اول موضوع لي في المنتدى

سلام عليكم صبايا .. شلوونكم ؟؟
انا سالفتي يمكن عادية تحسونها بس ساعدوني ..
انا عمري 20 وتوي قبل اقل من شهر ملجت وزوجي عمره 28 سنة ..
المهم انا متعودة اصرف وااايد واني مدلعة كوني البنت الوحيدة .. وزوجي بعد بخير ومو قاصره شي وكل يوم يطلعني وما يقصر طول ما احنا طالعين الا في خاطري ياخذه لي .. لكن اللي مضايقني ولا مرة حط لي فلوس في ايدي وصار جم مرة اطلع ويا رفيجاتي ويجوف اخذ ثياب ولا شي بس ما يسالني من وين لي فلوس .. انا اهلي ما قطعوا مصروفي ولا شي بس يحز في خاطري انه ما يسال ولا يعطيني .. صج مو قاصرني شي بس بعد احس لازم يقولي واستحي اقوووله اموت ولا اقوله او ابطل له السالفة ..
اناصغيرة وتوي يعني فيدوني ماعليكم امر …..

توج مالج الا شهر مالجه نطري حبيبتي لا تحسسينه انج مشفوحه عالفلوس بعدين دامج عند اهلج مو لازم يعطيج مصروف
انا ماعطاني مصروف الا يوم جيت في بيته

امممم الاغلبيه ما يعطون مصرووف بالملكه

شسالفه الله واكبر بعدج ملجه هدي هدي ياحبوبه دام مو قاصرج ليش حازه بخاطرج انتي عند أهلج واهو مؤ ملزوم فيج الحين لأتبدين تدققين بالشغلات الصغيرة اليً تخرب حياتج

عااادي اكيييد معطيج مهر بالمبلغ لفلاني فحط ابباله ماله داعي مصروف بالملجه ، لان حتي انا ماكان يعطيني مصروف الا بعد ماعرسنا ورحت عش الزوجيه .
الله يهداج بصير مينون ( مهر – عرس – طلعه -تجهيز شقه ) وبعد تبين مصروف ؟!
نطري خوووو (-:
وعلي تفكيرج واحتيارج ليش مايسألج هالملابس من وين لج فلوس؟
لان اكيد الجواب حبيبتي هذي لفلوس من مهرييي (-:

نطرى حبيبتى ان رحتى معاة بيتج ذيك الساعة قوليلة ابى مصرووف .

دامج مابعد تصيرين عنده ماراح يعطيج اكيد. بس اذا تزوجتي ولا عطاج قولي له وين مصروفي انتبهي تكررين غلطتي انا ماكنت اطلب وماكان يعطي وامي تصرف علي. جان يقط علي اربعين كل شهرين او ٣. وبعد سنه قمت اقوله. وصار يتذمر. انتبهي تتنازلين. من البدايه خليه يتعود

اغلبهم مايعطون بالملجه

محد يعطي بالملجه الا نادر ..

نطري لا رحتي بيته ان شاءالله وبيحدد لج مصرفج الشهري ..

انتي فراغه حدج وكانج مو شايفه زين من الريال مو مقصر معاج تو معطيج مهر وراه مصاريف شوشوي علي لاحق على الشقا والصرف حريم بعد الزواج وماتحصل شي وانتي تبين المصاريف بالملجه حمدالله والشكر

لي صرتي فبيته

طلبي

اما دامج عند اهلج عيب تطري عليج هالسالفه

بعد العرس

لااتتنازلين اما الحين

مالج حق

وايد رياييل مايعطون مصرف الا لما زوجته تصير عنده وعقب الدخله

توج مالجه كمل الرياييل ما يعطون غير لما تصير الزوجه في بيتهم
عالأقل تقوليين اي شي يعجبج ياخده لج يعن مو مقصر
لا تطلبي منه نصيحه دامج بخير عند اهلج

حبيبتي اهو معطيك مهر وشبكه
وترا الرجال ما يفكرون بهالامور البسيطه
اهو ما راح يعطيك الا اذا تزوجتوا اعلب الرجال كذا اذا مو كلهم

اذا للحين عند اهلج فهذذا شي طبيعي حبيتي

بس اذا انتي عنده خلاص لا طبا عيب عليه مايصرف عليج