|
|
السلام عليكم
صباح/مساء الخير ياأحلى كويتيات
حبيباتي مثل ماهو واضح بالعنوان انشالله بروح العمرة انا وزوجي ، وبتروح ويانا امه وعمته ،
وراح نسكن طبعاً كلنا ويا بعض ، انا توني متزوجة قبل فترة قصيرة وحيييييل استحي منهم يعني ليلحين ماتعودت عليهم ، ماجذب عليكم اني تضايقت لما دريت انهم بيروحون بس صراحة ماطريت شي لزوجي لان لهم حق عليه امه وعمته،
الزبدة بنات شتنصحوني فيه أصير رسمية وياهم يعني ماروح واجي وياهم ولا اخلي السالفة هينة جني مسافرة ويا هلي اتسوق معاهم والوضع طبيعي،،
شغلة ثانية بنات لما اكون بالفندق شلون يكون لبسي قمصان للبيت مثل الجميع والطاهر ولا دراريع،،
طبعاً العطور والبخور شي لاااااابد منه ، لكن المكياج شلون عليه شنو اخذ وياي مثلاً لأن لاتنسون زوجي معانا اذا ماكشخت لهم اكشخله…
سوووووووري بنات قرقرت عليكم بس لاني عادتكم والله مثل خواتي وياليت اللي لها تجربة تذكرها..
وتسلمون حبيبااااتي.gif "Eh S(17)")
عمره مقبوله مقدما
^_^
بس ماقلتولي عن اللبس شلون !!!
خلج على طبيعتج احسن
اول شي عمره مقبوله .. ووو وصيتي لج ادعيلي بالزوج الصالح و ولد اختي بالشفاء ..
بالنسبه للتعامل .. لا تصيرين رسميه ثقيله .. ولااا مربوشه .. لا عاادي طبيعتج ..
ولا تحاولين تدلعين زوجج جدامهم .. لانه الحريم الكبار ينقدون .. يعني يا بسمه تنادينه او ابو فلان ..
واللبس .. تعرفين راريع العربيد الحلوه اللي موو فخمه لا عاديه .. اووو ممكن في دراريع ناعمه تلاقينها بشحليله تكون نص جم بس حلوه وذربه ..
اما المكياج مااا انصحج .. يعني اذا بشرتج صافيه .. ومافيها عيوب خلاص خليها على الطبيعه .. يعني مو معقوله ماتستغنين عن المكياج يومين 3 .. حتا لونج عروس بس لكل شي شي .. اخذي ممكن كحل تحطينه بالليل ولما تغسلين الصبح يصير باقي خفيف حلوو يطلع
ايييييييي والبخور انا لو مكانج ما اخذ اخذ مرشات افضل لانه الغرفه صغيره والفنادق دايم الدرايش تكون مسكره ماتبطل فراح يختنقون من الدخان
ومادري البنات يفيدونج
وبالعكس السفر يقربكم من بعض بتكونون بنفس الفندق وتجون تروحون معهم
يعني شي حلو بيكسر حاجز الحياء الي بينكم
موفقه ان شاءالله
والبساطة أحلى شي
خلج على الطبيعة ولا تتكلفين
انتو رايحين عمرة مو عزيمة .. عشان تفكرين بالمكياج واللبس
يعني كل شي ذرب ونظيف حلو .. والمكياج يادوب ترطيب للوجه و قلم كحل داخل العين واذا حابة قلوس خفيف
بس هالشي يكون بس داخل السكن .. وماعتقد بيمديج الا تالي الليل .. لانه اغلب الاوقات بتطلعون للصلاة في الحرم والا تمشي في السوق
وخلي معاج مرشوش خفيف عشان الغرف
والاهم من هذا كله .. اهل زوجج هم اهلج .. هالله هالله فيهم ..
وترى السفر يبين معادن الناس .. يعني دامج توج عروس اتوقع ان كسبتي حبهم لج بهالسفرة بتكسبينهم العمر كله
لانهم بياخذون عنج فكرة حلوة ماراح ينسونها
والله يوفقج
ولاتحرمينا دعوتج 
واهله خلج حليوه معاهم
لا تلبسين دراريع وين بتلبسين الدراعه بغرفه نومج؟
اغذي قميصين نوم وبجامتين وعبايتين غير العبايه الي عليج
وجنطه مكياج صغيره
وخلي جنطتج كبيره عشان تتسوقين وتترسينها
بخور اخذي شويه
واذا ع اللبس لبسي عادي بس مو ضيج او حفر لاا عادي
اذا تقدرين لبسي دراعه جدامهم بس او بجامه طويله واذا رحتي غرفتج اخذي راحتج باللبس
والله يوفقج وتروحون وتردون بسلاامه ..
لما تكونين قاعده معاهم شي عادي بسيط و عملي حق سفرة بس هم حلو
و تقبل الله اعمالج
وعمره مقبوله ان شاء الله