بروح للعمرة مع اخوي نحرم من البيت ولا بس نوصل جده ؟؟

السلام عليكم

شلونكم اخواتي

بروح عمرة مع اخوي ان شاء الله بطيارة

بس سؤالي
نحرم من البيت ونلبس لبس الإحرام

وننوي وكل شي

ولا وين نحرم

ويكون الميقات وين ؟؟

وهل ألبس دلاغات لون أسود شفاف ولا أسود ثقيل

وأمشي فيهم بالحرم ولاا لازم حافية

أسألتي كثير
بس أول مرة أروح عمرة

هلا حبيبتي تقبل الله مقدمااا حتي انا بروح العمره

شوفي عادي يلبس الاحرام من البيت في ناس جذي وفي ناس اتيبه معاها بالطياره وانتو بالجو اقولون بالطياره ان الي بروح العمره ترا وصلنا الميقات طبعا بالجو وبهالوقت تحرمون واخوج اذا مالبس الحرام بالبيت يلبسه بالطياره وبس وسلامتج ..

بالنسبه للدلاقات الريال مايجوز يلبس المرا اجوز وعادي بس انا ما افضل الشفاف لان راح تمشين وايد بالطواف والسعى

وتقبل الله مقدما ودعواتج :**

تحرمون من الطياره يقولونلكم لما تكونون فوق الميقات

تقولين لبيك اللهم عمره ومايصير عقبها تستخدمين صابون معطر او عطر او شامبو لما تخلصين عمره وتقصين من شعرج

والله يتقبل منج

لبسي خف او جوتي الخفيف نفس العيايز بالصفا والمروه لأن السيراميك يتعب زياده

مثل ما قالوا الخوات
بس انا بقولك شنو سوينا
اول حاجه سبحت والبس احرامي من البيت وحاولت ابقى على طهاره
ولما ركبنا الطياره قربنا من الميقات قالوا لنا وقتها فقلت لبيك الله عمره واذا كنت منقبه تشلين النقاب
ومن السنه تصلين ركعتين طبعا انا صليت بالطياره
ودعواتك لي انو ربي يسهل زواجي

البنات كفوا ووفوا..
الله يتقبل منج ومنا صالح الاعمال..
لاتنسينا من صالح دعائج..

جزاكم الله خير

وعسى ربي يخليك ويحفظكم وينولكم اللي في بالكم

ولكم نصيب من دعائي

ان شاء الله يارب يااكريم

آخر سؤااال

الحين بس انزل جده ونرووح لمكه بالفندق

انزل اتعمر على طوووول

ولا آخذ شاور جديد

؟؟؟

ولا أريح شوي وانزل

؟؟

افيدوني بالنقطه هدذه

اي بس توصولون مكة طبعا تروحون الفندق و تستلمون الغرفة و تركبون الجناط ..

و اذا انتي على وضوء خلاص على طول نزلي الحرم و اعتمري ، اذا لأ طبعا توضي و نزلي .. و يصير تريحين بعدين تعتمرين ..

بس ما يصير تاخذين شور الا عقب ما تعتمرين و تخلصين عشان اتحللين من احرامج

تقبل آلله منج و منآ صآلح آلآعمآل ،

جزآكم آلله خير .. ~

..

تقبل الله منا ومنكم صالح الاعمال ولاتنسين تدعين للكويت ان الله يحفظها من الفتن ومن كل شر

اي صح تذكرت مايصير تستخدمين اي صابون فيه عطر او شي بس في صابون معين اكون بون ريحه مثل صابون الرقي جذي عرفتي ؟
لا لاتتسبحين افضل روحي اعتمري وبعدها تسبحي وتصير اتريحون شوي بعدين تعتمرون شوفي انا عن نفسي احب اريح شوي يعني لو انام نص ساعه بس او بس استلقي على الفراش عشان التعب اروح واحس بالذه العمره لان اذا نزلت تعباته احس بتعب زياده عرفتي وبس تقبل الله منكم ان شاء الله وان شاء الله اشوفج مناك :**

عمره مقبوله ان شاء الله مقدما

انا كل سنه اروح للعمره

بقولج طريقتي انا وامي وخواتي نلبس ملابسنا الاحرام عادي وامي متنقبه تلبس نقابها عادي وابوي يلبس ملابسه العاديه

بس نوصل لميقات واحنا بالطياره يقولون لكم ترى احنا ميقات عاد ابوي يقوم يلبس ملابسه الحرام وامي تقط نقابها وتلبس بوشيه

وبس

جزاكم الله خير

وربي يحفظكم ويخليكم

ماقصرتووو على كل معلومه أفدتوني فيها

يعطيكم العافيه يااارب

ولكم نصيب من الدعاء ان شاء الله