|
|
صديقة عمري
تنصحني اذا فكرت اسافر مع ريلي جم يوم
وتقولي
شلون يطاوعج قلبج تروحين وتخلين عيالج
عند حمولتج او امج !!
لاتبلشين احد فيهم
يبا عوديه تاخذينهم معاج
وطبعا انا فعلا اتردد واكنسل السفره لانه مايحب المسئوليه
وانا مااحب اني اكون انانيه
ويقول اذا بوديهم بوديهم ديره قريبه
طبعا
مني كلمه ومنه كلمه
تتنكسل الروحه
اهو يروح مع ربعه
وانا اقعد بالديره
واذا رجع اخذ شاليه لليهال او احاول اسعدهم باي طريقه
واذا راح دوره بالدوام تنصحني اني اهم ماعلي عيالي
حرمت نفسي
رغم ان عيالي كبار مو الي ياذون اصغر واحد بالابتدائي
الريال تعود ع الروحه مع ربعه
والحين خلاص
يقول حتى انتي مسئوليه
شكله اخذ راحته بالروحه مع ربعه
ليما هني اوكي
بس الي مو اوكي
ان الي تنصحني
عيالها اكبر واحد بالروضه وعندها ثلاثه
سافرت
وقاطتهم ع الخدامه بشقه ببيت حمولتها
وخالتها مره عوده ماتقدر تراعي اليهال
ويوم سألتها
ليش ماخذيتي عيالج
قالتلي
ويييييييي
ليش للشقى والغثا
يبا بروح بستانس مع ريلي
برد اخذ شهر عسل بعيد عن حنة اليهال
بعود الريال ع السفر
بخليه يتعلق فيني ومايقدر يسافر من غيري
واليهال بيغثوني
وبيكرهون الريال بالسفر
وانه يسافر معاي
قلتلها بس حرام
عوديه عليهم وحاولي ترتبين جو بعد ماينامون
تدرون شنو قالتلي
لا حبيبتي بعيش لنفسي الحافظ الله
واذا بيصير لهم شي ماراح يصير لهم الا الي اللله كاتبه
احرم نفسي ليش
ليكبرت محد راح ينفعني
والبنت لريلها
والولد لمرته
وانا احلى سنين عمري ادفنها معاهم
الي علي اني ماقصرت معاهم
ومسويه كل شي عشانهم
وخداماتهم عندهم يشوفونهم ويراعونهم ويديرون بالهم عليهم
والبيت متروس ناس ماقطيتهم بغابه
بصراحه انصدمت
انتو شرايكم
!!
الغيره دااااايم موجوده بينا ,, انا ما احب اللي ينصح نصيحه واهو موووو مطبقها ,
احس ودي اعطيييه كف يلف ويهه …!
بس النصيحه من صااالحج . صدقيني بعدين عيااالج بيحنووون لج . وبيظلون طوول العمر تحت ريولج ما يستغنون عنج
الله يخليهم لج ياااارب ,, ولا تتحسفين على شي .. العمر جدامج حبوووبه ..
تقبلي مروووري
لاتاخذين نصيحه الا من امج او اختج وبسسسسسسسسسسسسسسسسسسسسسسسسسسس
هم اللي صج يحبوووونج ويبون لللللج الخير
تلاقينها ميته غيره منج وقالت لج هالكلام
بس بصراحه انتى غلطانه لو انا منج اقولها
وين كلامج اول ؟؟
واحرجها صج صج تبط الجبد
ونصيحه لاتسمعين كلام احد الا امج اختج
احد تحسين فيه صج يحبج لاتقولين رفيجتي من عمر ولا جارتى
بس سمعي من الناس اللى تحسين صج تحبج
مو معقوله تنحرمين من وناستك عشان العيال الحمدلله الله لا يقطعنا اهلك وحبايبك بالديره ومافيهم الا العافيه لازم تغيرين جو مع زوجك حبيبتي
العيال ماراح تقصرون بحقهم دامهم كبار تعوضونهم بطلعه لكن انتي وزوجك حرام لازم التغيير لان الروتين ممل هو بيمل منك وانتي تملين منه على هالحال بدون تغير والسفر تنفيه عن النفس
حشا قطاوه مو عيالها ميخالف تسافر بس مو كل مره تقطهم مره لها ومره لهم
وسوالف الجذب عند الحريم مو بس بالسفر يووووووووووووووه اخذي وخلي
حب لأخيك مآتحب لنفسك ..
وهذي وحده أنآآآآآنية
المفروض تسوين اللي انتي مقتنعهـ فيه وماتسمعين كلام احد
حتى لو كانت أعز صديقاتج .. مشكله اللي ينصح ومايتبع نصيحتهـ ..
وانتي حاولي تقنعين رجلج انكم تسافرون مع بعض وتغيرون جو
من حقج انج تستانسين وتسافرين معاهـ وعيالج مو صغار عشان تخافين عليهم
واكييد امج بتحطهم فيي عيونهآ ^.^
هذي غيورة و لا تاخذين نصيحتها ,, و جان قطيتيها بويها "سبحان مغير الاحوال وين اللي تقولي عيالج و عيالج لاتخلينهم"
اتصدقين انا ريلي قالي امشي نسافر وكان عندي ولدي البجر عمره 5 اشهر اشلون اخليه بس دست علي قلبي وخليته عند امي وخذيت صورته معااااي وخشيتها بجنطتي علشان بيني وبين نفسي اتذكره اما جدااامه الضحكه ماتفارقني واحسسه ان الشي عاادي صج بالبدايه يعور القلب الموقف بس اذا اتكلتي علي ربج وطعتي زوجج صدقيني ربي يجااازيج علي نيتج
حاولي مع ريلج وروحي معاااه لو ليلتين البحرين وقولي له راح انسيك حتي اسمك جرب وماراح تخسر شي
خليه يتعود عليج ومالج شغل بالبنات