|
|
بنات منو جربت تخلي عيالها يروحون المدرسه بالباص خصوصا اذا كانوا روضه ؟؟ يا ليت كل وحده تقول تجربتها عشان نستفيد ؟؟
على حسب مواصفات الباص يعني منو معاهم اطفال وايد
خدامه شاطره تقدر تسيطر عالاطفال داخل الباص
سايق الباص حبوب او لعين
حبيبتي بسومة… آنا ولدي يروح بباص..اهو الحين أولى روضة…الباص امان و معاهم ناني و اهم شي ان ما يكون معاه وايد ناس و يكون عندج رقم السايق.. بصراحة آنا أول شي كان يكسر خاطري بس ريلي يقول لي خلية يعتمد على نفسة … تخيلي أول السنة كنت اودية وكان كل يوم يبجي و يدلع بس خليتة يروح بالباص صار واحد ثاني و يصعد الباص و يروح المدرسة عادي بدون بجي .. حتى المدرسات لاحظوة.. وقالولي ان ولدج اذا شافج يدلع خلية بالباص احسن… وليما الحين بسم اللة علية يروح و يرجع بالباص اللة يحفظة و يحفظ عيالكم.
مشكورين خواتي مسك و زيزيه على الردود الحلوه
موضوعج حلووو اختي ومشكوره على نقله لنا
انا مثلج انا عندي بنتين بالروضه واخاف يركبون الباص الله لايقوله تطيح من العتبه مالت باب الباص
حادث لا سمح الله
بس انا الروضه قريبه يم بيتي الخدامه توديهم مشي وتيبهم
بس انا احاتي السنه الجايه وحده منهم بتنتقل لمرحله جديده الابتدائيه
وابوها دوامه صعب يروح سبع ونص ومايجي الا الساعه 3العصر
وانا ماودي تركب الباص الا اذا اعتمدت على نفسها يعني من رابعه ابتدائي والمتوسطه
مشكورين على الردود الحلوه خواتي
للرفع
رفع
انا سجلت ولدى بمدرسة حولي الباكستانيه وانشالله راح يروح ويرد بالباص ومعاهم مدرسه وعندي رقم سايق الباص وانشالله خير يعتمد على نفسه ويتعود على النظام .
ما اقول الا حسبي الله ونعم الوكيل على سواق الباصات
ياريت ام غازى تقولين تجربتج
عادي انا ولدي كل سنة اسجلة بالباص واهو الحين بالصف الخامس
مشكورين بنات على الردود بس يا ليت كل وحده تقول تجربة عيالها مع باصات المدرسه , انا عيالي مع السنه اليديده راح اسجلهم بالباص في مدرسة حولي الباكستانيه الانجليزيه .
انا اتكلم انا الباصا ت الحكوميه ,,, وانه لازم يكون في راقبه لما الطلبه بركبون الباصات لان اختي الله يرحمها برابعه دعمها الباص قبل عشرين يوم داس عليها كانت تبي تركب وما فتحلها الاخ الظاهر كان يعاندها حسبي الله عليه وطاحت وداس عليها ودشت العنايه وتوفت اتمنى هالحادث مايتكرر وانه يشددون عالباصات