بشنو تنصحوني فيه التجاري ولا الجامعة العربية المفتوحة ولا الاتصالات والملاحه

السلام عليكم ,,,

بنات انا خريجة 2024 ادبي و نسبتي 72%
حححلمي كان التربية الاساسية -تخصص الفنية-
دشيت التجاري و درست كورس على اساس احول للاسف ما قدرت لان معدلي 2.75 و اهم يبون اقل شي 3 نقاط

والحين ضايعة بالتجاري لا عارفة اسجل ولا شي تعبت نفسيا و ما انام من التفكير
و انا بروحي اكره التجاري بس اهو طريقي الوحيد للتحويل

قعدت افكر هاليومين اطلع من التجاري و ادش الجامعة العربية تخصص لغة انجليزية

و بعدين نصحتني رفيجتي و بنت خالي اني اطلع و ادش اتصالات و ملاحه بما انه وظايفهم مريحة و معاشاتهم ما تقل عن 700

بنات انا ابي معاش محترم و وظيفة مريحة ابي شوركم و هداية الله
الحين رايحة استخير بليييييييييييييز ابي ردوود ابي نصايحكم و الله يوفق اللي ترد علي

حبيبتي تقدرين ترفعين معدل وتحولين و انتي ما خلصتي ٣٠ وحده … وعلى تفكره التربيه بكبدها ما تقبل مدرسات الا المتخرجين من التطبيقي وحامعه الكويت .. انا اختي درست انجليزي بالعربيه المفتوحه و للاسف قالو لها التربيه هالحجي … نصيحه كملي تجاري … اخذي ٤ مواد تضمنين اتيبين فيهم a ودكاتره زينين و ان شاء الله بتحولين … موفقه

والله مدام تبين تربيه شدددي على حيلج شوي
وخلج بـ التجاري هـ الكورس و حاااولي تجتهدين
و بـ اذن الله الله ما راح يخسر تعبج .. وترفعين معدلج و تحولين

والله التربيه حلوه + انتي حلمج فنيه
خلاص اسسسعي و اجتهدي ماكو شي صعب هذا حلمج حققيه

والله لا تيأسين ضاع كورس ما عليه في كورس ثاني
و عسى الله يوووفقج يـ رب و يكتبلج الخير في كل مكان

^^^^^^^
عين العقل … ترا انا من دفعه ٢٠١٠ بالتجاري وتوني هالمورس حولت تربيه … اذا تعبتي وشديتي حيلج ماكو شي صعب حبيبتي … و صدقيني دراستج اهيا الي بانفعج و اذا حولتي تربيه باذن الله … خلصي بسرعه عشان لا تقولين راحت سنه علي ولا شي .. الله يوفقج

الجامعه العربيه وخري عنها كثر ماتقدرين ولاتفكرين فيها
خلج بالتجاري وشدي حيلج وحولي
والله يوفقج

موفقه 

لا ليييش انا اقووول تظلين بالتجاري وشدي حيييلج ماكو شئ صعب ان شاءالله
الي حولو مو احسن منج …

موفقه