|
|
قال تعالى ( وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون )
بإختصار بقول لكم سبب حفظي لسورة البقرة
أنا متزوجة وحملت بعد زواجي بستة أشهر وسقطت
وبعدها ب11شهر حملت مرة أخرى بعد علاج وبعد رحت للداية وكان حملي تمام وبمجرد دخولي الشهر السابع بإسبوعين انفصلت المشيمة فجأه وجاني نزيف شديد بدون ألم ذهبت للمستشفى حالة طارئة على طول دخلوني وولدوني قيصري وجبت بنتي والحمدلله طيبة عمرها الآن ثلاث سنوات ونصف
بعدها بسنتين وخمسة أشهر حملت ( ملاحظه : أنا مااحمل إلا إذا ذهبت للداية تمسح بطني بزيت زيتون تقول إن معاي ميلان في الرحم )
كنت متفائلة كثيرا في هذا الحمل كان إحساسي ولد
والشي اللي كنت متفائلة فيه أن انجب طبيعي
وكنت اقول بنفسي متى ليان ترى أخوها وكنت سعيدة بذلك متى يأتي ذلك الوقت
والشيء الذي كنت اخشاه أن يحدث لي ماحدث في حملي السابق وفي الأخير اولد بقيصرية
وكنت حاسبة الفرق بالعمر بين ليان والجنين المنتظر ثلاث سنوات
في الشهر الخامس ذهبت للدكتورة بعرف نوع الجنين قالت ماهو باين مقفل رجوله مثل الشهر اللي قبل وصبرت وكنت متحمسه اعرف نوع الجنين رحت في الشهر السادس
قالت بنت
قلت الحمدلله بنفسي بس كنت اتمناه ولد وقلت بنفسي يمكن الدكتورة غلطانه
رحت للسوق اشتريت ملابس ولادي وبناتي يعني ألوان مشتركة قلت يمكن الدكتورة غلطت خلوني اعمل احتياطي واشتري ملابس ولادي
رحت للدكتورة في الشهر السابع قلت لها يادكتورة ايش نوع الجنين قالت
بنـــــــــــــــــــــــــــــــــــــــــــــــت
بس والله العظيم إني وقتها قلت الحمدلله أخت لبنتي تكون قريبة لعمرها
ملاحظة أنا الحمدلله أصلي ومحافظة على الصلاة
بس مااحصن نفسي ولا اذكر إني دعيت إن ربي يقومني بالسلامة ولا دعيت للجنين
حتى القرآن ماامسكه غير في الشهر مره وحده اقرآ سورة الكهف في الجمعه وماهو كل جمعة
وفي شهر رمضان الماضي جتني في بيتي زوجة أخي وكنت وقتها في منتصف الشهر السابع نظرت في بطني وشهقت قالت يتحرك تضايقت منها وخفت من شرها
واستمر حملي وكنت فرحاااانه وكنت اعتبره إنجاز إني خلصت السابع ودخلت الثامن
في أول يوم من الشهر الثامن ذهبت للفراش كي أنام ولم أشعر بحركة الجنين أبدا وخفت لأني من الشهر السادس كل ماأنام اشعر بحركة الجنين نمت ولما صحيت من النوم نفس الشي لم اشعر بالحركة نهائي طوال اليوم
كلمت أخواتي قالوا حطي ثلج على بطنك وحطيت بس ماتحرك
ماقدرت اصبر رحت للدكتورة اطالع في الجهاز احس ماشوف الجنين يتحرك
اطالع في وجه الدكتورة احس ملامحها تغيرت احس إنها ماهي قادرة تتكلم
قالت لي عندك أطفال قلت نعم وكان عندي إحساس من سؤالها إن الجنين ميت كأنها بتصبرني
قالت الله يعوض عليك مافيه نبض
قلت لها دكتورة إتأكدي إحلفي إن الجنين ميت
