|
|
مساء خير بنات
بدخل بالموضوع على طول
انا أجهضت 2فبراير بشهر الثاني ما سويت تنظيفات
نفست 20 يوم اول أسبوعين كان ينزل دم تكرمون بعدين وقف أسبوع ثالث المهم طهرت 21 بعدين
جاني دوره 7 مارس كل شي تمام شهر 4 هذا جنتي دوره تكرمون 3 ابريل طهرت 10
بعدها أيام صار ينزل على دم بس شويه نفس إفرازات تكرمون و استمرت علي قالولي خواتي هذه استحاضه <<<ما صارت راجعت عند دكتورة كتبت لي حبوب نسيت اسمه الرفع الدوره خمس ايام ما وقف الدم سويت تحليل هرمونات كل شي تمام الحمدالله كتبت لي حبوب دوفاستون لمده 15 يوم و أبره منشطه للبويضة تحسبني ابي احمل و انا همي أوقف الدم
اخر مراجعه راجعت دكتور بالهادي. سوا لي سونار قال كل شي طبيعي و في وبويضة سليمه يمكن من الأبره
قال لا تاخذين علاج و لا شي هذا طبيعي و خليه دم ينزل هذا مو دوره طيب هذه حاله و بعدين أخاف دم يستمر لما يحوشني نقص دم دم مو واجد ينزل نفس الإفرازات و يقول ان شاء الله على شهر جاي يصير حمل ان شاء الله انا الحين احس بألم جنه الم دوره و تقلصات تعور مدري شسوي توهجت بعمري. حمدالله على كل حال
اي وحده مرت بتجربتي تقول لي شسوي عشان دم يوقف تعبت صار لي أسبوعين و للحين في دم شالحل
ان شاء الله في بنات يردون يبردون قلبي
كانت تجيني قبل الدورة بـ5 أيام وأترك الصلاة عساس دورة بس ماكانت تشرف الا بعد 5 أيام
وماكنت أنظف بسرعة .. صج صج تبهذلت الحمدلله على كل حال
وحتى طول الدورة تغير كان شهر وصار 26 يوم .. المهم طلعت العلة من خمول الغدة الدرقية
والحمدلله من خذيت العلاج تعدل كل شي وحملت بعده بشهرين .. انتي سوي تحليل الغدة
لأن صار لج اجهاض وروحي للدكتور عبدالناصر العثمان ممتااااز ومتخصص
بالغدد .
انا اجهضت وسوت تنضيفات و بعدها الدوره تتخربط علي وحيانن نزيف نفس حالتج بالضبط وخذت حبوب رفع ولعبت بعمري
بس ما اخذت ابر والسوالف هذي
وصار فيني خراب بالرحم ما خليت الدوره توقف من نفسه لعبت بعمري وحملت ع الخراب و حالتي حاله والله
تاريخ ٢٧ جاءتني دوره متقدمه ٦ ايام عرفت انها دوره من عوار دم بنزل متوسط
الله يستر بس الحين دورتي متخربطه مدري شسوي تعبت دكاترة كلامهم نفس شي
اول شي بعد الاجهاض لازم يحوش الوحده خربطه هرمونات من جي تتخربط عليج الدوره
ثاني شي عسى ربي يفرح قلبج واشوفج حامل قريب ياااااارب
أمين يا رب الله كريم
أنا ادري ان خربطه هرمونات بس طولت وايد أنا الي اعرفه خربطه تستمر ٣ شهور
انا الحين صار لي رابع شهر الله يستر بروح مستشفى عقب باجر و الله يستر ان شاء الله خير
في مره شاطره في جابر العلي اسمها ام فيصل تعالج هالسوالف وتعلمج اذا علاجج عند طبيب ولا اعشاب
جربي منتي خسران شي
شهر 12
يعني 3 شهور انزف
رحت خاص ورحت حكومه طلعوا فيني ستين الف عيب يا لخبطه هرمونات ومره قالوا فيج لحميه وو وو ووو الخ
وانا مافيني شي بس لخبطه هرمونات اتوقع
والله بعوضني ويعوضج خير يارب
والحين انا حامل وميت البيبي وماراح انزله بروحي بتوكل علي الله بسوي تنظيفات احسن من ماينزل بروحه واتلعوز مع الدم يظل اسابيع