بريجيت ، حنان دشتي ، حنان النجادة او عبير الياسين ؟؟

السلام عليكككم

عفيااا بنات كل وحدة تقولي تجربتها او تجربة وحدة تعرفها

انا محتارة بين اكثر من صالون ومو عارفة شختارررر

1- صالون بريجيت " الجهرا "

2- حنان دشتي

3- حنان النجاده

4- عبير الياسين

اول شي : انا شفت مكياج بريجيت على اخت رفيجتي وحلوو وعجبني ، وبعدين غيرت رايي لانه الكل قام يقول لا ويع ومو حلوو …….. آلخ آلخ آلخ

ثاني شي : حنان دشتي ما شفت مكياجها على احد بس الكل يمدحها ويقولي روحيلها وانتي مغمضة ، وبعدين غيرت رايي لانه هم النص قالولي انها نفسيه وماتشتغل من قلب.

ثالث شي : حنان النجادة واااااااااايد عاجبني مكياجها ، بس المشكلة اهيا بس تحط مكياج وماتسوي تساريح ، فآنه مادري منو بيسويلي تسريحتي او تسريحة المرافقة اللي بتكون معاي.

رابع شي : عبير الياسين عاجبني مكياجها وشفت مكياجها بس بس نص يقولي تشتغل من قلب ونص يقولي لا ماتشتغل من قلب آلا مع الفنانات .

وحييييييييييل محتارررررة بهالسالفة

HELP ME !!!

.

وعليكم السلام ي دميله :*

اذا انتي شايفة بيرجيت وعاجبج ومقتنعه لا يأثر كلام الناس فيج لان اذا ظليتي تسمعين رايهم بتسوين شي يعجبهم بس انتي من داخل مو عاجبج

انتي عروس لازم صالون فروحي اخذي لج جوله وشوفي العرايس هناك واللي تعجبج سوي عندها
عسى الله يوفقج ويتمم عليج حبيبتي ♡

حنآن دشتي آو الاء دشتي آختآري بينهم
حنان نجاده انا كلمت مسساعدتها بالواتس اب
اذا تجينها البيت العروس 200 آو على مااظن 300 بدون تسريحه
اما تطلع فندق او الصاله 500 وتقول ماتبي تجيبين عندها وحده تسوي ششعر
اما عبير مايمدحونهومثل ماقالو بس شاطره على الفنانات وحييل بااهت الميك اب الي تسويه
دعواتج لي بآلتوفييق ()"

انا اشوف حنان صج يقولون نفسيه بس اهم شي شغل عدل بصراحه شنو الفايده وحده نفسيه حلوة و تضحك و اخر شي مكباجها خرطي

انزين شلون يعني ؟
الصالونات بترضى اني اشوف عرايسهم ؟

حنان دشششتي

انتي عرووس راح يعاملونج غيير ويهبل ان شاءالله

بنصحج كاخت
حنان دشتي اهتمام وشغل ىماتحاتنيه
ادعيلي

عـــــبير الياســــــين

انا حجزت بعرسي حناااااااان دشتتتتتي وبسسسس سرااحه بلا مناافس للبااقين هم بكفه والبااجي بكفه وبالتووفيق حبيبتي

حنااااااان النجادة اكييييييد
شخباري حنان دشتي راحت عليها لوول
و بريجيت ما عندي فكرة عنه
و عبير الياسين سمعت انه عااااادي توهقج و يكنسلون الموعد مالج اذا كانت حضرتها مالها خلق

انصحج بحنان دشتي حولي عند شهله
رووووووعه ونفسيتها تهببببل
انا قلت لها ابي ناعم للعروس
وااااي بددددعت طلعتني قمممر بعرسي
صج صج فنانه انصحج فيها بقوووه

حنان دشتي بستكي حلوو شغلهم يطلعونج صج عروس واهتمامهم بالعروس غيرر وبالتوفيق

بريجيت ماعرفه

حنان دشتي اهيا الي صالونها يم حديقه الشعب؟ اذا اهيا حلو بس مادري حق العروس شلون انا كنت مسويه عنده حق عرس

النجاده حلو مكياجها هم مره مسويه عندها ومو شايفه شغلها لعروس

عبير الياسين اينن ونفسيتها حلوه كانت مسويه لاختي بعرسها وكانت يايه لاختي بالبيت واايد كان راقي

مشكووووورين لكل اللي عطوني رايهم وفادوني

بس خلاص انا الحمدلله ثبت على زهراء القاسم

عند عبير الياسين حطي موعدج عند خديجه و انتي مغمضة شغلها خيااااااااااااااااااااال

والتساريح عندج غاده بعد بالصالون تساريحها روعه