بابا متزوج على ماما ,, ورساله في جواله تثبت كلامي ,, ساعدوني

السلام عليكم ورحمة الله وبركاته
,,

مابغا اطول بالهرج والمقدمات بقولكم السالفه وانتم احكمو ,,
دايما اشك ان بابا متزوج على ماما ,, قبلها او بعدها

بس متأكده ان فيه حرمه ثانية بحياته ولعلمي وثقي في بابا ,, انا متأكده انه مو حق "girl friend "

طيب ,, بدأ رحلتي لأإكتشاف الموضوع ,,
بس قبل ايش الي خلاني اشك .؟:blink:

+

لما نروح المدينه ,, دايما بابا يقول انه عند صاحبه عبدالرحمن ,, يروح يقعد عنده ل 3 او 4 ساعات ,
ولما اسأله طيب ليش تروح له كل ذا الوقت ؟ يقول ماعنده غيري اذا ماخرجته مايخرج << يقول عمي ان الخير الي بابا فيه من ربنا ثم ,, من صاحبه هذا << تراه اكبر من بابا بحدود 20 سنه تقريبا :unsure:

المهم ,, ان كل مانزلنا المدينه يتركنا في الشقه ,, ويخرج الصباح والظهر والمغرب والعشاء ,, مانشوفه الا وقت الغدا ,, او وقت النوم ,, ويمر علينا العصرية يشوف اذا محتاجين شي

انا شكيت في صاحبه هذا ,, الي كل ما اتصلنا عليه نسمع هدوووووووء >|<

+ الي خلاني اشك كمان ,, بابا مايخلي احد يلمس جواله ابداااااااااااا ,, ولا يسمح لنا نرد على مكالماته ,,

واذا عرف ان احد لمس جواله يقوم الدنيا على روسنا ,, >< قلت بس اكيد في شيه مخبيه علينا ,,
وغير كذا ,, بابا صحيح عمره ماقصر علينا ,, وماعمره قال لنا ماعندي اذا طلبنا شي من برا ,,
بس عمرنا ماعرفنا راتبه فين يروح >< وطبعا ماما ماتعرف راتب بابا وبطريقتي عرفت كم ,, قلت ماشاء الله المبلغ هذا كله وين يروح ><

+ المهم ,, مرة كنت قاعده على قوقل ,, ادور اسمي اشوف اذا نزل مع اسااء المقبولات في الكلية الجامعية ,, واشوف فيه وحده اسمها جواهر ,, وبعده اسم بابا واسم جدي ولقبنا ,, قلت يؤ ,, البنت خريجه ثانوي ومقبوله في كلية التربيه ,, معقولة تكون بنته ؟ وطلع اسم مشعل وبرضو اسم بابا ووراه اسم جدي ولقبنا ,, ومن الخريجين من جامعه الملك عزوز في جده,, قلت يؤ معقولة يكون ماخذ ماما الثانية ؟؟

بس هوا كان قبل يتزوج ماما ,, يدرس في لندن ,, معقولة تزوج هناك ؟؟

الخرابيط بدأت تلعب في راسي ,, واتصلت على بابا وبالمزح قلت له مبرووك تخرج جواهر ومشعل ,, من الثانوي ومن الجامعه

قال ايش؟
قلت خخخخخخخخخخخخخخخخ لا بس امزح معك ,, شفت اسماء يشيلون نفس اسمك ,, وبس قفلت من عنده ,, وطبعا كعاده بابا ماتعرفي ايش رده فعله هع
الله يخليه لنا ,,

+ المهم انا نسيت المواضيع هذه كلها كانت في بدايه الإجازة ,,

ومرة ماما كانت ماسكه جوال بابا نسجل صوته وهو يأذن في المسجد الي جنب بيتنا ,, وشافت رساله مكتوب فيها " بابا انا ول دك "
والرقم غريب

قلت بسسسسسسسسسس شكوكي في محلها ,,

وبدأت تطلع مواضيع قديمه ,, قلت في قلبي ,, اكيييد هوا قرر يسوي أرضنا عمارة وفله ,, عشان يسكن عياله في الشقق واحنا في الفله بس حاامض على بوووزهم اترك لهم شي ,, اجل احنا الي نوفر ونوقف مع بابا ,, وهم بارده مبرده يسكنون ,, ودامه بيعطيهم شقق اكيد امهم مو معهم ,, والله لا اطلع عيونهم << تدور الشر
وبعدين قلت ,, بس معقولة مايكلم عياله ؟؟ واحنا هنا في ينبع ؟؟ ماعمري شفته يتكلم بصوت واطي ,, ولا مقفل على نفسه الغرفه ؟؟
قلت اجل يكلمهم كانهم واحد من اصحابه عشان مانشك ,, بس على مييين ,, وانا حفيده حمداانووه ,,<< الله يرحمه