قلت لها كيف اولد الحين قالت أكيد طلق صناعي أعطتني تحويل للمستشفى لما رحت للدكاترة قالوا إحنا ماراح نولدك بطلق صناعي لأنك جبت قبل كذا بقيصري قالوا إحنا راح نعطيك مهلة لمدة شهر إذا مجاك طلق طبيعي راح نضطر نولدك بقيصري على فكره الدكاترة مايبغوا يولدوني بقيصري على كلامهم يقولوا حرام نولدك قيصري علشان جنين ميت وبعدين بعد كذا ماراح تجيبي غير قيصري وإحنا بنترك لك فرصة لعل وعسى تولدي طبيعي تخيلوا قبل لما عرفت إني حامل وفرحتي وتجهيزي لملابس النونو آخرتها يصير فيني هذا كله كنت اروح المستشفى كل ثلاث أيام مره وحده اسوي تحليل دم يقولو الدكاترة عشان مايصير فيك سيولة في الدم كل هذا يابنات وأنا صايمه تبدل الحال بعد ماكنت فرحانه بالحمل وكنت كل مره اطالع بنفسي في المرايا أقول متى تكبر بطني زيادة وأخلص التاسع واولد صار العكس بطني تصغر لأن الجنين إذامات سبحان الله يلين وعلى هذا الأساس بطني تصغرولا ابغى اطالع في المرايا كنت حزينة والله العظيم بعد اللي صار لي احس بدآ علي الكبر من الهم والتعب وكنت محتاره اسمع كلام الدكاترة واصبر على نفسي ولا اسمع كلام الناس واولد بقيصري مقابل اتخلص من الجنين اللي ممكن يسبب لي تسمم أو سيولة تخيلوا صايمة واشرب على الفطور أعشاب على الريق و وصفات من بعض الحريم اللي أعرفهم وكنت أمشي إلين تكسرت رجوولي مافيه طلق ولا علامه من علامات الولادة وقتها كنت في إجازة رسميه مافيه مدارس ولما بدأ الدوام الرسمي داومت أول يوم وكنت ناويه أوقع واطلع سألوني زميلاتي هاه إن شاء الله متى تولدين والثانية تقول كيف النونو ماهم عارفين شيء طبعا وضايقني سؤالهم وقتها كنت مكملة أربع وعشرين يوم وكنت اشوف زميلاتي اللي كانوا حوامل معي بنفس الشهر ماشاءالله دخلو التاسع بنفس اليوم رحت المستشفى طلبت العملية قالوا تصبري بعد إسبوع قلت لأ لأ ابغاكم تولدوني خلاااص المهم رقدوني وسووا القيصري طبعا الأخوات اللي جربوا الولاده بالقيصري ماتتخيلوا الإحباط اللي كنت فيه قبل العمليه خصوصا على جنين ميت الحمدلله على كل حال
سويت العمليه ارتحت من العذاب لو كنت ادري إن نهايتي عملية ماكان صبرت وتعذبت
اليوم الثاني من العمليه قالوا الدكاترة انت عذبتينا في عمليتك صار معاك نزيف شديد وصلت لمرحلة سيولة الدو ومعاك إلتصاقات شديدة أنا صرخت قلت ايش سيوله قال لأ انت بغيت توصلي لمرحلة السيولة بس الحمدلله إحنا عالجنا الموضوع وعمل لي تحليل والحمدلله ماطلع فيني أما موضوع الإلتصاقات الله يعيني وأخواتي حكم الله ولازم اصبر كنت اطالع في الحريم اللي معاي بنفس الغرفة أشوف أطفالهم واحزن على نفسي قلت لزوجي صور بنتي قال إنها حلوه أحلى من أختها قلت أنا مابغى أشوفها إلين اطيب شوي يعني بعد الأربعين بعد إسبوع من ولادتي قال زوجي بمسح صورة البنت يقولوا حراام تشوفيها قلت خلاص إمسحها والحمدلله إني ماشفتها عشام ماتعلق فيها لو كانت حيه مداها عمرها خمس شهور وكل ماشوف الأطفال اللي انولدوا بنفس الشهر اللي ولدت فيه احزن اقول يالله مداها كبره
