اول مره اكتب موضوع عن زوجي ادخلو ساعدوني

السلام عليكم مرتبكه ومحتاره اول مره اكتب موضوع عن حياتي يمكن يكون فضفضه لان اعتقد حياتي مع هالادمي مالها حل
زوجي من اول زواجنا وهو يحبني ويموت فيني على كلامه بس المشكله حب بدون احترام والله مايسوى دايم عصبي والفاظ وسخه وانا كنت هاديه واخاف منه فماكنت ارد عليه طبعا غير مدة الايد الي طفح الكيل وصرت اعصب واثر على نفسيتي وصرت مااقدر انام من كثر المشاكل والمشكله انه لما يجيي بغا يراضيني لازم يصير جما،،،، واذا مارضيت يجلس يسب ويعصب لين كرهت النوم معاه الحين صارت معظم ايامنا مشاكل وصرت اكرهه ومو قادره اطالع فييه يارب تصبر قلب
وحده من مشاكلنا انه مايهتم بنظافته وسكت لين تعبت ولما تكلمت تخيلو ايش يقول انه هذا كلام بنات الشوارع وانا والله انه ماكان يجي من الدوام الا وانا متعطره ومتبخره وهو جي بعافنته ولا همه شعوري انا عارفه مشكاتي الحياء اللي مانفعني في حياتي والحين اذا تعدل يوم رجع عشره لازم اقول والله تعبت وقرفت غير انه يشيش يعني زاد الطين بله كمان اكبر مشكله الكلام تخيلو انا وهو غييرر هو يحب الكلام مستعد يتكلم 24ساعه كلام تافه وانا لا من يومي بنت كلامي قليل والله اني اصدع من كثر الكلام والمشكله اذا جيت وفتحت موضوع سبحان الله ينقلب لمشكله لانه يفهم كلامي بالمقلوب فصرت اتحاشى الكلام معاه
ا ه ه ه. والله تعبت عيالنا صارو طولنا واحنا في نفس الموال صرت ادعي عليه بالموت يمكن ارتاح هذا جزء من حياتي غير منعي من زيارة اهلي وكل ماجيت اروح سوا لي مشكله الله لايسامحه ولا يحلله
الله يجزاكم خير خواتي تدعون لي ربي يفرج همي

اسأل الله العظيم رب العرش العظيم ان يفرجها عليك ويسخر لك زوجك
فعلا السكوت والحياء بعض الاحيان يجيب نتائج عكسيه

انتي عندك اطفال منه ؟؟
كيف صلاته ؟

يارب يارب يفرجها عليج بهاليله يارب العالمين
حسيت فيج والله صج هالشي متعب يارب يهديه لج

احسن حل الطناااااااااش لاصار معصب اسكتي عنه و اذا يتكلم خليج يعني منتبهه له ولا تفتحين معاه مواضيع خليه هو يسولف لاقال ليش ما تشاركيني قولي انت لا تكلمت قلبت الكلام خلني ساكته احسن .. واذا ع النظافه الله يعينج

ادعي ربج وصلي الوتر ترا سبحانه بيده بيوم وليله يغير اطباع زوجج

الله يهديه ويسخره لج

حبيبتي الله يعينج جد .. انا اقول صلي وادعي انه الله يهديه لج ولا سبج المفروضتاخذينموقف لانه مافي علاقه تتم بدون احترامانتي مرته وعرضهوام عياله اذا قاعد يسب ومايحترم عرضهعيل اسمحيلي تعلم هالشي من ابوه يمكن كان يشوف انه يعامل امه بنفس الطريقه لازم يتعلم انه يحترمج وعصبيته عادي امتصي غضبه اسمعي وسكتي طنشيه وخلي يهذر لين يمل وبالنسبه للنظافه مو عارفه شنو اقولج الله يعينج يارب ويسخره لج ان شاءالله

مادري شقول لج بسس لاتدعين بالموت موزين
وماله حق يمنعج من اهلج والله يهديه ويسخره لج ادعي له بصلاتج
انه الله يهديه وادعي باللي تبين والله يهديه

اللهم امين اختي الله يستجيب منك المشكله عندي ماشاء الله اطفال صارو صوله وهو على حاله كان عندي امل يتعدل اذا كبرو بس بوطبيع ،،،،،،وصلاته بصراحه مايصلي الا كل فتره

