برودكاستات نعيمه الهاشمي

rgewrg:

السلام عليكم شلونكم يا خليجيات بما ان ما شاء الله تبارك الرحمن اصبح اغلب العضوات خليجيات …

اليوم حبيت افتح موضوع عن برودكاستات نعيمه الهاشمي !!

في الآونه الاخيره بدت انتشار برودكاستات نعيمه الهاشمي بشكل كبير !!

مقدمه البرودكاست تتكلم عن الحياه الزوجيه و شلون كل مره تعامل ريلها و بان الريال جزء من حياة المره و اضافه لها و ليس كل حياتها ..
و أيضاً عبارات كلا تحملي زوجك فوق راسك لانه لا يرى ما تحته …
و أيضاً .. تخطئون اذا قلتي له كل اللي اي منك حلو !!

باختصار و حتى لا أطيل عليكم بان مثل هالكلام يغير حياة و تعامل المره مع ريلها خاصه اللي توها متزوجه ؟؟

لا انكر بان بعض عباراتها جميله و حكيمه و لكن البعض الآخر ليس بالجيد ؟؟

هذه وجهه نظري

و أنتن ماهي و جهه نظركن ؟؟

بانتظار مشاركاتكم المثريه

ماوصلني اي برودكاست من هالنوع بعدين المره الذكيه اللي تعرف زوجها يعني المفروض اول جم سنه زواج تصبر عليه وتسكت تالي تقلبه فوق تحت خخخخخخخخخخخخخ بس تعرف مايته تقدر تتحكم فيه

انا وصلني وايد بس مادري كلامها ولا تلفيق
طبعن النصايح اللي تقولها هاذي تكون شي بسيط من الحياه الزوجيه
لانه كل وحده ريلها غير عن الثانيه وكل وحده ريلها له مفتاح لازم تعرفه
وفي شغلات تقولها عن الزوجه انها مثلا ادلع نفسها عشان الريال يقدرها ويدلعها
بس مو كل الرياييل يقدروون في رياييل يتعمدون يكسرون مجاديف الزوجه الناجحه

والله اول مرة اسمع بكلامها وصج كل مرة ريلها غير وطبيعته وشخصيته فمستحيل كل الكلام والنصايح تلوق على الكل وتنفع معهم

اكيد ريال عن ريال يفرق
وصج الوحده لازم يكون لهاا كيان
ولهااا اهتمامات غير الريل وحياه غير حياتها معاه
الريال يحب الغامضه ما يحب الي قاطه روحها عليه..
وبنات الكويت اغلبهم الي تتزوج جنها مو مصدقه وهالنوعيه تكسر الخاطر

البروددكاساتات غالبا لا يوجد بها مصداقيه

يصير فيها تحريف

يصير فيها نقل عن الغير

يصير فيها تلفيق الاسم

لذلك لا اصدق ما يقال عنها ولكن احترم عقليتها وتفكيرها

ولكن تعجبني د فوز اكثر

فوفو

ماعندي فكرة

ما وصلنى

اتوقع البرودكاست تلفيق كلام لان كله منقول والناس تقدر تحرفه علي كيفها

ماوصل شئ عنها