|
|
مساء الخير..
حبيت استفسر من شغلة انا حاليا بالنفاس ومن خامس يوم لبست كورسه مال الطاهر اللي يصير مثل سليب لي تحت الصدر ومادري لاحظت من البسه الدم ما ينزل ومن افصخه ينزل عادي..!!
عاد استغربت من السالفة قلت يمكن ليش انه ضاغط من تحت مادري شكيت بالسالفة واتوقع اذا الكورسيه هذا يخلي الدم ما ينزل مشكلة مو زين 
تجاربكم احد حس بهالشي !؟
وشنو نوع الكورسيهات او الحزم الزينة لهذه الفترة ؟
عندي المشد الأندونيسي بس ما حبيته كلش حسيته عبالة ولوية..!
واول كنت البس مثل حزام على البطن من الصيدلية اللي يلزق في بعض والله كان يؤدي الغرض بس الكورسيه اللي الحين البسه مريح وما يضايق بس هالمشكلة مالت نزول الدم… مادري شالسالفة !
هذا اللي اعرفة وانشالله البنات يفيدونج؟؟؟
اي انا ما انام فيه بس البسه طول اليوم..
بنات اشفيكم طاخين ؟ 
~
بس بالنسبه للدم والله ما عندي فكرة
ومبروك ما يالج
خليج لابسته بس عند النوم والاكل فصخيه
وشربي اشياء دافية مثل الدارسين والزعتر
ولا تخربطين
قالتلي موزيين لان اهو يجلط الدم وخليييه يتيمع بالرحم وماينزل عدل
فلبسيه عقب ما تنظفين احسن او بعد عشرين يوم
وانشالله اكون فدتج 
اللي والده طبيعي تلبسه بعد 10 ايام
انا اللي جربته مع اني والده قيصريه من انور كان وايد خفيف كان خام الدلاقات المتينه … و لبسته عقب 20 يوم و كان ممتاز
خلج على العاادي ولا الاندوونيسي
انا الحين استخدم الاندونيسي وشكله واايد زين
والرداده امدحتلي اياااه
وانشاالله ناطره النتيجه
وفعلا بولادتي الاخيره ماربطت خفت مع ان امي اشسوي فيني احمقت وقالت تكرشين ومادري شنو بس والله ماطعتها
ههههههههههههههههههههه
بس استشرت دكتوره استشاريه قالت مايودي الكرش ولازم الرياضه عشان تقوي العضلات