل بالأدوية …والحسووو .. والكريمات ..
واذا تذكرت شي بقولج اياه انتي شنو في بالج خل نستفيد ….؟؟؟
بقص شعري علشان نيو لوك …. و جم شغله يديده ما ابي اكثر علشان ما يندرى راح اضعف او امتن
وودي بعد اسوي تاتو ولا حنه على ظهري من تحت . . وبخرم خرم ثاني بأذني لأن يصير الشكل حلوو
مرة خرمت بس تصكر بعدين
والتنظيف ………………………. واحلا شي تغيرين تروحين فندق هلتون امدحوةةةةةةةةةةةةةةة حقى وايد بس من وراها سوى مانع اخاف الواحد يحمل مو وقتة ……………هههههههههههههههههههه
يبيلنا تجفيت من الدعامية لما الدعامية …………….. موفقين يا حلوين
ان قصه الشعر والصبغ اول شغلتين بسويهم
اكيد مع حمام مغربي وشغل الصالون
وروحه للسوق مشترا ملابس
الله يسهل علينا ونقوم بالسلامه
باخذ كورس النفاس من خبيره اعشااب وبهتم بنفااسي عدل وارضع اليااهل (ان شاءالله لانه بنتي ماقدرت ارضعها ماكان فيني حليب)) علشان يرد رحمي
وبقص شعري بس بدون صبغ مااحب اصبغ
وبهتم بجسمي وغير مساجات وتنظييف
وعلى الفندق مااعتقد ليلحين
وبلعب واشيل بنتي لما اقوول بس هههههه مسكيينه من حملت ماقدر لا اشيلها ولا اللعب وياها
انا ودي اصبغ لأن ولا مرة صبغت .. بس ودي اعرف