|
|
السلام عليكم
بنات انا قبلوني كليه الالآداب وابي احول لكليه التربيه
ابي اعرف جم الوحدات اللي لازم اجتازها وجم المعدل المطلوب للتحويل
نوروني الله يخليكم احس اني ضاااايعه
اللي يقولي لازم 22 واللي 30 اللي 45 وحده
وصدقوني انها بتكسب اجر فيني ههههههههههههههه
لاني تعبانه ومتضاااايقه من هالسالفه
اهلين حبوبه
حبيبتي انا اقول اذا تبين الكلام الأكيد ..
روحي باجر حق التوجيه و الارشاد
و ترا سالفة التحويل حييل سهله ..
انا قبل كنت بالاداب و حولت 
بالتوفيق
بس وين مكتب التوجيه والارشااد
وربي يوفقكم ويوفقنا
مال كلية التربية
لو ماااااااااااااا ينقـذني إلاّ اهما
ما اروح لهم
كسـل X كسـل
مـلاقة X ملاقة
غباء X غبـاء
مادري على شنو مخليـنهم!!
المفروض ينشاتون وحدة ورا الثانية
شنو باطين جبـــدي كلهـم
ومحد قاطني على صخـر إلا اهما
مالت عليهم بـس :@
=============
اورانج
يالبرتقالية
سمعيـني
هالسايت فيه كل شي
عاليمين بالليست مكتوب (( التحويل بين الكليات ))
الشروط العامة للتحويل
اجتياز الطالب عددا من الوحدات الدراسية لا يقل عن 15 وحدة دراسية ولا يزيد عن 45 وحدة دراسية وتحدد الكلية المعنية عدد الوحدات المطلوبة للتحويل.
ألا يكون الطالب قد أمضى أكثر من ثلاثة فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية ، أو أربعة فصول دراسية للكليات الأخرى.
ألا يقل المعدل العام الطالب عند التقدم للتحويل عن (C) ، نقطتين ، وللكلية تحديد المعدل العام المطلوب للتحويل إليها.
أن يجتاز الطالب بعض المقررات من مستوى 100 و200 المطلوبة في صحائف التخرج للكلية المراد التحويل إليها على ألا تقل معدلاته في كل منها عن (c) ، وتحدد الكلية المعنية المقررات المطلوب اجتيازها .
شروط كليـة التربية
اجتياز الطالب عددا من الوحدات الدراسية لا يقل عن 30 وحدة دراسية ولا يزيد عن 45 وحدة دراسية.
اجتياز المقابلة الشخصية التي تعقدها الكلية.
يكون القبول في التخصصات حسب احتياجات وزارة التربية.
يشترط للتحويل إلى تخصص اللغة الإنجليزية اجتياز اختبار القدرات بنسبة 70 %.
يكون التحويل إلى أي من مجموعتي التخصص في كلية التربية ( تخصصات علمية ، تخصصات أدبية ) ، أما تحديد التخصصات الدقيقة يكون بمعرفة الكلية وطبقا للمعدلات الدنيا التي تحددها الكلية.
الله يسر لكم كل اموركم
قولوا آمين
لازم تكونين مجتازة فوووق الـ 30 وحدة
وتحت الـ 45 وحـدة
و لازم معدلج العام ما يقـل عن نقطتيــن
و لازم تكونين ماخذة مواد من التربية
مادتين مثـلا أو 3
وويشترط انج تكونين مجتازة بتقــدير C وفووووق
وهذا سايت كلية التربية
https://coe.kuniv.edu/
اذا بتحوسيـن فيـه
صايـر بممـر الطالبـات
مممممممممم
شفتي ممر الطالبات
وانت ياية من مصافط التربية ؟
تمشين بالممر اللي السقف ماله مادري شلون صاير
على ايدج اليسار
في ممـــر وجدامج يصير باب
قبـل مبنى ممر الطالبات
هالممر اللي عاليسار وجدامه باب
دشـي من هالباب d:
لوووووووووووووووووول
تلاقين جدامج هم ممر
وعلى ايدج اليسار مكتب التوجيه والارشاد
يبيّـن واضـح
ان شاء الله تكونين فهمـتي عليّ
بس اذا بتروحين
ان شااااااااااااااااااء الله تطيحين على وحدة فاهمة وتقولج كل شي صـح
فهمت عليج واذا ضيعت اهناك اسال
الله يجعله بميزان حسانتج ويرحج مثل مثل ماريحتيني وينور لج مثل مانورتي لي
ويوفق الكل
والله يسمع منج اصير ابله حلم الطفووووله