|
|
السلام عليكم ورحمه الله وبركاته
انا عضوه يديده وابي نصيحتكم وخبرتكم
اختي الكبيره تبي تملج واهي اول وحده ان شاءلله تملج واحنا صغار ولا مره زهبنا حق عروسه 
اهي راح تقعد مع خطيبها ومو عارفه شنو اتقوله شنو تسأل ؟ واهو حده هادي
واذا ملجوا ان شاءلله وين اتروح تشتري بدلتها ؟ واي صالون اتسوي شعرها ؟ ومكياجها ولا اتسويه بالبيت ؟ وشنو اتسوي بشعرها ؟ >> شعرها طويل
ومن وين تطلب عشا حق حفله الملجه؟
واشكثر تتطلب مهر يعني يكفي للتجهيز الوالد والوالده يقولون لها كيفج والذهب عليهم احسن ولا عليها ؟
وشنو يسون بالملجه بالضبط ؟
بنات عفيه لاتضحكون علي بس والله اول مره ومانعرف شيء والوالده مريضه وموعارفين شنسوي
ومشكووورين
|
المشاركة الأصلية كتبت بواسطة لـولـو الحلوه
 شنو اتقوله شنو تسأل ؟ واهو حده هادي خل تسأله عن شغله عن أهدافه عن السكن عن طموحه عن شهادته
واذا ملجوا ان شاءلله وين اتروح تشتري بدلتها ؟ واي صالون اتسوي شعرها ؟ ومكياجها ولا اتسويه بالبيت ؟ وشنو اتسوي بشعرها ؟ >> شعرها طويل عن البدل والله في اماكن وايد والمجمعات يا كثرها بالكويت
انا افضل تسوي شعرها ومكياجها بحفله الملجه بصالون وخل يكون ليلى هارموني او منيره الفرج اما بوقت الخطبه والشوفه لا تحط مكياجها بالبيت أحين لانه انعم واهدا ومو اوفر ومن وين تطلب عشا حق حفله الملجه؟ الموفمبيك اكله حلو
 واشكثر تتطلب مهر يعني يكفي للتجهيز الوالد والوالده يقولون لها كيفج ولا ما عندي خبره بهالسوالف
وشنو يسون بالملجه بالضبط ؟ ما فهمت قصدج في هالسوالف قصدج بحفله الملجه ولا بفتره الملجه ؟؟
|
قصدي يوم الملجه لاملجوا مويدش المعرس عند الحريم وبعدين تطلع معاه ؟
شتسوي بشعرها ؟ بف ؟ ولا عادي اي شيء لانها متحجبه وراح تطلع معاه بعدين ومكياجها اهني اتسويه بالبيت عادي ؟ والصالون ؟
ومشكووره ياقلبي والله ماقصرتي
ومكياجها راح يكون واحد ماله داعي مرتين تتمكيج خل اللي تسوي لها الخبيره مكياج ناعم عشان ينفع حق طلعه . عرفتي اشلون ماله داعي تتلعوز مرتين
عرفتي اشلون
والفال لج ان شاء الله
اهي راح تقعد مع خطيبها ومو عارفه شنو اتقوله شنو تسأل ؟
عادي حبيبتي لا ترتبك وخل تقعد قبلها وترتب افكارها شنو المعلومات اللي تبي تعرفها وين يشتغل شنو طبيعه دوامه وين بيسكنون مثلا تقوله انا ابي اكمل دراستي او ابي اشتغل على حسب اهيا شنو في بالها خل تساله عن حياته يروح دوانيات يعني جنها تاخذ فكرة مبدأيه عنه واهيا نفس الشي تقوله عن حياتها بس لا تكثر وايد بالسوالف لا خل تسال بس بالاشياء الضرورية والمهمه اللي لازم تعرفها
واذا ملجوا ان شاءلله وين اتروح تشتري بدلتها ؟
عندج المهلب عنده محلات حق بدلات عرايس
وخل تشتريلها بدله كشخه حق طلعتها معاه مثلا من مجمع زهرة وشغله ثانيه خل تشتري بدله حق اول روحه حق اهله يعني اليوم اللي وراه اكيد الكل راح يكون ناطر شوفة العروس فخل تركز على هالبدلتين عشان ماتتوهق بعدين
