بتنتهي العطله وبعدتج عن كليتج ;* ~ شنو اكثر شي فقدتيه من كليتج ؟

السسسلام عليكم ,

شلوونكم جميعاآآآ ,, ~

بدت العطله < و ما صدقنآ على الله .. و الحين على نهااايه العطله ,, وبتبدي الدراسه و بنرجع لـ كلياتنا أو جامعاتنا ,, في أشيأء نشتآق لها من قلب , ~ و في أشيأء مالنا خلقها ,,

شنو الشي اللي فقدتيه ؟
والشي اللي ما تحبينه بالكليه/ الجامعه ؟
والشي اللي تحسينه لو مو بالكليه /الجامعه جآن أحسن ؟

إللي خذت صيفي ما اعتقد إنها تشتآق لها أصلا

آنآ عن نفسسسي ..~

الشي اللي فقدته , جو الكليه ,, يعني أول يوم لااازم قهوه من الصبح و أطلع جدولي و ألحق على الكليه لووول , ~ وزحمه الكليه والبنات ,, و جذي ~ ~

والشي اللي ما احبه بالكليه ,, ~ أول يوم أدخل عند الدكتوره تقعد تعرفنا على نفسها و هالسوالف مااا أحبببهااا أحس مالها داعي جنه فالإبتدائي لووول ,, ~

والشي إللي أحسه ماله دااعي .. ~ أمم ماكو شي معين ,, بس لبس البنات و نظراتهم لوول .. ما يحتاي كل هذا ! لبسهم حريه لكن نظراتهم ما ادري شأفسرها :$

أنا عن نفسي مستجده وأظن الي بالقسم بالهمنتدى درى أني مستجده ههههههههههههه المهم
حلو موضوعج بس شتقصدين بنظراتهم وضحي ؟ من ناححيه شنو البنت الواثقه من نفسها وتكون صارمه ومو خفيفه محد يقعد يعطيها نظرات وجذي وبس

^ يعني إنتي كاشخه ما يعجبهم و يخزونج خز لووول و لأا مو كاشخه نفس الشي ,, ما تدرين شتسووين لووول ,, ~

يا الله إن شآء الله تشآركينا لمن تدأأومين p;

ولهت على يمعه رفيجاتي وقهوه الصبح وكل شي بالكليه والي ما ولهت عليه بعض البنات بالكليه المصلحجيه الي من يبدي الدوام صرتي العزيزه الغاليه

انا مستجده وان شاء الله الكورس الجاي اقول شعوري وشنو اللي حبيته ولي ما حبيته

الكل متفق على قهوة الصبح هههههههههههههه
و للمستجدين لا تقولين ما احب القهوة بتتعودين تبين شي يعدل مزاجج قبل ازعاج الدكتور

طبعا رفيجاتي صج معاي قروب الواتس و كل يوم سوالف لي الصبح بس فصلة الصبح مو طبيعية

و الشي اللي ما احبه بما ان احنا بداية كوورس اول
ارحموووووووونا بالقوائم عطونا فجة خل نروح محاضراتنا ما يمدي تطلعين من الباب الا وحده ناطرتج

مع احترامي للمستجدات بس صج هم يعكرون جوج و صج المستجدات نفسهم لما يصيرون مستمرات بحسون فينا

للمستجداااااااااات
يعني بالنسبه للجامعة
ماخرينا بالتسجيل
ماخذين نص موادي للمستجدين
تحسين بعضهم والله مو مصدقة خلصت من سوالف لمخالفات بالمدرسة يايه تعرض مواهبها بالمكياج
و يعني انا الجامعية اللي ما اكلم احد
و بالمحاضرة صج صج تنبيه انتي مو بالثانوية اذا الدخل الدكتور عيب تتكلمين مع اللي يمج سكتي سوالف الابله تسكتج كل ساعه ماكو و هذا دكتور له مكانه تبين رفيجتج بسالفه اما تطلعين برا تكلمينها او تنطرين اخر المحاضرة

سالفه انج تتكلمين بالمحاضرة جنج بالثانويه و تبين الدكتور يسكتج عيب

^^^^^
هههههههه اي والله ذكرتيني بالمستجدات البعض ينرفز لا تحترم الدكتور وتدش متاخر وفوق هذا تلفونها يرن بنص محاضره

^ لووووووول .. كليتنا يا حليلهم كل يوم يتفقون بمكان ويوزعوون هالقهوه والحلوو ,, ~