وبس ,, قلت خليني ابدأ بحساب البنك ,, بشوف يحول الفلوس دايما لمين ,, ودخلت على حسابه في الراجحي ,, بحكم اني عندي الرقم السري وكل شي عشان انا كنت ماسكه له الأسهم واسوي الي يبغاه ,,

ودخلت ,, وشوفت تحويلات كثيييييييرة >< قلت يقطع شرهم الحين لاهطين بابتي لهط ,, انا اوريهم كيف ,, هع
بس بالأخير وبعد البحث المطول ,, واستخباراتي واتصالاتي ,, طلع ان كل الفلوس هذه ,, يرسلها لجمعيه خيريه ,, لأانه كافل ايتام في فلسطين ,, انا جلست ابكي ,, معقولة بابا يسوي كذا ,, وهذا الي يفسر وجود صورتين لأطفال في شنطته << لانه ملامحهم واضح انها شاميه ,, مع ان صورنا احنا مايحطها عنده
.,..

قلت بس هذا مايبرر الرساله ,, واخذت تصميم أرضنا والعمارة والفله ,, وقلت لبابا الحين هذه الشقق من جدك بتعطيها لأخواني << اقصد ااخواني الأشقه
قال ايوة لما يكبرو ويتزوجو بعطيهم هيا ,, قبلها راح أأجرها
قلت بس ياشيخ انت اكيد متزوج وبتسكنها معانا ,, سكت ,, ومافيه اي ردة فعل >< عصبت ,, وقمت

المهم ,,

قلي عقلي ,, طيب ايش يفسر زيارات ابوكي لصاحبه عبدالرحمن ؟؟ الكثيرة ؟
اتصلت في عمي وقلت له حكيني عن بابا وصاحبه عبدالرحمن ,, وجلس يتكلم انه بابا لما كان صغير ماحد رباه الا صاحبه هذا وكانت علاقه بابا في جدي متوترة مرة ,, وبابا سوا عملية عيونه في مصر وراح معه صاحبه ,, هوا الي ساعده في الدراسه في لندن ,, وهو بعد الي ساعده في زواجه من ماما ,,
وقفلت ,, وقلت ياربيه قد ايش صغرت في نظري انا اشك في بابا >< >< وانقهرت من نفسي

قلت طيب ,, انا ماعندي غير الرقم ,, ولازم اطلع مين صاحبه , اتصلت وماحد رد ,, قلت طيب الحين اكلم مين ؟؟ لازم اجيب كل المعلومات عنهم ,,

قلت بسسسسسسس بكلم صحبتي تكلم ابوها يجيب لي الإسم ,, وقبل ماتصل فيها قلت خليني اتصل اخر مرة ع الرقم ,, وردت عليا حرمه ,,, انا وقف قلبي ,, قلت بس هذا الي ناقصني ,, قلت السلام عليكم قالت وعليكم السلام << يؤ >< هذا الصوت مو غريب عني ,,
قلت هذا جوال مين ,, قالت انتي مين ؟ قلت انا حربيه ,, قالت هلا يابنتي ,, كيفك وكيف امك << طلع انها امي الكبيرة هع ,,
قلت لها امي هذا رقم مين ؟ قالت هذا رقمي خالك جابه ليا ,, قلت اهاا ,,
وعلى طول ,, جا في بالي انه اخويا الصغير مرسل لبابا الرساله ,,

((( افتحي مفكرة واحفظي فيها هذا الكلام وارسليه على جوالك واقرأية دايما وفكري فيه كثير)))

المستفاد من هذه القصه ,, لا تشكين في زوجك ابداااااا الا اذا عندك دليل قووووووووووي .. والرسايل والمكالمات مو دليل ,, الأوراق مو دليل,, ريحه عطر نسائي مو دليل ,,

واتقوو الله في رجالكم ,, ياحريم ,, والله والله ان كل مصيبه في الدنيا تهوون عند غيرها ,, ولا تتشكين كثير من زوجك ,, ترى انتي بعد مو كامله ,,
,, ليش دائما نشوف عيوب العالم ونحاول نغيرها ,, وهذا مستحيل ,, ومانشوف عيوبنا ولا نحاول نعدل فيها شي ؟

