|
|
السلام عليكم ورحمة الله وبركاته
بنات محتارة لما أروح عند أهلي بالنفاس إن شاء الله وزوجي يزورنا شنو ألبس ؟؟
أختي تقولي روحي جهزيلج دراريع كشخة من نمونة أنور والطاهر .. بس أنا كلش مو هذا لبسي أحس مو لايقين علي
قلت آخذلي قمصان بيت وبجامات قطن ملونين وكيووت بس أمي زفتني هههههههه تقولي عيب تقعدين جدام ريلج جذي
مو عارفة لي الحين شلبس ! خصوصاً إن أبوي واخواني بالبيت فيبيلي شي مستر
بروح أجهز ومحتاااااااارة وين أروح
وتولدين بالسلامه انشالله 0000
مادري اتصدقين
عمري ما لبست جذي مع إنهم وايد حلوين وكشخة بس على شكلي أحس مو لايق !
والله يقومج بالسلامه
أولا لازم تلبسين شي ينن ويخليه يقول والله مرتي حلوه
نظيفة بشرتج صافية وريحتج تينن وشعرج عجييييييييييييب وناعم وملموم(ذين حصان أو بالشباصات لي فوق
تراجي ناعمة
شوية كريمات وماسكرة ماكو مشكلة
الملابس أول 15 يوم قمصان الوالدات ممكن تكون قصيرة شوي ميدي, وكعب مال الطاهر ذرب
بعدين بآخر الاربعين كنت أطلع بقمصان وبدلات ناعمة ومكياج خفيف <ههههههههه بايعتها
لا وأطلع معاه بعد < عاد انا خبلة مو تقلديني ههههههههههه
واذا راحوا بدلي والسي الدراريع القطن العاديه مالت البيت ام دينار ونص هذي اللي عند الهنود حيل مريحه وادفيج بنفاسج عن الهوا
واذا قدام زوجج اشتري لج دراعه قطنيه ذربه تعجبج والبسيها قدامه مع ملفع يكون نفس لونها وبعدين هذا زوجج مافيها فشله
انا هذي طريقتي
.gif "Eh S(20)")
البس قمصان النفاس حق الحريم اللي زايرني من الطاهر اشتريهم من النقره اللي تحت في جم محل حق قمصان الولاده
وحق زوجي البس بجايم لاسنزا وهالطقه عادي انا بعرف ليش بعض البنات لازم دراريع بالنفاس حتى عند الزوج دراعه
؟؟ شكو
انا اول ما يطلعون الحريم 
سييييده ابدل والبس تريننغ ودلاغات حق البيت يدفي اكثر من الدراعه
بالعكس اكشخي عند زوجج وخالاتج البسي تريننغات وبجايم عادي مافيها شي
ادعولي الله يهون علي
وانتوا الحضر لكم طبع واحنا طبع غير
انا اكيد اكشخ عند زوجي البس لي دراعه ذربه على حركات مو قمصان واطلع معاه عادي ونتعشى وكل شي اللبس فتره وبس عادي ووجهي نظيف وحاطه كريم شويه ومرطب وكحله خفيفه عادي
بس مستحيل البس غير دراعه وووووع نفاس وخياس واقد البس قطعتين ماتخيل
بس شريتلي جم وحده من الطاهر وايد حلوين
وعندي جم دراعه كشخه قمت البسهم
انا محتارة نفسج
تعودت على البجايم المرصصه
هههههههههههههههه
بس فشله هناك عند اخواني وابوي استحي
فا شريتلي لي اللحين من انور ماادري الطاهر دراعه نفاس كشخه (ملوت النفاس)
ليمونية لانني احب الليمون من حملت
والثانية من محل عند الالعاب بالنقرة تحت ماادري شنو اسمه
دانتيل وحلو
بس لي اللحين يبيلي اشياء
ابي اللبس اليومي شنو البس محتارة
وابي حق ريلي اذا يا ماادري شنو البس
محتارة
ابي شكلي كيوت مثل شكلي بشقتي
بس بدون ترصص
هههههههههههههه
بنات شدعوه ليش متوهقين لهدرجه
لا تغيرين اسولبج باللبس ولاشي
انتي في بيت ابوج واهلج شنو لبسج بس النفاس ادفي عمرها اكثر يعني دلاغات ودسوس هههههههه ؛) <<< تخيلو المنظر الاسكيمو مو نفاس
والله انا كنت البس على راحتي وحسب اسلوبي باللبس
بس القمصان اول الايام بعدين عادي صرت بنت البيت مو نفاس