|
|
مرحبا ابــلات اخباآآركـم .gif "Eh S(7)")
انا طالبه بكليه التربيه ومسووويه بحث عن ادخال المناهج الى رياض الاطفال وابي مساعدتكم .gif "Eh S(2)")
هل انتي معاررضه او مؤديه لهذا القرار ؟ وليش ؟
يعني حاآآبه اعرف ايجابيات وسلبيات هذا القرار وهل تأيدين انه يستمر ويطبق ع كل الروضلات او لا ؟؟
ومشكوورين مقدماآ .gif "Eh S(17)")
اب
اب
اب
اهو له ايجابيات وله سلبيات .. المشكلة انه اغلب مدرسات الرياض مستواهم بالانجليزي اقل من المتوسط فشلون يبونهم يعطون دروس بالانجليزي هالشي مو من صالح الاطفال بتعلمه الابلة غلط ونطقها بيكون غلط
غير ان النظام فيه ضغط على المعلمات لانه اضافوا فترة جديدة وفيه رياض واجد من بينها روضتي كل صف معلمتين مو 3 معلمات حنا بالنظام هذا مضغوطين شلون لما يزيدون فترة جديدة
اما من ناحية أؤيد أو ما أؤيد .. انا صراحة ما أؤيده لانه سلبياته اكثر من ايجابياته يعني كفكرة حلو بس تطبيقهم له غلط
السبب : لاني طبقته عالعام على مستوى اول وماشاءالله عليهم صار عندهم حصيله من كلمات الانجليزي والعربي
وصارو يعرفون يتكلمون الانجليزي ويتجاوبون معاج فيه والحين بثانيه وايد مبدعين ووايد اولياء الامور حابين المنهج وبروضتنا ضغط عالتسجيل كل الاولياء حابين عيالهم يدخلون عندنا
الحين بقولج الاجابيات :
يطلع الطفل من الروضه واهو مهيأ للابتدائي ومتعلمه اساسيات العربي والانجليزي و الرياضيات
صار الطفل يستفيد من الروضه اكثر من قبل
صار عندنا خطوات نمشي عليها بتقديم الدروس مو شغل عايم ع بعضه مثل المنهج القديم والابله تحوس بالدرس عشان توصل للمعلومه
وفر عالمعلمات واااااااااااايد وسائل و مجسمات صار شغلنا خفيف وحلو
وايد نقدر نبدع فيه ونكلفه اقل
سلبياته :
إذا كان ابلتين بالصف راح يصير ضغط عليهم واااااااايد والسبب فتره الصفي واللاصفي
اممممم وبعد فتره الصفي واللاصفي اهم سلبيه بالمنهج
وعلى فكره ترى اللغه الانجليزيه مومعناته طول الحلقه تتكلمين انجليزي لا شغلات بسيطه وحتى الفاشله بالانجليزي ماظن ماتقدر تقول It is ??? يعني لاتحاتون من وحده مجربه المنهج تطمنو والحمدلله ان اليهال قامو يستفيدون
عالاقل صار عندنا دليل و مفاهيم واضحه و خطوات نمشي عليها حالنا حال غيرنا