ليش ماتعاملين الرجال الي ساكن معك في نفس البيت وتاكلون من نفس الصحن ,, على انه ضيف في الدنيا وانتي بعد ضيفه ,, ليش ماتعاملينه على انه مودع للدنيا,, تخيلي لحظة معي ,, لو زوجك توفى ,, ((الله يعطي رجالكم طولة العمر)) ,, ايش الأشياء الي بتندمين على انك سويتها والأشياء الي ماسويتيها ؟؟

بتندمين انك على طول عمرك نكوديه وتطفشيه في عمره وودك لو يرجع عشان تسعدينه لو يوم واحد بس ؟
تتمنين يرجع عشان تقولين له أسفه حبيبي ,, ومشكور يالغالي ,, واحبك يابو عيالي ,,؟؟
تتمنين يرجع عشان تعوضية عن كل يوم اسأتي له ؟؟
بنتظرين لين يفارق الحياة وبتندمين ؟؟ ليش ماتسوين كل هذا الحين ؟؟
يا حلوااات ياغاااليات ,, اذا ماتعرفين قيمه زوجك ,, اسألي ارمله عن حالها بعد زوجها ؟؟
قولي لها احكي لي عن حياتك من بعده ؟؟

[CENTER]ياحريم والله انكم في نعمه الله يعلم فيها,,

يكفي ان الرسول صلى الله عليه وسلم حث المرأة انها ترضي زوجها ,, وان سبب دخولها الجنه اذا زوجها مات وهو راضي عنها ,,
الجنه يابنات ,, عشان ترضين الله ثم ترضين زوجك ,,
الجنه ,, تعرفون ايش يعني الجنه ؟؟

زوجك يخونك ؟؟ زوجك بخيل ؟ زوجك مريض ؟ زوجك يقصر في حقوقك ؟

كوني احسن منه ,, واصبري عليه ,, انتي بتاخذين اجر على صبرك هذاااا ,,

,,

وبالأخير ,, ادعي لكم من قلبي بحياة سعيده يملأها الحب وطاعه الله ,,

>>دعواتكم ليا بالتوفيق في كليتي الجامعيه << اول سنه <<

رومنسيه ,, هههههههههههههه شكلك ماقريتي الموضوع للنهايه ما اخذتي العبره زي مايقولو خخخ

الشهد كله ,, تسلمي على ردك يا عسل ,, والله يعطيكم صبر ايوب

الله يوفقج ياسوسو ومشكوره على الموضوع الحلو

جميعاا يا عسسسل

مشكوره بس شلي حادني اصبر على زوج يخون وباجر تحوشني امراض منه ايدز وزهري ولا زوج مقصر بحقوقي
لا يبا كرامتي الزم كلش ولا الخيانه بعيد الشر لو صار فضيحته بجلاجل لان لو العكس لا سمح الله هل راح يسكت ؟لا طبعا
انا لو اطيح بهالموقف لا سمح الله اراقبه واسوي كبسه عليه عن طريق المخفر خله ينسجن يتادب
لان لو بسكت بقعد افكر واحاتي وابجي وضغط وسكر لا يبا افضحه واخليه بيزه ماتسوى
فيه اشياء صعب الوحده تسكت عنها اذا كان يخون او يشرب او يمد ايده او مايعطيها حقوقها الشرعيه هالاشياء ما ينسكت عنها
مشكووووووووره وايد يا حلوه
عندي اني اكون ارمله ولا اعيش مع زوج خاين ويمد ايده ويحسر فيني وماوراه الا الامراض والبلاوي
بعيد الشر عسى الله يسخر لي زوجي وكل بنات المنتدى المتزوجات اسال الله ان يسخر لهم ازواجهم

حلوة القصة يعطيج العافية بس بهاالزمن كل شئ يصير والوقت يخرع لازم الوحدة تحترس وماتصير طوفة هبيطة لخيانات الزوج…

العفـو يـآ قمر ,,

الله يعاافيك ,, وكلامك صح ميه الميه
تحترس + شوية احسان بالظن 😛 يعني ماتشك على طول ,, كذا الكلام الكويس

مشكوره سوسو حبيبتي عالموضوع

موضوع راااااااااااااااااااائع

العفـو يا عسسل

مشكورة حبيبتي على الموضوع

الروعـه ووجودك يآ قمر ,,

العفــووو