الله يسعدكم خواتي نفسي ادر عليكم وحده وحده بس والله عيوني من كثر البكا مو شايفه زين الاخت اللي تقلي طنشيه لما يعصب انا ماوداني ورى االا الطناش لاني كنت اسكت لما يعصب وهذا تعب لي اعصابي الله لايسامحه والله اني ماني محللته لا دنيا ولا اخره
والمشكله انه يجي ثاني يوم ولا كانه سوا حاجه يبغا طلابته تتنفذ ومايبغاني ازعل واخذ موقف واذا زعلت يقلي انتي جمل تحقدين ماتنسيين اقله كيف انسى اهانتك لي قدام الاولاد يقلي انتي اللي خليتيني اعصب الحين مشكلتي مو قادره اصفي قلبي من ناحيته وهو كل فتره يسالني اذا احبه صراحه ماقدرت اقولها وهو حاسس بس يكابر يقلي لو ماتحبيني ماجلستي معاي كل هاسنين عنده ثقه في نفسه تكفي العالم
وكمان فيه حاجه نفسي اعرفها الحين اذا تخاصمنا توقف الحياه يعني لاادخل ولا اخرج كيف الوحده تكمل حياتها كذا اشوف جاراتي تتمشكل مع زوجها وتسير عادي انا مره سويتها تزاعلنا وكنت رايحه لوحده نفاس والمشكله انا اللي مواعدتها وارسلت له عالواتس انب بطلع والله مارضي اروح خلا شكلي زي الزفت قدام الادميه يعني ابغا اقلكم اللي تقول عيشي حياتك وطنشيه مااقدر لانه متحكم في كل شي الله يعيين
والله احيانا اقول ياليت اني جريئه كان اعيش لوحدي انا وعيالي في بيت لوحدنا وهو الله لايرده بس ماقدر الله المستعان

الله يعينك يارب ويفرج همك

الله يعينج يارب ويفرجها عليج

الله يعينج و يفرجها عليج يارب
كله ادعي ان الله يسخر قلبه لج

الله يفرج همج يااختي ..والله قلبي عليج ومالي الا الدعاء لج عسى ربي يفرج همج وييسر امورج ويهدي زوجج

وموضوع النظافه ..اغلب ونادرا فيه رييايل مايحسون بعمرهم انهم مهب نظاف..يعني اعرف وحده من اهلي كانت

تشتكي من وصاخة زوجها اتقول ريحته كله عرق وخياس واهله يشمون ريحة اباطه ويسكتون مايبون يحرجونه..

اتقول شنو سووت شرت له مزيل عرق وحطته ع تسريحه وشكله الاخ استحى ع ويهه وحس بريحته الخايسه. ومن يومها

تقول العفن اللي فيه انتهى وراح..وغير تقول يحكك جسمه ويقعد يشم شم كل مكان يحككه لاعت جبدي وانا اذكر لكم هالموقف

زين منها تحملت طفاسته..بس تسنع لمن حس بالحراج..يشوف زوجته سنعه وريحتها حلوه وانت اتجيها معفن..

بعدين النظافه من الايمان كيف الواحد يجابل ربه بصلاته وهو مهب نظيف.."

وانتي دايما ادعي لزوجج لاتدعين عليه يمكن ربج يهديه بيوم من الايام ويتعدل..

ادرسي شخصيته وحاولي تعالجي المواضيع بعقل وبراحه نفسيه

شوفي نمط زوجك وايش يأثر فيه و أيش يحب وإيش يكره

صدقيني اذا عرفتي نمط شخصيته بتسيطرين على جميع الامور وبتنحل كل مشاكلك باذن الله

اقري كذالك سورة البقره يومياً بالبيت واقري قران كثير بينطلق لسانك وتحسي انك الكل في الكل في الحياه

ربي يسخره لك ويسخرك له ويجعل المودة والرحمه تملى قلبك وقلبه

ادرسي شخصيته وحاولي تعالجي المواضيع بعقل وبراحه نفسيه

شوفي نمط زوجك وايش يأثر فيه و أيش يحب وإيش يكره

صدقيني اذا عرفتي نمط شخصيته بتسيطرين على جميع الامور وبتنحل كل مشاكلك باذن الله

اقري كذالك سورة البقره يومياً بالبيت واقري قران كثير بينطلق لسانك وتحسي انك الكل في الكل في الحياه

ربي يسخره لك ويسخرك له ويجعل المودة والرحمه تملى قلبك وقلبه

اختي الله يعينك عليه وياجرك … طيب شو رايك تجربي مثلا انك تحضري الو الحمام وتساعديه ياخذ شور على اساس دلع … اشتري الو كريمات ومزيلات العرق واهديها الو … يمكن زوجك بدو اهتمام وصدقيني رح ياثر فيه … في كثير قصص ممكن تخليه يسترخي في الحمام وبنفس الوقت ينعش جسمه والله مو مكثر الا من المحلات والعطور وقصص الزيوت العطريه … جربي معو وما رح تخسري …… وانتي تغزلي فيه بعد ما يتعطر كل الرجال يحبون الدلع والاهتمام … انا زوجي يشرب شيشة بس اتداكي اذا تشمين له ريحه منفرة لانو اول باول يبدل وياخذ شور ويتعطر … هي المواضيع بدها صبر وبدها طولة بال …