|
|
باركولي
اليوم الصبح استلمت شهادتي الجامعية وااااي حدي مستانسه
يارب ارزق كل وحدة متشفقة على التخرج بهذي اللحظة
بنات عفيه ابي مساعدة صغيرونه واعتقد هالموضوع انكتب لوحده من العضوات
لكن مالقيت الي ابيه
بنات انا خريجة اداب وتخصصي عربي بليز بنات شنو الوظايف الي اقدر اشتغلها غير التدريس؟
محتارة وايد وانا اساسا ابي التدريس بس بشوف شنو الوظايف الثانية وجم معاشها يمكن اغير رايي
عفية بنات الي توسع صدري وتساعدني لها مني دعوة انها تتخرج مثلي واساعدها وقت التخرج بالمعلومات
شتبون بعد >> هههههه
دخلت على موقع الديوان المدني وكانوا حاطين جدول شكبره فيه مجالات الوظيفة لكن مافهمته كلش لأنه كبير ويمه رموز والكلمات متداخلة
ياريت تساعدوني عسى الله يفتحها بويهكم يارب.gif "Eh S(21)")
بس بصراحه احسن شي التدريس وظيفتج مضمونه مو نفسنا قاعدين ننطر 
الله يوفقج
ومجالات الوظايف اللي تقبل تخصصج حسب جدول ديوان الخدمة المدنيه هي :-
1- وزارة الصحة
2- وزارة التجارة والصناعة
3- وزارة الاوقاف والشؤون الاسلامية
4- المجلس الوطني للثقافة والفنون والاداب
5- وزارة الداخلية
6- بلدية الكويت
7- وزارة التربية
بس لو تروحين لديوان الخدمة المدنية وتقولينلهم,,,,, انا توني خريجة وابي اسامي الجهات اللي يكون التقديم عندهم ( اني اقدم اوراق التوظيف عندهم مثل جامعه الكويت – بيت الزكاة – الهيئة العامة للصناعه – ديوان المحاسبة – ديوان الخدمة المدنية – الديوان الاميري – التامينات الاجتماعية – وكالة الانباء الكويتية كونا …… تراهم فوق العشرين مكان وكلهم كوادرهم قويه )
وموفقه حيااااااتي
ويسهل اموركم حبيباتي ماقصرتوا
فراولة: يا بعد جبدي بكل موضوع بهالساحة اشوفلج ردج يارب يفتحها بويهج وين مارحتي ويحقق مرادج ان شالله تسلمين حياتي
—-
مع الاسف كلنا كنا ننتظر يوم التخرج و يوم نتخرج نستانس حييييييييييييل
بس بعدها بشهر
يضيق خلقناااااااااااا حييييييييييييييييييييييييييييييييييييييييييييييييي ييييييييييييييل
الصدمه الكهربائيه شنييييعه
مع الاسف في دراسه انكتب قبل اسبوع او اقل عن البطاله بالكويت
ماراح اطول بقصتها كلش
بس كان من المفروض في سنة 2024 تنعدم العماله الوافده بالوزاراة و الادارات الحكوميه و تقتصر فقط على الوظائف الي ما يتقبلها المواطن الكويتي … مثل عامل نظافه او غيرها
و خلال السنوات الي قبلها اقدروا يقللون اعداد البطاله
و صارت في سنة 2024 بحدود 3000 الف شخص تقريبا
في سنة 2024 – 2024
البطاله صارت 23 الف شخص
يا سلااااااااااام و هي في ازدياد مستمر
مابي اضيق خلقج
بس شدي عزيمتج
بس ترى التدريس احسنلج لان راح يقل معاشج وايد
درسي مرحله سهله عشان لاتتعبين
ابتدائي احسن شي
لان اذا بتروحين وزاره بيقل معاشج واااايد
الا اذا عندج واسطه
تروحين الماليه او ديوان المحاسبه
او ديوان الخدمه
لان كادرهم قوي ويمكن معاشج يتعادل او يقل شوي عن التدريس
ام اذا وزاره عاديه بيفرق عليج المعاش وايد
شوفي بالواسطه كل شييصير تنفتح لج الابواب
انا برايي خليج على التدريس مو عاشن المعاش لا عشان الراحه عالاقل مو كل عمرج تشتغلين عندج عطل واااايد وباجر انشالله لتزوجتي تداومين مع عيالج وتعطلين معاهم انا بالنسبه لي الراحه اهم من المعاش اهم شي اني في عطلتين نص السنه واخر السنه ولا اقعد بالعطله اداوم وووع وانتي كيفج
واي دمعت من ردودكم احسكم تتمنولي الخير وانتوا ماتعرفوني
الله يرزقكم ويوفقكم دنيا واخرة يارب
وخلاص انا قررت وعزمت على التدريس ان شالله من بعد ما شفت ردودكم لاني كنت مترددة بالاول بس الحين
معزمة والله يسهل ان شالله يارب ادعولي …