بس عن نفسسي قهوتي الموكا البآرده خخخخ ,,

نورتوا ,, و ناطرين المستجـــــــــدااات :$

gala q8
انتي اي الكليه ؟؟؟؟

هههههههه انا اخذت صيفي
بس اشتقت للكلية والمحاضرات
اكثر شي اشتقت له طبعا هوت شوكليت لازم عندي اكثر فايده من القهوه اللي تشربونها
اكيد اول مانداوم بتكون في ازعاج المستجدين وضايعين بس احنا كنا بيوم من الايام نفسها وصرنا مستمرين وتعودنا ع الوضع
القوائم اهم مايقصرون ولا شي واهم بخدمة الطالب سواء مستجد او مستمر
اممم اتفق معاج بخصوص اول محاضره لما تعرف على نفسها الاستاذه

بالتوفيق للمستجدين ولنا المستمرين

ههههههههههههههههههههههههههه

إهم شيء ازعاج المستجدين ما عليه تحملونا بسنه من السنبين كنتوا مثلنا

بالنسبة لعرض المكياج صاجه مع أني مستجده لكن اتفق معاج في نقطة عرض المكياج وأن أنا الجامعيه صراحه هالنوعيه فاهمه الجامعه غللللللللللللللط الجامعه مكان عملللي ومكان بتمشين فيه واجد ويتشتغلين فيه. واجدا وبتقابيلن أشكال وألوان ومو حلوه تعطين الدكاتره و زميلاتج وألي بالجامعه من أول يوم فكره عنج حللللللللو الشي ببساطته حطي كريم واقي ولبسي عبايه عمليه مو مالت عرس ومخخببه عليج أو لبس عمللللللي تررى خلصت موضة عررررررض المكياج وججدي وع فكره بتلقون الي حاطين مكياج واحمر وأصفر وأزرق من أول يوم أعرفوا أغلبهم مستجده يا خخخخخخخخخخخخي ترى خلاص الحين منو يحط مكياج وخبه ماكككككككككو تررى وبس

تصدقين مع ان خذيت صيفي وثلاث مواد ولاب و مواد كرااف بس ما مر اسبوعين الا مشتاقة لها
شوفي تعودت على وايد شغلات
انا مشكلتي ملووووووووووووووولة وماشاء الله الكويت مافيها الا جم مكان 😛 تفرينها بيومين
وهم لأن ماسافرت ولا رحت شاليه فيومي يتكرر وانا هذا اكثر شي ينرفزني اذا يومي يتكرر

يعني وقت الجامعة ماعندي وقت فراغ

وهم اشتقت للشي الاهم الرجيم
لأن انا نظامي مااحب اخذ بريك نهائيا لازم محاضراتي ورا بعض فبالجامعة مااراح للكافتيريا الا عشان الماي وبسرعة الحق عالمحاضرة وعلى ماارد البيت اتغدا و اجابل شغلي واروح الممشى وارد انام
اللحين اللهم يا كافي XD

و هم اشتقت للمواقف يعني كل يوم يا موقف ينرفز ونقعد انا ورفيجتي شهر نسولف فيه ونتحلطم
يا موقف يفشل وكل يوم رفيجتي تضغطني عليه
يعني كل يوم موقف
اما بالعطلة تكفى شنو في مواقف

صج انكرفت كرااااااااااف بس لما تخلصين من الكراف تشتاقيله

وامبيه عبالي بس انا نظام القهوة عاد صج صج قبل لا انا ولا رفيجاتي نظامنا قهوة
بس دشينا الجامعة صرنا ادمان

حلوو الموضووع

اللي فقدته يمعة الرفيجات والطلعات معاهم والمواقف العبيطه اللي تصير لنا
الشي للي ماحبه البنات اللي كاشخين وشايفن روحهم ورافعين خشومهم ترى عادي تبتسمين وتكونين بشوشه وويهج مفرود
انا وحده شااقه الحلج للكل ماحب جذي كلش
الشي اللي ودي يكون مو موجود انه الدكتور ياخذ الحضور والغياب حلاته كيفنا متى بنداوم نداوم كيفنا احنا نتصرف وندبرها وقت الامتحان واحنا ناكلها بالدرجات كيفنا كيفنا P;

اماا بالنسبه للي يقولون مكياج والكشخه
فاحب اقولكم عادي الوحده تكشخ وتتجمل شوية كحل ماسكرا حمراا صبغ اظافر عدسات خزامه اساور هههههه عادي ترى
الله جميل يحب الجمال
مو لازم ايي الكلية جني رايحه عزاا
الواحد اذا كشخ وارتاح وحس انه حلوو تنفتح نفسه لليوم

جد جد اشتقت للكليه واركض للمحاضره لاني داايمااا اتاخر وايي حده حده
بس حسافه من الشاميه بقطونا العارضيه اخر الدنيا
الواحد بالفراغ مادري وين يروح كل شي بعيد

والمستجدين عسسل
حلاتهم واهم يسالون ضايعين وما يدلون
p: