بخصوص ترجيع الذهب

سلام عليكم بنات ودي برايكم بسؤال بسيط وانتوا ما تقصرون فديت اهل الكويت

السالفة يا طويلات العمر انا تطلقت طليقي عمره 52 سنة وعمري 28 سنة ما عنده اطفال قال السبب من زوجته الاولى بعد اربعة اشهر رحنا الى اخصائية طلع السبب منه طلبت الطلاق امنية حياتي اكون ام والقاضي ما رضى يطلق

لان مدة الزواج اربعة اشهر وفي حالة اصراري ارجع له الذهب , عقب الطق والاهانات والكلام البذئ بعد يبي الذهب واقفت مقابل حريتي

قال لي تعال لي الشقة وعطاني ايه انا خفت اروح له البيت وهو شراني قلت له تبي الذهب تعال لي بيت امي واخذه والحين انتهت فترة العدة وارسلت رسالة تبي الذهب لو لا ما رد علي

والحل بنات اذا ما ارد هل ارسل له رسالة ثانية لو اطنشه اخاف اروح له البيت يطقني او يصراخ علي
مع العلم تم الدخول علي ابي رايكم

الذهب او المهر والاشياء الي جابها ماترجع الا اذا خلعتيه
اما لو هو الي طلق مو من حقه يطالب بشي أبدااا
ربي فكج منه كبر ابوج وبعد يطق ويغلط !!!
الحمد لله والشكر
لاترسلين له رسالة ولا تكلمينه ولا شي خلاص

لا تر وحيله البيت انتبهي

صدقتي انثى عاشقة كلامج ريحيني عيل خلاص لا بارسله رسالة ولا باكلمه فديتج انثى عاشقة الله يحقق اللي في بالج شكرا جزيلا

هاذي اللي خايفة منه اخاف اروح البيت يطقني او يقول كلام بذئ كل شي اتوقع منه
كل شي والا انتي اسرار قلت لي لا تروحين خلاص فديتج انا الله يحقق اللي في بالج تسلمين

يعني خلاص
تم الطلاق رسمي؟

اذا تم
خلاص
يعني هو مايبي
وشنو تعالي البيت
وين اهلج ابوج واخوانج
عالاقل امج معاج تتفاهم

الله يكفيج شره ويوفقج

شفتي ناتشو يقولي تعال لي البيت ورجعي الذهب مو من حقج تاخذينه انا اخاف يصير فيني شي بسبب هالذهب عشان جذي خذيت رايكم

واذا اتصلوا فيه امي والا ابوي يصك في الخط بوجوهم تسلمين لي ناتشو الله يحقق اللي في بالج شكرا جزيلا

لا ترسلين له رسالة ولاشي اذا يبي الذهب خل اهو يتصل لج
والله يعوضج بلي يستاهلج

لاتتصلين ولاترسلين شي تقولين العده وخلصت خلاص

لو يبي شي اييج لي بيتكم ومو من حقه يطلب اتيين بيته

عشان تردين الذهب واستغربت لما القاضي قال تردينه

انتي تزوجتيه ولا مجرد عقد وفسختيه

لا
تخافين
حلال الذهب عليج
انت طلبتي الطلاق
لانه غشج
والانجاب مو شي بسيط تنساه المره
والله يعوضج بكل خير
ياارب
خليه يولي
خاصة
انه يسكر التلفون
مايبي يرد عليكم
معناها مايبي الذهب
عنده شوية دم

حبيبتي حبيبي مالكني فديتج على الدعوة الحلوة ويحقق اللي في بالج يارب الله يسلمج امس ارسلته رسالة وما رد وخلاص ما راح ارسل له بعد تسلمين حبيبتي شكرا مرة ثانية على الدعوة الحلوة

زواج دام اربعة شهور والعدة خلصت منها بطبعي خوافة اخاف يصير شي من الذهب انا حبيت اخذ رايكم بس ما بتصل ولا بارسله

امس ارسلته رسالة وما رد كلش تسلمين حبيبتي حشمة الله يحقق اللي في بالج شكرا جزيلا

شحادج تاخذين واحد كبر ابوج استغفر الله العظيم حقريه حبيبتي واذا طلب يبي الذهب خل اهو ايي وياخذه جدام بيتكم لا تروحين له ماتدري شنو ممكن يسوي لج

حبيبة قلبي باتشو فديتج على الاهتمام اموت على الكويت واهلها الطيبين الله يحقق لج مرادج قولي امين شكرا جزيلا

صدقتي يا بنت ديرتي انا اخذته خاطري اصير ام قلت يمكن الله يرزقني عيال وصدقت كلامه ان العيب من زوجته طلع هو اللي فيه العيب

تسلمين زنوبة الله يحقق اللي في بالج شكرا جزيلا