بالامانه شرايكم بالدكتور الصبيح

سلام عليكم يريت تفيدوني عن الدكتور الصبيح حق عمليات تجميل الخشم تعديل الحاجز الانفي واذا عندكم دكتور ثاني شاطر يريت ماتبخلون علي
والله يسهل اموركم يارب

وينكم ياخبيرات

معقوله ولاوحده تفيدني بدكتور تجميل الانف. .يريت ماتبخلون علي ضرورييي

رايي فيه ان من افضل الدكاترة

اخت ريسان مجربته بتجميل الخشم

اي بس انا ثاني عملية سويت عنده و تحسفت اني ما سويت من الاول و شايفة 3 بنات مسوين عنده ايننون وحدة احلى من الثانية اهو الحلو فيه يقولج بالضبط كلشي بسويه و شغله وايد طبيعي و يسويلج الي يلوق على ويهج انتي روحيله استشارة و شوفي بس اهم شي تستخيرين و الله يوفقج

والله رفيجت اختي امسويه عنده والله انها للحين متندمه انها سوت عنده خشمها لاف على صوب وفتحه اكبر من الثانيه وواضح مو اتدققين وزوجهااا يقول مافيه عمليه ثانيه واهي حالتها حاله ويمكن بنات ضبط معاهم وبنات لااااااا بس حبيت اذكر لج التجربه عشان ما اتقولين ما صارحناج وانتي استخيري وانشاءلله امورج سهالات وانشاءلله اتكون ناجحه

مشكوره اخت نرجس عالنصيحه
اي دكتور تجميل ترشحيلي اياه

وينكم ياخبيرات التجميل
ابي دكتور شاطر ومجرب ضروري
علشان تفيدوني وستفيدون من تجارب البنات

رفع

الصبيح افضل من غيره

بس وايد ناس ذموه ..فقلت يمكن اشوف دكتور ثاني بس ماني عارفه منو

مارون جلاسيه انا ما شفت غير ثنتين بالمنتدى الي ذمو و بعدين صدقيني ماكو دكتور على وجه الكرة الارضية كل الناس تمدحه لازم شوي يذمون بس و الله شغله عجييييب بس هالايام البنات هابين في دكتور علي صفر بس انا مو شايفة شغله و بعدين اهو يديد توه ياي الكويت انتي استشيري كذا دكتور و بعدين استخيري و بعدين شوفي عند منو تسوين

عبدالمحسن جعفر تبارك الله شفت شغله عجيييب

الله يوفقج

انا لان بعد سالت رفيجتي وتقول خرب خشمه والي ماعجبني فيه تعامله تقول وعدها ان يضبط خشمه لان تقول المشكله ان عندها عوجاج الحاجز الانفي وهو ماجاسه بالعمليه وخرب شغلات بخشمها والسالفه من سنتين وليلحين كاشت فيها وتقول تعامله وسلوبه مو نفس اول ماسوت العمليه
فعلشان كذي خفت بصراحه
فودي بدكتور ثاني