بدويات الله لا يهينكم تعالوا قولوا رايكم

انا ورفيجتي كنا نتناقش بهالموضوع وقلت لازم اسال بنات المنتدى

اذا جاتكم الام تبي تخطب وهي ما قد شافت البنت بس اذكروها لها عادي

عندكم تنزلون لها وتشوفكم والا ما ترضون

لانه انا اقول عادي تنزل وتشوفها ام المعرس بعد شلون يعني تخطب وحده ما شافتها

وخصوصا اني مريت بهالتجربه ونزلت وسلمت والله وفقني وتزوجت بس رفيجتي واااه منها تقول

لا ما ارضى انزل ليش انا بضاعه عشان تتفرج علي ويمكن اعجبها ويمكن لاواذا

تبي تشوفني تروح لاي عرس اكون فيه او بالدوام تشوفني وانا كرامتي ما

تسمح انهم يشوفوني بعدين يروحون او يعذربوني

وانا رديت عليها وقلت والبنات اللي ما يروحون عروس ولا يشتغلون شيسوون

وقلت لها شوفي الحضريات ما شاء الله عليهم يقابلون الام والولد بعد وعادي عندهم

بس مو راضيه تقتنع فانتوا شرايكم ويا ليت تقولون تجاربكم بعد