ايهو افضل المشد الاندونيسي والا حزام الصيدليه؟؟

تكفون خواتي اسمع وايد يتكلمون عن المشد الاندونيسي من وين ايبونه؟؟ وهل اهو احسن والا حزام الصيدليه بعد الولاده فيدوني يزاكم الله خير

ماعمري جربت هالسوالف بس مره بالكلية شفت معانا وحدا كانت توها والده وشفته لابسه كورسيه تقولي احسن من المشد والحزام

شنو اسمه؟؟ ومن وين؟؟ ويشيل الكرشه ؟؟

خل اقولج شغله انا يوم ولدت شريت الحزام من الصيدليه
وبعد عشر ايام يتلي الرداده جان تقولي قطي هذا الحزام لا تلبسينه مامنه فايده
اول الايام لفي بطنج بغتره هذي اشد من الحزام
ومن تحسين انج تقدرين تتحركين من بعد الخياط لبسي كورسيه كامل اذا تبين كرشتج تروح
والله ماجذب عليج
ريلي مايحب ربع كرشه
والبس الكورسيه من الاربعين لين كملت بنتي ٦ شهور والله لا تقولين فيني ربع كرشه ما افصخه الا اذا كنت مع ريلي بس
والكل يقولي جسمج ماتغير نفس ماكنتي بنت
والحين انا بدش السابع وبرجع اسوي نفس الطريقه*
ادري طولت عليج

مشكوره حبيبتي وماقصرتي علي الافاده والله سالفه الجماغ لبستها بولدي الثاني مافادت يوم بولدي الاول لبست الحزام بطني رد مثل ما اهو والله مادري

اتوقع الكورسيه الكامل افضل انا بلبسه اذا ولدت ان شاء الله

ٲٍنٍـٍّ☝ـٍْٱ استخدمت الاندنوسي ومان حيل حلوووو

واهم شي خليج علي طول لابسه كورسيه او مشد حتي لو لابسه دراعه

جدااتنا يقولون ان الجسم يحب الوسع كل مالبستي وسيع تمدد جسمش

انا اخاف البسهم لانهم فيه احتمال ينزلون الرحم

^^

حزام الصيدليه واااااايد زين عن تجربه والحين بجربه اذا ولدت بعد بالسلامه ان شاءالله

طيب وش تنصحوني من وين اخذالكورسيه اتمني الافاده

انا البس المشد القطن
واحس يفيد يشده و يقلل الكرش

انا ماعني فكره وقبل جم يوم اشتريت مشد من سنتر بوينت موجود يم تجهيز البيبي وسوالفه وحسيت شكله زين لانه بالصوره

اللي لابسته من تحت السره بالضبط وشكله زوين بس مادري اذا احد جربه وحاليا احترت حاطه فبالس الشماغ والمشد اللي شريته من سنتربونيت

والود ودي اجرب شي يفيد ويوخر الكرشه وبنفس الوقت مايضر بس

مادري شنو الزين واللي مامنه مضره اللي تعرف تفيدنا

زين بنات قولولنا من وين الكورسيه الكامل والمشد الاندونيسي

اخذي احزام من الصيدليه احسن ويفصل يكون سحاب تسكيرته احسن من اللزق

اما الاندونيسي جربته كلش موشي ويضايق ومايلف وعفسه

شريته من تاجره

وين ينباع المشد الاندونيسي ؟