بالكويت في زواج مسيار .اسمعواالسالفة

وحدة من رفيجاتي تجنن وحلوه وملتزمة وزوجها ملتزم بعد وحياتهم كانت جدا هادئة ومافيها مشاكل وفجئة رفيجتي انقدت على زوجها ان مايجيها ولا هو داري فيها تخشخ اتزين هي والطوفة واحد وهو الخبلة قاعد يفلص على نفسة وبعدها رفيجتي تسألني تقولي يمكن مريض وانا اقولها صح وصارلها على الوضع شهرين لين الله فضح زوجها زوجي مايعرفة بس يعرفة من بعيد ويعرف اسمة بس ومايدري ان رفيجتي مرتة (شوفو يوم الله بقى يفضحة

)قالي فلانة تدرين فلان لفلاني ماخذ مسيار جان اقولة احلف شدراك قال رفيجي الخاص يعرفة هو اللي قايلة قلت والله لقول لمرتة قال شكو شعرفج فيها قلت هي رفيجتي فلانة عصب زوجي وقال الا تهدين حياتهم قلت مالك شغل من ثاني يوم قلتلها ماتت من البجي الحبيبتي ويوم واجهت النذل قهرني قال هي تبيني بس حق فراش وماتبي اي شي ثاني وهي كبيرة بالسن وعادي مسيار قالت شنو ناقصني قال كاملة بس هذا عرض ماينتطوف وانتي عزيزة وغالية طبعا تدرون شسوت توقعوا؟؟؟؟؟؟؟؟؟؟؟؟؟؟؟؟؟

امبييييه قويه
شنو تبيني حق فراش
وعرض ما ينتطوف
الله يكشف عنها ولايبتلينا

استغفر الله

شالكلام <<<<<نظام استعباط ؟؟؟؟

الله يساعدها على مصبيتها والله

شو سوت؟؟؟

شنو سوت؟؟

لاحـــول ولاقـــوة إلا باللـــــــهـ

صــج شــي يحــر القــلب

شسوت يعني ؟؟

رضت الخبلةوقالت نارك ولا جنت اهلي

قعدت من لنوم وطلع حلم
هههههههههههههههههههه
اتغشمر معاج بس مااحب احد يعلقني كمليي مرة وحده حبيبتي

اشسوت؟؟
حبوبه بس انتي غلطانه انج قلتي المفروض ماتقولين لها لان هالشي بيسبب بينهم مشاكل

لاوالله قالت هالحجي
بصراحة عبالي سالفة فيها عبر وممكن نتعلم منها
بس شكلج تستعبطين صح ………………..

امبيه اي شي

اختي تصرفج غلط

انتي جذي خربتي حياتهم

يمكن الرجال يتوب ويرجع لزوجته

والزوجه ماراح تفكر بالسبب دام رجع لها

اما الحين حتى لو رجع لها هي بترفضه وبيطيح منن عينها

مادري شلون طاوعج قلبج تخبرينها

لو اختي ماقلت لها

الله يهديج بس

اي شنو يعني
رضت تقعد عند ريلها عادي
ولا تبينها تتطلق وتضيع والثانيه تستانس انها خربت بيتها

عادي ماقالت شي ورضت وقالت نارك ولا جنت اهلي