اي استفسار لطلبة الحقوق – جامعة الكويت

السلاااااااااااااااااام عليكم حبيباتي بنات كليتي الغاليه على قلبي سابقا ليش الحين تخرجت من سنه تقريبا

شلونكم ؟

عسى الله يوفقكم آميــــــــــــــــــــــن يارب

حبيباتي بنسوي اهني صفحه استسفارات حق طالبات الحقوق بكل فرقهم الدراسيه

أي وحده تبي تستفسر عن شي او دكتور ماعليها إلا تسأل وإن شاءالله بنجاوب على كل استفساراتها

بس اول شي لازم تعرفين ان كلية الحقوق مو مثل اي كلية يبيلها مجابل ولازم تحبينها عشان تحبج

بتتعبين مبدئيا فيها بس مع الأيام بتتعودين عليها وبتحبينها

وحياكم الله

انا بعد ويااااااااااااااااااكم
انا سنه ثالثه حقوق
المفروض اكون برابعه
بس لظروف الحمل و الولاده وقفت قيدي

حبيبتي انشالله بسئلج عن الدكاتره وقت التسجيل
بس قوليلي شلووون سنه ثالثه صج انها اصعب سنه ؟؟؟
انا تقديري جيد جدا و الكل يقول بثالثه المعدل ينزل وايد
والله قاعده احاتي
فيديني

حلو خوش موضوع..

لانه بالفتره الاخيره لاحظت وايد استفسارات من بنات وخاصة المستجدات بالحقوق..

الله يعطيكم العافيه يارب..

وموفقين يارب..

خوووش موضوع تسلم إيدج حبيبتي

.
.

آنا طالبة حقوقية

دفعة 2024

رايحة ثالثة انشالله

ادعولي عندي تكميلي التزامات

حسبي الله عليهم

الحمدلله على سلامتج أبوي ويتربى بعزج البيبي يارب

سنه ثالثه من أحلى سنوات كلية الحقوق وأسهلها
لا تحاتين ابوي سنه ثالثه جدا سهله وبتلاحظيين بنفسج هالشي
والجيد جدا ماراح تنزل ان شاءالله
والي يقول صعبه بقوله شلون عديت من سنه ثانيه !!!؟ واهي أصعب الفرق بالكليه !!!

شوفي منو دكاترتج وإن شاءالله بنفيدج

تسلمين أبوي وشاكرة لج مرورج الكريم

مشكوووره حبيبتي و ما تقصرين
والله البنات يحبون يخرعون شوي كلهم قالولي ثانيه و لا شي بالنسبه لثالثه والله يقدرني يارب
بس الحمدلله طمنتيني كنت احاتي وايد

lawyer
انشالله تعدين التزامات بس درسيها بتركيز و الحين عندج وقت يعني درسي عدل و اهم شي اقري النماذج السابقه
حبيبتي اذا عرفتي يوم التسجيل حق سنه ثالثه ضروووووووووري قوليلي
مشكوره و بالتوفيق

مساء الورد يابنات انا عندى استفسار عن الكليه ان مافيها تخصصات بس اشلون فى خريجين يصيرون محامين وخرجين يصيرون محققين ؟؟؟؟؟؟

ابوي الي يصيرون محامين هم خريجين كلية الحقوق المقيدين بجمعية المحامين الكويتيه الي عالبحر تعرفينها !!

أما بالنسبه للمحققين اهم خريجين كلية الحقوق الي قدمو بإدارة التحقيقات – بوزارة الداخليه وطبعا هذيل مايقبلونهم إلا بالواااااااااسطه ومو كل سنه يكون الباب مفتوح للتسجيل بهالجهه يعني كل 3 سنين أو سنتين يب
يبطلون الباب

عدل امتحانات التكميلي اغلبيتها تكون من الامتحانات السابقه وخاصه امتحان الدور الأول

هاااي انا مستجده بالحقوووق انشالله اول سنه لي

ابس اسألج لازززم ناخذ صيفي ولا لأ ؟؟؟

وووو جم ماده عربي لازم ناااخذ ؟؟؟

لا طبعا ابوي مو لازم تاخذين صيفي تقدرين تاخذين مواد اللغات بالكورس العادي بس بيصير ضغط شوي عليج

بالكليه في 3 مواد لغات لازم تاخذينهم
المادة الأولى : انجليزي أو فرنسي تختارين الي تبينه ( الإنجليزي 3 مواد مستوى اول وثاني وثالث في حالة مانجحتي بالقدرات أما إذا نجحتي فتاخذين بس اول وثاني أما
الفرنسي فهو مستويين أول وثاني بس وافضل لج تاخذين الفرنسي )

والماده الثانيه : تدريبات لغويه واهي ماده وحده انصحج من الحين تاخذينها عند د.زكريا يدرس بالأداب أعتقد

الكلية كل مالها وتصيب أصعب وأصعب

معنه المواد وااايد حلوة

بس بعض الدكاترة حسبي الله عليهم

ظالمين بشكل موطبيعي :/

هالسنة مأساة ..

الدفعات انظلمت

سواء دفعتي 2024

بمادة التزامات

والا دفعة 2024 بالتصحيح

التظلم مايسوي شي

والله حرام ..

إذا المتفوقات اللي معدلاتها فوق ال90 اييبون d بالتزامات

هذي كارثة

ادعوولنا جد تعبنا راحت فيها معدلاتنا

.
.

قالولي تكميلي التزامات كله مقالي مافيه قضايا

انشالله سهالات

ابوي بهالكليه الي تدرس تنجح …
كنتي ماخذه التزامات عند منو ؟!!

انا خذيتها عن الصيرفي ويبت فيها 88 وترا انا مو وايد شاطره كان معدلي بسنه اولى 86 وتخرجت اب 85