باركولي تمت الموافقة :)

هاي بنات شلونكم وشلون عيالكم ( القطاوة ) لوول
واخيرا و بعد عناء طويييييييييييل و مناقشات حوالي السنتين ابوي رضا اني اشتري قطوة
انا دورت وايد بالنت و قررت اشتري قطوة شيرازية دول فيس يكون لونها عسلي فاتح او كريمي

واليوم انشالله بروح السوق اشتريلها الاغراض و في وحده بمزاد تبيع اغراض حق القطاوه يشوقون انشالله بطلب منها

تكفون الي عندها قطوة وتبي تبيعها او قطوتها يابت بيبيات وتبي تبيعهم ياليت تقولي وتكون بنفس المواصفات الي انا ابيها
العمر مو اكثر من شهرين او شهرين و نص و تكون نظيفه و تعرف تدش الحمام بروحها ( متعلمه على التراب ) و مطعمه ويكون لونها كريمي او عسلي فاتح دول فيس مو شرط ذكر او نثية

وانا باجر انشالله بروح سوق الحمام ادورلي قطوه بس انا افضل اني اخذها من بنت هني بالمنتدى علأقل اكون متأكده اانها نظيقه مو مقطوطه بمحلات سوق الحمام هناك احس وصاخه و كله امراض

ادري طولت عليكم انشالله ماتكون شروطي تعجيزية و ادعولي انه الله يوفقني و القى القطوة الي اببالي ( معرس مو قطووة لووول)

مبرووك حبيبتي امبلا في وحده بتبيع قطوتها أمس اعرضت صورتها ما شاء الله وتبي تبيعها ب80 وأنا الود ودي أشتريها بس للأسف ما أقدر أشتريها بالوقت الحالي

حبيبتي دشيت رابطها توني وما شاء الله قطوتها انباعت ويا حبيبتي لا اتروحين سوق الحمام تشترين دشي موقع مزاد وعندهم قطاوه والله سوق الحمام قطاوتهم مو كلهم تضمنينهم يعني يا اتشوفين شعرها يحت ولا فيها فطريات ولا مريضه

حبيبتي دشي الخاص

وإن شاء الله نشوفج عروس وكلنا حنا بنات المنتدى العوانس إن شاء الله آمين يا رب العالمين

ثانكس بنات
منو تعرف محلات تبيع قطاوة ؟
المحلات الي عرفها الي بحولي بارك و الاثنين الي بالشعب واحد يم حديقة الشعب و الثاني دواعيس شويه
الي تعرف محلات غيرهم ياليت تقولي

الله يوفقج ان شاء الله
بس اخذيها شهرين ونص احسنلج تكون متعلمه وخالصه
في قروبات بالفيس بوك تحصلين عندهم شكثر يبيعون وهم تقدرين تحطين طلبج
وهم سوق الحمام ترا سوق الحمام مو كلهم مراضى
قبل فتره انا رايحه لقيت نثيه وعيالها يهبلووووووووووووووون وانا وقتها كنت ادور نثيه بغيت اخذ الام من حلاتها
وتعالي شوفي العالم على عيالها
كانت والده بالمحل ولما صار عمر عيالها شهرين حطهم بقفص بروحهم
فا شي قدام عينج اخذيها وروحي البيطري وافحصيها اذا فيها شي تردينها بس تتفقين تقوليله فيها شي اردها وفلوسي كامله

موفقه حياتي

آنا توني بعت قطوتي وباجر اللي شرتها تستلمها ان شالله ^^

اقولكم ترا حتى الشباب الي في منتدى مزاد مو كلهم صادقين
مرة كانت عندي قطوة وابي ابيعها قالي واحد منهم على الخاص اكتب عنها مواصفات موفيها عشان تنباع
وانا بصراحة ماحبيت اغش احد

ديرو بالكم لما تروحون تشترون اخذي احد يعرف ولا تواعدو عند المستشفى البيطري وفحصيها هناك

ثانكس حبيباتي والله اليوم رحت ايس وجهزت حق قطوتي كلشي بس باقي اني اشتريها انشالله باجر الساعه ٩ بروح سوق الحمام اول ما اخذها بحطلكم صورها وبنزل موضوع كامل عنها

سي يوووو توموووروو

ثانكس حبيباتي والله اليوم رحت ايس وجهزت حق قطوتي كلشي بس باقي اني اشتريها انشالله باجر الساعه 9 بروح سوق الحمام اول ما اخذها بحطلكم صورها وبنزل موضوع كامل عنها

سي يوووو توموووروو

الله يوفقج بالاختيار تهبلون تونسون والله

(ايس) شنو هذا ممكن تقولولي شنو هذا؟؟

وليييين مادري شفيه المنتدى كل ما كتب رد يعلق

حبيبتي ايس هاردوير Ace Hardwareهذا محل كبير في كل مستلزمات البيت و الحديقة و السياره و البر و التخييم وايد حلوو يذكرني بمحلات امريكا لازم تروحيله

اوكي بس وين صاير