بتتزوحين للمره الثانيه . شنو تلبسين ؟

السلام عليكم و رحمه الله و بركاته

حبيت يا بنات اعرف رايكم بهالسالفه …

يعني مثلن لو كنتي مطلقه ولا ارمله <<<<<<<<<<< عسى ربي لا يذوقهم لاحد يارب

و يتتزوجين مره ثانيه بدون عرس بس بتسويين عشا عائلي مثلن او جمعه .. شنو تلبسين …

ابيض ؟؟؟؟؟؟؟؟ ولا نفنوف حفله عادي ….

احب اشوف تفاعلكم و ارائكم يا كويتيات لا تبخلوا علينا

الله لا يقوله ان شاء الله لا لي ولا لاحد بس على حسب نوع الريال والمره اذا صغار ولا كبار ولا يبونه سكاتي ولا علني

ماشاء الله كل هالمشاهدات و رد واحد … يمكن المتزوجات يتشائمون من هالمواضيع … حطيلهم سالفه فيها دلع حريم ولا خيانه رجل تلاقينهم عن ويهج

يعطيج العافيه اختي بتبوتا بغض النظر عن الظرف اسال كل وحده شنو تحس

اهلين بام البطل والله اذا انا صغيره الله لا يقوله البس ابيض واكشخ نفس العروس مافيها شي ترى من حقه الريال يشوفها نفس العرايس هذا عرس مو شي ثاني

اعرف كم وحده قريبين مني ارامل ومطلقات لبسو ابيض ومكياج عند المشغل وتكلفو بس العرس مره ما فيه احد امهاتهم وخواتهم بس يعني عمات خالات لا وعيالهم اكيد واهم فوق الخمسه وثلاثين بس اذا العروس صغيره خل تتشبب وتتونس وتكشخ
نسيت اقول شي ان الفستان ابيض بس مره هادي وناعم ما تحسين فيه زحمه ولا فيه طرحه ولا هسوالف بس فستان وتسريحه ناعمه

الله لا ايب هذاك اليوم لا حقي و لا حق بنات المنتدى و الي يعز عليهم

بس اذا كنت صغيره بلبس ابيض و استانس من حقه ريلي يشوفني كاشخه و لابسه
اذا كنت كبيره و عندي عيال ما اعتقد افكر بالعرص اساسااا

اذا تزوجت الثاني إنشاءالله بلبس نفنوف ابيض وطرحه وأكشخ لأني صغيره

انا منفصله من الملجه
بزواجي الاول ماسويت عرس لان كانت بس ملجه 48 يوم و انفصلت
و عمي توفى فحتى ملجه مثل الاوادم ما سويت <<< زواج قبس من اوله لوووول
فانشالله اذا الله كتب لي و تزوجت مره ثانيه ما راح اخلي شي بخاطري من ملجه و عرس و استقبال و كل شي

لبس حفله عادي
وحفله محفوفه

انه عندى تلبسين لون وردى فاتح واوف وايد او اى لون ثانى بس ما تلبسين ابيض

على حسب العمر .. ورغبتي انا شخصيا..

وما شوف فيها شي لو كانت صغيره ودخلت صاله واستانست.. لو رجال سوى كل هذا ورقص بعرسه بعد..

يعني الدعوه فري

بلبس خيشه

كله يعتمد على وضع البنت والريال شلون.!

اذا مطلقة او ارملة ( مع دخول وعيال ) فشلة لو تسوي عرس وتلبس ابيض ــ يفضل لبس سهرة ناعم
اما لو كانت صغيره وماعندها عيال وزوجها كذلك .. خل تستانس بالابيض من غير عرس
اما لو منفصلة مثل الاخت اللي قبلي ملجة 48 ساعه هذا مايسمونه شي يباااا اكيد يبيله دق ورقص من امه هذاك مايعتبر زواج

بس مرت علي حالة عجيبة غريبة
البنت مطلقة وعندها ولد .. والولد مطلق وعنده ولد
في زواجهم السابق مسوين عرس ،، ولمن تزوجوا مره ثانية سوولهم دق ورقص مره ثانية.! وبعد فترة تطلقوا
اما لو سوت عرس ثالث جد جد شي غريب!

والله على راحتها تلبس ابيض اوغيره كل واحد الي يحبه شعله الواحد بالناس اذا الشي موحرام كلام النا س ماسويله سالفه

أنا لبست وردي فاااااااااتح مايل للأبيض لونه يحير كان بس ناعم ومعاه طرحة ودشيت عروس وعرس كامل الحمدلله ربي يرزقكم يارب ويعوضكم خير