بروح العمره وخرعوني

السلام عليكم

ناوين نروح العمره وحجزنا وكوووووول حاجه اوكي

يوم قلنا نبي نمشي خلال الاسبوع الياي استخفو العالم حرام عليكم ترا اغلب الي راحو انصابو بفايروس انفلونزا الخنازير

وقامو يخرعونا ويحذرونا يا ربي تونا رادين من السفر وباوربا ماكو هاللويه والخبه على الانفلونزا واحنا ربعنا مهولين الموضوع
مالكم بالطويله رحت الصيدليه وقالو نعطيج مضاد تاخذينه قبل العمره بيومين وتكملينه ليما تردين مده 7 ايام

اشرايكم

سمعتو فيه وشنو احسن وقايه سمعتو فيها

لفلونزا منشرة بالكويت وبكل دول العالم بس بما ان العمرة مكان متزاحم وحزة رمضان والنفس على النفس فرصة للفايروس ان ينتشر وللامانة انا اعرف ليلحين ثنتين يايين من دبي ويو وياهم المرض وحدة من مصر يعني ترا المرض صجي بس الحافظ الله الي الله كاتب له يحوشة باي مكان

انا اقول جذي بعد
المرض منتشر بكل مكان مو بس بمكه

والي الله كاتبه بيصير

بس لاتقطين النقاب وخليه على وجهج واذا ماتلبسين حطي الكمام

ووو إكلي فص الثوم إبلعية بلع واكلي وراه اي شيء ترى مطهر من الفايروسات وطارد لهم

الضجة مو موجودة بالدول الاوربية والغربية لان الخنازير حبيبة قلبهم ما يرضون عليها الله يلعنهم

انا اشوف الطيور اعدموهم وحدة ورا الثانية ماعطوهم مجال كلش

اما الخنازير مو راضين يذبحون ولا واحد منهم

قطيعة تقطعهم

اهو صح موجود بكل مكان والكويت متروسة بس العمرة لانه ازدحام ولصقة ، يعني الناس لازقة ببعضها والخوف من الازدحام ، ومن كل الدول يايين الناس ، فالاختلاط هذا اهو اللي ينشر المرض ..

انا اقول اذا كلش كلش بتروحين تحرصي كثر ما تقدرين ولبسي كمام واتبعي الاجراءات اللي دايما يقولونها .. والله يحفظكم .

لبسي كمام والله الحافظ

بنات يعني ما سمعتو عن اي مضاد وقائي؟؟؟؟؟؟؟؟؟؟؟؟؟؟؟؟

هلا ظلال

اذا عزمتوا اخذى فيتامين سى الفوار او المص واخذى الجل مال التعقيم وكلينكس مبلل

وتوكلى على الله

وادعيه يحفظكم من الامراض لانكم رايحين تدورون رضاه سبحانه

والله يحفظكم من كل شر يارب ,,

يقولون السنة مافي زحمة وايد الناس خايفة من فلونزا الخنازير يعني فرصة

مثل ما قالوا البنات لبسي كمامج والله يحفظج

والديتول والكلينكس المرطب على طول تمششي فيهم

مثل ما قالوا كمام و الله الحافظ =)

آنا تودني رادة من العمرة ، لبسنا الكمامات والطواف كان تحت بس عند الأطراف ماتدخل معاهم بالزحمة ، والسعي كان فوق ومعانا جل ديتول وكمامات بس .
إنشالله ماعليكم شر وتروحون وترجعون بالسلامة .