اول مره اشتري قطوه وحدي متوهقه لانها ترجع :(

صباح /مساء الخير ..

خواتي انا حدي متوهقه اول مره اشتري قطوه
عمرها شهر وجم يوم ..

امس شريتها وماادري شنو تحتاج ..؟

تتحرك وتلعب عادي بس الي وهقني انها ترجع بعرف ليش
في سبب معين ولا طبيعي هالشي ..؟

متى اطعمها وشنو اخليها تاكل وشلون لازم يكون جو غرفتي عشان تنام يعني بارد ولا دافي ..؟؟

ماعرف شي ابي فزعتكم تكفون .. مابي يصير فيها شي

شنو اعطيها حليب و اكل البيت ولا شنو ؟؟

اخاف منها اذا مشت وراي تركض توترني

مانزلت هالموضوع الا وانا واثقه انكم ماراح تخلوني ..

7 مشاهدات ولا وحده ردت علي

تكفون ابي مساعدتكم متوهقه حدي ..

في اسهال ؟ اذا في اسهال مع الترجيع احتمال كبير برد دفي المكان وحطي لها زل

اذا استمرت وديها البيطري خل يشوف حرارتها اذا مرتفعه راح يعطيها مضاد

حياتي صغيره مره
أنتبهي يصير فيها شيء
بيكون بذمتك ..

اذا زادت حالتها وديها طبيب بيطري افضل ..

اتمنى إني افدتك

حبيبتي الترجيع ممكن يكون عادي ممكن برد وممكن القطو ماكل زياده وممكن شي ثاني اذا تم يرجع وديه بيطري والتطعيم من ثلاث ياخذون ثلاث تطعيمات كل اسبوعين تطعيم بعدين عقب سنه والحليب اكو حليب متخصص حق الكيتنز الاصغار او اخذي حليب اطفال خالي من اللاكتوز وصدور الدياي تقدرين تفوحينهم بماي وتسوينهم مسحب او معلبات للقطط الاصغار واالمكان لازم يكون دافي شويه حق القطوه واتمنى اني فدتج حبيبتي 

مبروك القطوه الجديده تتهنين فيها ان شاء الله ^^

بالأول اذا كان عمر القطوه شهر واحد بتلاحظين عيون القطوه اكثرها سواد و ايدها و رجولها وايد ضعاف بالغصب تزحف نفس هاذا الفديو قطوين عمرهم شهر واحد و يتخانقون مع بعض ^^ https://www.youtube.com/watch?feature=player_detailpage&v=HInUHnQNmw0

اما لو شهرين بيكون جسمها شاد و تقدر تركض و تقفز لأن اطرافها صارت اكبر فتقدر تتحرك بشكل اسرع نفس هل فديو https://www.youtube.com/watch?feature=player_detailpage&v=R6cqtCqSOW0

و سواء كان عمرها شهر او شهرين يفضل تخلينها بغرفه ما تكون بارده حيل و لا حاره حيل لأنهم مثل الجهال بسرعه يستمرضون و مناعتهم قليله

انا دايم انصح بهل عمر انج تعطينها حليب خالي من اللاكتوز اكو نوع ينباع بالجمعيه بركن الأطفال هاي صورته

و اذا ما تعرف تشرب استخدمي هاذي عبيها حليب و رضعيها بتستانس عليها

و اكلها مثل ما قالت فوشيه صدر ديايه مسلوق بدون اضافه نتفي لها صغار بس لا توكلينها وايد

اذا كنتي حاطتها بغرفتج او بالصاله احسن حبسيها بقفص كبير وقت ما تكونين موجوده بهل عمر وايد تصير حوادث للقطاوه يا ينداسون تحت الرجول او يتسكر عليهم الباب او يتسلقون الستاره و يطيحون على الأرض من مكان عالي أو يندعسون ورا الأثاث و ما يقدرون يطلعون او يمكن ما تفهم و توصخ بأماكن بعيد عن ترابها على الأقل لما تكمل شهرين و نص بعدها راح تعتمد على نفسها و مناعتها بتكبر ^^

حبيبتي ترف أول شي لازم يكون الجوو دافي ثانياً مايصير تعطينها حليب لان الحليب اهوو اللي يسبب الاسهال اناقطوتي عمرها شهرين ويوم و امس رجعت ووديتها طبيب بيطري ويقول لازم ماتشرب حليب كلش والجوو بالبيت يكون دافي او قطيها بكفر او خيطيلها ملابس جذي يعني

اب لعيونج

ااب

اعتقد انج ممكن تعرفين عمرها من لون عيونها اذا كان لون عيونها ازرق معناه انها فعلا عمرها شهر او اقل من شهرين علي الاقل
وحاولي تيبينلها اكياس اكل ويسكاس الي مع المرق ينباع بالجمعيات ومركز سلطان بس ابتعدي عن السمك والتونه خاصتأ بهالعمر لان السمك والتونه راح يسببلها الاسهال والمرض والحساسيه , وحاولي توفرين لها الجو الدافي جدا لان القطاوه الصغيره تحتاج للدفا , واذا كلت لا تعطينها حليب لان بما انها كلت خلاص خليها تتعود انها تاكل افضل من انها تشرب حليب وابتعدي عن حليب البيت او البودر لانه راح يسببلها الاسهال , وكل كلامي عن تجربه شخصيه صارتلي كان عندي قطوتين بعمر صغير تقريبا 3 اسابيع والحين مشالله اكبروا وبصحه جيده لله الحمد