واي صالون اتسوي شعرها ؟ ومكياجها ولا اتسويه بالبيت ؟ وشنو اتسوي بشعرها ؟ >> شعرها طويل
منيرة الفرج وايد وايد حلو مكياجها اعرف وحدة حطت عندها حق الملجه بس ما قالت لها انها عروس قالتها حطيلي عادي وطلع حلو وناعم لان كانت ملجه فما تبي خبه وايد
وحده من رفيجاتي حطت بعرسها بصالون الشيراتون ووايد كان حلو
هم وحده حطت عند صالون الهام الفضاله اللي بحولي وهم حلو حتى شعرها كان حلو
والتسريحه عادي خل تسوي تسريحه وبعدين تفتحها لي اصعدت تبدل وتلبس حجابها عادي
ومن وين تطلب عشا حق حفله الملجه؟
عندج وايد مطاعم منها رويال موفنبك هذا اللي مجربته
وهذا موضوع بالمنتدى عنه
https://q8yat.net/showthread.php?t=145567
واشكثر تتطلب مهر يعني يكفي للتجهيز الوالد والوالده يقولون لها كيفج والذهب عليهم احسن ولا عليها ؟
ماعندي خبرة بهسوالف لان احنا عندنا ما نطلب الريال اهو اللي اييب ولي يطلع منه بدون لا نشترط
بس نصيحه لا تبالغ بالمهر وانا اللي قاعده اشوفه الناس قاعده تعطي 4 او 5 او 6 الاف وصدقيني ال4 الاف راح تكفي اهم شي الانسان يكون قنوع وخل تشوف اللي من عمرها من اهلكم جم ياخذون بس اهم الشي القناعه
وشنو يسون بالملجه بالضبط ؟
يوم الملجه عادي اذا اصعدت دارها تفتح تسريحتها وتبدل ملابسها البدله اللي قلتلج عنها
والف الف مبروك
الله يشافي الوالده ويخليها لكم
اسفه ادري طولتها بس ودي اشرحلج كل شي اعرفه وافيدج
واي سؤال انا حاضر من عيوني
وهذا موضوع ان شاء الله راح يفيدج
https://www.q8yat.net/showthread.php?t=161569
ادعيلي الله يرزقني بالزوج الصالح والذرية الصالحه
والله يوفقكم
مشكوره حبيبتي عالرد
اما المهر يعتمد على سلكم هل بنات عمج يحددون المهر؟؟ اذا يحددوا جم يطلبون هذا يعتمد على طريقتكم احنا سلكنا ما نحدد و نخلي اهل الولد اهم احددون المهر و اذا كان تشمل الشبكه او انتوا راح تشترونه…
المكياج خل اتحرص انه ايكون طبيعي لا اتقول انه عروس و يختلف اذا كان حفله او طلعه عموما خل اكون خفيف عند رهام الشطي مكياجه وايد حلو و منيره الفرج و صالون بتي بوب حتى شعرهم حلو اسعارهم وايد زينه..
و عشى عند رويال موفنبك شغله حلو و اسعاره معقوله و في وايد مطاعم يعتمد على ميزانتكم ..
الله اوفقه انشالله و اتمم على خير
ولي يعافيكم اللي اتعرف اراقام الصالونات او اماكنهم اتقولي
واقصد يوم الملجه يوم كتب الكتاب عقد القران : ) بس عشا مو حفله كبيره
والله يسخر لكم رياييلكم ويرزقني ويرزق كل بنت زوج الحلال
ومشكورين
البنات هني واايد يمدحون مكياج ساس ويقولون ان خفيف ونعووم ويطلعج وااااااااو خل تجربه اختج واذا شافته خلو تدعيلنا =))
والله يهنيها يا رب
مشكووره حبيبتي وان شاءلله اذا صار نصيب انمر ساس وانشوفه
وربي يوفقج ويسخر لج ريلج
الله يووفقكم ويتمم عليكم ياااااااااااااااااااااااااااارب وعلي