بأي عمر تبدون تفرشون اسنان عيالكم؟

بنات الله يعافيكم بغيت اعرف متى تبدون تفرشون اسنان عيالكم…يعني بأي عمر؟ وشنو نوع المعجون اللي تستعملونه؟

انا بصراحة ابدى متأخر شوي

بحدود السنتين تقريبا

و استعمل معجون الأطفال ماركة كولجيت

بس شلون مايسوسون الاسنان اذا بديتي متاخر؟

اذا حسيت انه بدى يفهم يعنى سنتين تقريبا

انا اسمع من اول مايبدا الياهل يسنن المفروض تهتمين بظروسه يعني بعد كل اكل او رضعه تشربينه ماي وتمسحين ظروسه بقطعه خام انا لقيت بالجمعيه علبه فيها 3 فرش اسنان وحده من 6 ل 8 اشهر ووحده من 8 ل 12 ووحده من سنه وفوق طبعا هذيلا من غير معجون واللي تحت السنه صايرين جنهم مطاط
بس ولدي الحين عمره 8 اشهر ومايرضا يبطل حلجه على شان انظفهم طلعلي قرون لول
لمن يصير موعدي عند الدكتورة بسألها

ويقولج في امهات مايهتمون بالاسنان اللبنيه لانه بيطيحون ويطلعون غيرهم
هالشي غلط لانه صحة الاسنان وقوتهم تبدا بالاسنان اللبنيه

والله انا اعاني من هالمشكلة مع بنتي عمرها سنتين وليلحين مو عارفة اسوي معاها طريقة تحببها بالفرشة لوعت جبدي حتى المسكينة مرات تطلع من حلجها نفس مو حلو من الأكل المتراكم فية واللي يعافيكم اللي تعرف طريقة تساعدني كلة تقولي وييع مااحبة

من السنه ع الماشي تدريب وبس بعد السنه ونص او سنتين يصير اجباري

ولد حماتي عمره سنه وشهرين بدت اتفرش اسنانه بداااايه

من عمر السنتين واستخدمهم معجون الاطفال ماركة ديزني موجود بكل الجمعيات وريحتة يهبل من حلااااتة بنتي لما تفرش تقول ماما جنة علج اكل شوية
لووووووووووووووول

من اول ما طلعت سنونها تقريبا سنه ونص واستخدم معجون سواك فراوله ولا برتقال

حياتي انا بنتي سنة ونص بس اخاف تبلعه

و الله انا ابني عمره 10 شهور وزارتني الدكتورة بالبيت و قالتلي انه لازم الحين انظفله اسنانه من هادي السن و سالتني ادا كان اخدتله موعد مع دكتور اسنان و استغربت و قلتلها من الحين صارت تضحك و تقولي ايه من الحين