|
|
السلام عليكم
خاوتي انا عندي مشكلة وايد مضايقتني مع اهل زوجي وهي ان خالتي وحمواتي اي شي يصير عندهم يخشونة عني ومايعلموني بشي واخباري لازم يعرفونها ويتدخلون بكل كبيرة وصغيرة
هذا الشي يضايق الوحدة لازم تحس انها صارت منهم وفيهم وموبعيدة عنهم بس هم للة يهديهم كله مبعديني بعطيكم امثلة:
+مرت حماي احملت جان حماتي تتصل عى زوجي تقولة ترى فلانه حامل بس لا تعلم مرتك احنا نخاف من العين —-> ليش جذي يعني انا ببوق الياهل ولا بموته الحمدالله انا عندي عيال يعني مو ميتة عالياهل وبعدها تقيبا بشهرين مات الياهل ابطنها
مرة ثانية احملت وهم دقو على ريلي وقالوله لاتعلم مرتك وبعدها انا قاعدة معاهم بالصالة يكلمون مرت حماي يقولون لها اي عاد احنا مانبي نعلم احد لاتبينين عبالهم انا هبلة وما افهم ليش يستصغروني عاد انا قلت لهم مبروك فلانه حامل خالتي تقول لا من قال وبعدها بخمس شهور قالولي انها حامل بعد ماكبر بطنها
+حماتي تنفصل من زوجها والناس كلها تدري وهم خاشين عني عقب 3شهور يقولون لي
+اذا بسافرون يخشون عني يمكن يخافون الحقهم
وفوق كل هذا يتدخلون بحياتي بكل كبيرة وصغيرة يحاسبوني على الطلعة مع ريلي وعلى نومي وعلى خدامتي وعلى كل شي
ايام الملجة وقت اللي بنفرش الشقة حماتي ماترضى نروح بروحنا حق الاثاث لازم هي ويانا واذا اخترت الشي تقول لا ماتاخذينة وهي اللي تختار وانا اقول يلا ماعليه لي درجة حتى واحنا نشتري الثلاجة والغساله هي معانا حتى الاوتي هي منقيتة لي درجة ان الريال اللي بالمحل قالها عيب مايصير جذي بس ما يفيد فيها تبي تمشي كلامها عالكل وتسوي روحها الفاهمة مع انها كلها غلط من راسها لي ريلها
اذا شي ماتعرفة تيي تسألني واعلمها وبعدين يوم الزوارة تقول جدام خالتي وحريم خوانها ان ام على ماتعرف هالشي وانا علمتها تقلب السالفة
اذا شافتني طالعة مع ريلي كل دقيقة تتصل عليه لين تخرب طلعتنا
وودي اعرف ليش تسوي جذى ما ادري اهل الريل لو تعطينهم عينج مايبين كله عندهم هم الزينين وانا الشينة
لو بقول كل شي ما راح اخلص انا وايد متأذية من هالسالفة بس صابرة عشان ريلي
قمت اشك بنفسي اخاف هم الصح وانا الغلط
اسفة عالاطالة
ريلج شنو موقفه؟
لازم يحطهم عند حدهم
اي تذكرت شي بعد ما قلته خالتي كله تتشره علي اذا مر علي يوم ما اتصلت عليها او صار 3 ايلم وما زرتها وهي تبي ازورها الساعه 12 بالليل عقب ماتخلص طلعتها وانا اشوف ان الساعه 12 مو وقت مناسب انج تزورين فيه احد
وتبيني اقولها هبي فلنتاين وهبي نيو يير(وهي 24 ساعة بالمساجد والمحاضرات الدينية) واذا ماقلت تقوم الدنيا علي واكون ما اعرف الاصول مع ان هي اللي ماتعرف الاصول ولا تقدر واكبر دليل اني طحت مريضة في بيت ابوي شهر ما كلفت نفسها تزورني لا هي ولا بنتها الفهيمة او اذا صار عندنا عزا حتى ماتكلف نفسها تقول عظم الله اجرج
اذا ويخششون هذول ناس اتطالع الناس على كل شي >>>>>>>>كل يرى الناس بعين طبعه
.gif "Eh S(13)")
.gif "Eh S(14)")
أحسن شي خلي علاقتك معاهم بحدود أنتي تحطينها على راحتك مو هم ، بالنسبة حق الزوارة اختاري الوقت اللي يناسبك لأنك لا تنسين عندك التزامات بيتك وزوجك وعيالك و دراستك أو وظيفتك وبعد زوارة أهلك ، يعني هذا كله من وقتك ، الأولى هم اللي يراعون ظروفك وأن وقتك مو على كيفهم ، وبالنسبة حق أنهم يخشون عنك أسرارهم ÷ذي بصراحة شيئ تافه لا تديرين له بال وعلى كيفهم ، الأحسن لا تدخلين بحياتهم وايد خليك بعيدة وعزيزة ، وانتي إذا عندك شي ما تبين يعرفونه عنك من حقك ، لكل بيت أسرار ، بس صراحة موضوع إن حماتك تتدخل بأثاث بيتك كانت قوية وايد ، بس اللي صار صار الحين ، لا تعطينها مجال أكثر حتى بدون مناقشة أو تقديم أعذار وأسباب خليهم يقولون اللي يبون ، وانتي عقبها أخذي من اللي قالوه اللي يعجبك وقطي اللي ما يعجبك وراك ولا يهمك أحد
ويا رب الله يسخر لك زوجك وعيالك ويهديهم يا رب
………………..خلاص عامليهم بالمثل ولاتعلمينهم بولاشي………..والله يعينج عليهم…………..