|
|
السلام عليكم
بنات مثل ماتدرون اني مدرسة يديدة وادري كل مدرسة يديدة تفكر تطلع من التدريس وتصير ادارية لكن انا مابي وزارة التربيه بكبرها 
بنات انا ماني متخيلة التعب 16 حصة بالاسبوع والمشكلة ان حاطين لنا مختبر ندرس فيها فوق يعني لازم اروح اخذ الطلبة ناس صفوفهم تحت وناس صفوفهم بمبنى ثاني وفوق يعني اخذهم من فوق بالمبنى الثاني وانزل وامشي وارد اصعد للمختبر ؟؟؟؟؟
تكفون قولولي اذا بستقيل عادي؟ وشلون ؟ وانا برد اقدم على ديوان الخدمة المدنية ادري يطولون لكن عادي عندي بس يصير اقدم عالديوان؟؟؟؟ ادري المعاش بينزل تقريبا 230 بس انا مو من النوع الي اصرف وايد
شرايكم؟
واقدر ادبر لي واسطة اطلعني تنقلني من وزارة التربيه لي وزارة ثانية؟
لان اعرف وحدة قبلوها وزارة التربية وانتقلت على طول مادري شلون وزارة ثانية بالواسطة
اتمنى القى تفاعل حلو والله بتساعدون اختكم والله ياجركم
عقب سنة او سنتين تلقين الادارة بروحها تخفف عليج لانها عارفه مستواج و راح يكون في الايدد منج يمسكون حصص اكثر ..
شدي حيلج و لا تخلين هلافكار توديج و اتيبج ترى ما راح تقدرين تنتجين و تبدعين اذا في بالج هالفكره
مااااااااااافي احد اكثر مني كان يبي يستقيل و كنت احلف ما ارجع 
بس الحمدلله الحين استقرينا
و فكري عدل !!!
شيين لازم تفكرين فيهم عدل قبل ما تخطينهم
(الزواج )- وتغيير مجال العمل .. ترا موسهل !!
بس ترى كلنا كنا مثلج
وبعدين تعودنا وصار روتين
أكثر الموظفات اللي شغلتهم اتعب علبوا معاشهم قوي ماسوت عليهم هالمعاش
اللي ياخذونه
بنات خالي حولوا من خامس سنه للأداره يقولون ينزل معاشنا ولا تنزل
صحتنا ومعاملينا جنه طلبه
بس انتي اختي توج صبري بعد سنتين ثبتي وجودج فيهم اذا نفع اوكي
مانفع ألزم ماعليج صحتج وحولي اداريه
بس أنا مو مشكلتي النصاب والتعب..
مشكلتي بالمدرسات اللي عندي سوالفهم بااااااااااااااااااايخة وخاصة المفروض من الذوق والأدب ما تنقال حتى لو كانوا متزوجات..
انا التدريس نفسة ما احبة اشرح نفس الدرس خمس او ست مرات تكرار ممل خصوصا اذا قصة ولازم اعيدها بنفس الانفعالات جني اول مرة اسمعها
حدة ملل
انا ودي ادور لي واسطة تنقلني وزارة ثانية مابي ادارية بمدرسة وييييييع
ولما أشرح الدرس لأول صف تطلع الحصة قمة قمة قمة
بس لما أوصل للصف الخامس تلوع جبدي وأحس إني ما وصلت الدرس بالشكل الصحيح
والله العظيم تعبت من التدريس بس ما أقدر أطلع منه لأنه حسّادي بيفرحون
الله يعيننا ويصبرنا….
وشي ثاني في وايد اماكن تطلب خبره 3 سنين تدريس عالاقل درسي جم سنه وبعدين غيري ترى المعاش حلو والعطله مالتكم حلوه شهرين وشوي غير نص السنه
الله يعينكم انا اكره التربيه بعد وريلي توه متوظف مدرس الله يعيني عليه
وحب البنات شي حلو قبل امي كله يعطونها رسايل ويحبونها وبالسوق يسلمون عليها بحب كنت اغار منهم
سوي استخارة
واذا حسيتي بعدها انش مصممة اطلبي نقل من وزارة التربية وشووووووووووووووووووفي واسطة لان دخول وزارة التربية مش زي خروجها واسالي مجرب صار لي سنة احاول اطلع
اما اختي كويت صح انا سامعة ان الطلعة من التربيه صعبة بس الواحد يتوكل على رب العالمين
بس بسألج انتي خلال هالسنة قاعدة اداومين على مايطلع نقلج والا لا؟
الله يوفقج.. انا نصيحتي اخذي خبره و صبري 3-4 سنوات و بعدين طلبي انتداب المكان اللي تبينه ..
موفقه يا قلبي و لا تحاتين احنا خواتج
الله يعينا ولي عودة إن شاء الله مع الموضوع