يالله يابنات ماتتخيلوا العذاب اللي كنت اشوفه وقت الفاس صدري ينزل منه حليب وماعندي طفل حتى بنتي الأولى مارضعت مني لأنها كانت في الحضانه شهرين وبعدها جف الحليب
يارب يارب يارب اشوف لحظة رضاعتي لولدي ياكريـــــــم
كنت لما اقوم في نصف الليل من النوم اتلفت يميني ويساري اتخيل لو النونو معاي ويصحيني في بكاءه كنت اتمنى هاذي اللحظة واستغر ب من البنات اللي يقولوا إنهم متذمرات من عيالهم الرضع وبنفس الوقت اغبطهم
تصدقوا بالله إن تجيني أوقات بالليل كنت الف شرشف واسريه مثل النونو وارضعه لاتقولوا إني مجنونة غصب عني حالة نفسية وعدت وانتهت الله لايعيدها
آسفه لأني طولت عليكم سبحان الله إبن آدم طماااع كنت بولد طبيعي وكنت اتمنى ولد
ولدت قيصري وجبت بنت
يارب إجعلها شفيعة لي سميتها ( رحمه )
ماكل مايتمناه المرء يدركه تجري الرياح بما لاتشتهي السفن
المهم لما تبين إن مافيه سبب طبي لوفاة الجنين صحيح الدكاترة نصحوني بتناول بيبي سبيرين إذا المرة الجايه حملت
أما بالنسبة لي أخذت إجازة إستثنائية لمدة شهرين عارفين لييييييش ؟
لأني اتوقع والعلم عند الله إنها عين زوجة أخوي الله يسامحها لما شهقت وفتحت عينها على بطني وقالت يتحرك
وأنا قلت لكم من قبل أنا أصلي بس مشكلتي ماأحصن نفسي وجنيني
فقلت دوائي سورة البقرة حفظتها والله والله حفظها سهل لاتستسلمي لوساوس الشيطان في البداية ممكن يجيك يأس أو صعوبة
أنا كنت كذا بس الحمدلله قدرت احفظها .gif "Eh S(15)")
وعسى ربي يحفظ بنوتتج ويرزقج اخوان لها ومبرووك حفظج لسورة البقره الله يتمم عليج ويرزقج من حيث لاتحتسبين قولي آمين
لا حول ولاقوة الا بالله الله يعوووضج والله يجعلها شفيعه لج ولابوها والله يخليلج ليوونه ياررب
ويحفظها ويزرقها اخو يكون سند لها آآآآآمين يارب
اكيد فيج هذا اللي سمونه قرينه او مس شيطااني انتي المفروض طول حملج ررررقيه شررررعيه لازززززم
واذكار الصباح والمساء والتحصين بالدعاااء
| لأني اتوقع والعلم عند الله إنها عين زوجة أخوي الله يسامحها لما شهقت وفتحت عينها على بطني وقالت يتحرك |
يمكن صح تكون من عينها بس لاتسئين الظن فيها وسامحيها
واطلبي منها تتوضاء واغتسلي من وضوءها او خذي من اثرهاااا اشربي وراء القهوه اللي شربت منها
او المااي او امسحي بفوطه مكان الفنجال اللي مسكته ومسكت الباب والعتبه حقت الباب
والله يرزقج وماتدرين وين الخير وهذا اختبار لايمااانج
وماشاء الله والله يثبتج ومبروك حفظ السوره البقره
ويكتب اجرك
ويجعلها شفيعه لك ..!!
:
سبحان الله العظيم
ويعوضج بالاولاد
انا مات الجنيين في بطني ثلاث مرات بدون سبب في الشهر السادس وكلهم صبيان
وانا مثلج عيون الناس اعوذبالله
الله يعوضنا خير
لاتخافين ربي يعوضج ان شالله
مبروووووك والله يجعلها من الذرية الصالحة
ويعوضج بالاولاد