|
|
مرحبا بنات
بغيت اقتراحاتكم
شنو ممكن اشتري لهم من الكويت؟؟؟
فكرت بالعطور والعبي والخامات والشيال والماركات كلها عندهم هناك
ابي شي مميز عندنا بحيث يكون راقي ويعجبهم وما يكون ينباع هناك نفسه
بنتظار اقتراحاتكم
هم يحبون دراريعنا لان غير عن ستايلهم
ولاتنسين الحلويات الكويتية الشعبية مثل الدرابيل والقرص عقيلي
تراهم يموتون عليها
وسلميلي على اهل الامارات فديتهم
حتى لو تاخذين لهم شيلات و الا عطور عربيه والا بخور او حلو .. المهم انج تنقصتي لهم .. اهم شي المبدا انج يايبه لهم شي 
اخذيلهم دراريع اهما يموتون علي دراعاتنا و لا اخذيلهم حلوياتنا اهما يحبونها
نفس ماقالو البنات دراريعن اوحلوياتنا خاااصه الرهش عندنا جماعه سعوديين يموووتووون علييييييييييه
حبيبتي انا اهل أمي و زوجي اللي بالامارات يموتون على الرهش مال الكويت و مكسرات الرفاعي و قهوة العميد العربيه
عندج المحل الي في المطار مال الحلو جبال دبنهامز لو تاخذينلهم من هناك وايد راح يعجبهم لان فكرة الطاسه و جذي يعني وايد حلوه جم مره ناخذ حق ربعنا هناك و يستانسون عليهم
طقم الشيلة والشنطة ميتين عليهم هناك
انا اذا رحت لازم اخذ بقصم درابيل رهش يموتون عليه
ودراريعنا ملوت البيت يحبونهم وماعندهم مثلنا
ودراريعنا ملوت البيت يحبونهم وماعندهم مثلنا
صاجه نفيشه
أذرب شي اللي ينباع في محل هيل وزعفران الطوس الصغار اللي فيهم قرص العقيلي والقريبه الخ ، الدراريع صعبه لان الناس أذواق ، أسنع شي الحلو ، وتقدرين تطلبين منهم المحل انهم يسوولج شكل حلو ، واتحطينه ابكرتون وتشحنينه معاج .
مشكوريين بنات
انا مفصله كذا دراعه لهم لاني قلت هم يحبون دراريعنا
وحاطه في بالي هيل وزعفران
وشاريه عطر وردالجوري موصيه عليه من لبنان لان مافي منه الا هناك
بس ودي بشغلات اغرب شوي